Jakə 1:19 - Dɔnɔn kə̂ Siki: Tar kə̂ aw arə təbbə

¹⁹ Ngakɔnʼmje kə̂ m-ndikise nya, maji karə ə-gərəje nɛ̂n nəənn: Maji karə dəw kâra kâra tuka mbia kə ngɔru oo nɛ̂n tar. A, n̂-pa tar kə ngɔru baa ang ddəm n̂-dda wungu kə ngɔru baa ang ddəm

Jakə 1:19 ပူးပေါင်းရင်းမြစ်များ

Matiye 5:22

A əman, m-pa marəse: Bbo dəw dda wungu kə ngokɔɛ̂n a, asə karə n̂-gangə sariya dɔɛ̂ tə̂. Bbo dəw bbar ngokɔɛ̂n mbə a, asə karə daw saa nɔn sariya tə̂. A bbo dəw bbar ngokɔɛ̂n wooy a, asə karə dilɛ̂ kəm puru tə̂ kə̂ aw ɔn kə ndɔ kə ndɔ.

Marke 12:37

Dabbiti njaa kara bbar Kristə le to Əbbeeje. Yeenn a, Kristə le a to ngonnɛ̂ tɔ bbay tokə baânn wa?» Dəwje nya aw ooje tar laa le kə rɔ-nəəl.

Marke 2:2

Dəwje tokə banya nya mbɔnje naan arə lo nayn ang ang ngaa, ta-kəy tə̂ le ddaka njaa kara lo goto. Jeju aw tɔjude tar lə Lubba.

Luku 15:1

Njê-taaje narɛ lambo tɔyn kə njê-nɛ̂n-ddaje kə̂ maji ang ddeeje ngɔsi kə Jeju ta koo tar laa.

Luku 19:48

A n̂-gərəje nɛ̂n kə̂ ta dda bba ta tɔlɛ̂ nɛ̂n ang, mba dəwje tɔyn aw tukaje mbide nya aw ooje nɛ̂n tar kə̂ tɛɛ̂ tə̂.

Kulaje 1:15

Dɔ ndɔɛ̂je tə̂ənn, Piyɛr in taar horo njê-mə-kunnje tə̂ kə̂ kɔrde asə kɔr kâra kə dɔjoo ngaâ pa nan:

Kulaje 10:33

Kar tə̂ənn njaa mula mari, a ə-ndiki tə̂ â ə-ddee nəənn. Bbasinɛn, jeje tɔyn jee nɔn Lubba tə̂ ta koo tar kə̂ Əbbə-dəwje unda tai tə̂ karə ə-pa arəje.»

Kulaje 13:48

Dəwje kə̂ toje to Jiipije ang ooje tar le a, rɔde nəəlde nya ngaâ dɔsuje gaji tar lə Əbbə-dəwje. Dəwje kə̂ Lubba mbərəde tokə kete karə dinga təbbə kə̂ to kə ndɔ kə ndɔ ddeeje to njê-mə-kunnje.

Kulaje 17:11

Kəjə lə Jiipije kə̂ Bərə maji uta kəjə lə njê kə̂ Tesalonikə arə n̂-taaje tar le kə ngɔru baa. Ndɔ kâra kâra daw disaje makəturu lə Lubba ta gərə se tar kə̂ Pɔl aw pa le to kə dɔgɔlɛ̂ njaa wa?

Kulaje 2:42

Njê-mə-kunnje le unnje rɔde tɔyn mba kaw koo nɛ̂n-tɔju lə njê-kaw-kulaje kə ndɔ tɔyn. Daw dulaje nuju naan tə̂, daw ddaje mə-kâra ddəw muru mə-kâra tə̂ ngaâ daw dujuje Lubba.

Epɛjinyɛje 4:26

Bbo wungu ɔnse a, ə-ddaje majang ang, arəje lo ndul dɔ wungu tə̂ le ang.

Epɛjinyɛje 4:31

Maji karə inyaje rɔ-katə, kila dəw mə tə̂, dda wungu, nɛ̂n-ndangə, nɛ̂n-taji, mə-majangje dang dang.

Kolosinyɛje 3:15

Maji karə mə-wul-lɔm lə Kristə â ɔn dɔ kəjəje kə̂ məse tə̂. Mba Lubba bbarse karə ingaje mə-wul-lɔm le bba karə ə-ddeeje to da-rɔ kə̂ kâra baa. Maji karə ə-gərəje go maji kə̂ n̂-dda kə se.

Kolosinyɛje 3:8

A bbasinɛn nəənn, maji karə inyaje nɛ̂njeenn tɔyn. Nɛ̂nje kə̂ tokə: Wungu, rɔ-katə, mə-majang, nɛ̂n-tajije, tar mbəje kə̂ aw tee tase tə̂.

1 Tesalonisinyɛje 2:13

Jaw jarə wooyo Lubba kə ndɔ tɔyn mba kar kə̂ jila mbər tar lə Lubba jarəse le, ooje ngaâ ə-taaje to tar lə Lubba njaa, bbo to tar lə dəwje ang. Tar le aw dda kula məse tə̂, see njê-mə-kunnje.

Jakə 1:16

Ngakɔnʼmje kə̂ m-ndikise nya, ərəje rɔse ang.

Jakə 1:2

Ngakɔnʼmje, bbo nɛ̂nje dang dang nanse a, maji karə isije kə rɔ-nəəl.

Jakə 1:26

Bbo marə dəw oo rɔɛ̂ to nje-polo Lubba, â bbo n̂-ngəm tɛɛ̂ ang a, naw nərə rɔɛ̂, polo Lubba laa to nɛ̂n kə̂ baa.

Jakə 2:1

Ngakɔnʼmje, unnje məse arəje Əbbəjeje Jeju-Kristə kə̂ piti to laa mban. Maji karə ɔruje kəm dəw ang ngaa.

Jakə 2:5

Ngakɔnʼmje kə̂ m-ndikise nya, ooje tar nəənn: Lubba mbərə dəwje kə̂ dəwje kə̂ duninya tə̂ nəənn oojede to njê-ndooje, ta karə n̂-ddeeje to njê-nɛ̂n-kingaje ddəw mə-kunn tə̂ ddəm ta karə Bbe-kɔn kə̂ Lubba unn ndue ta karə dəwje kə̂ ndikeje le ddee to ləde ddəm.

Jakə 3:10

Ta dəw kə̂ kâra baa njaa â tar kə̂ maji ddəm tar kə̂ maji ang ddəm inje tə̂ aw tee. Ngakɔnʼmje, maji karə to tokə baann ang.

Jakə 4:11

Ngakɔnʼmje, maji karə ə-paje tar kə̂ maji ang kə ri naan ang. Bbo dəw pa tar kə ri ngokɔɛ̂n maji ang wase gangə sariya dɔ ngokɔɛ̂n tə̂ a, n̂-pa tar dɔ ndu tə̂ maji ang ddəm n̂-gangə sariya dɔ ndu tə̂ ddəm. A bbo ə-gangə sariya dɔ ndu tə̂ a, ə-to nje-ngəm ndu le ang, ə-to nje-gangə sariya dɔ ndu tə̂ le.

Jakə 5:12

Uta tɔyn, ngakɔnʼmje, maji karə undaje yo kə ri dara ang ddəm nangə ang ddəm undaje marə yo-kunda dang ang. A maji karə bbo nɛ̂n kə̂ to ye njaa a, ə-paje nan: «Ye njaa», bbo nɛ̂n kə̂ to ye ang a, ə-paje nan: «Ye ang». Baann bba Lubba a gangə sariya dɔse tə̂ ang.

Jakə 5:19

Ngakɔnʼmje, bbo marə dəw horose tə̂ ndəəm ddəw tar kə̂ tɔkɔrɔ, â bbo marə ngokɔɛ̂n təl saa ddəw tar tə̂ kə̂ tɔkɔrɔ le a,

1 Jan 2:21

Ə-gərəje tar kə̂ tɔkɔrɔ mban ngaâ ə-gərəje to ngəm in mə tar kə̂ tɔkɔrɔ tə̂ ang. Mba yeenn bba, m-dda makəturu nəənn marəse.