Jakə 1:18 - Dɔnɔn kə̂ Siki: Tar kə̂ aw arə təbbə

¹⁸ Nujuje tokə siki kə mə-ndiki laa, ddəw tar tə̂ kə̂ tɔkɔrɔ, bba karə n-toje to dəwje kə̂ Lubba undade kete nɔn nɛ̂nje tə̂ tɔyn kə̂ n̂-dda.

Jakə 1:18 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 1:13

Ngaâ n̂-ddeeje to ngann lə Lubba kə̂ dujude ddəw mə-ndiki tə̂ lə Lubba, bbo ddəw kuju tə̂ lə dəwje ang ddəm ddəw mə-ndiki tə̂ lə dəwje ang ddəm.

Rɔmɛnje 4:17

tokə Lubba pa tarɛ̂ Makəturu tə̂ laa nan: «Mundai to bɔ gəl-dəwje kə̂ banya.» Kəm Lubba tə̂ kə̂ noo məɛ̂ tə̂ saa le, Abaraham to bɔjeje. Lubba kə̂ arə təbbə dəwje kə̂ oyje ngaâ aw dda arə nɛ̂nje kə̂ toje ang bbay toje.

1 Kɔrɛntinyɛje 4:15

Mba le eeje kə dəwje doro dɔku kə̂ aw tɔjuse ddəw lə Kristə njaa kara, bɔsese kâra baa. Əman â mujuse ddəw tə̂ lə Jeju-Kristə kə̂ mila mbər Tar kə̂ Maji laa marəse.

2 Kɔrɛntinyɛje 6:7

n-pa tar kə̂ tɔkɔrɔ, Lubba arəje singa-mɔngu laa. Junn nɛ̂n-dda kə̂ gatə gatə to nɛ̂n-dda ddɔ ləje ddəm to dər ləje ddəm.

Epɛjinyɛje 1:12

Yeenn a, maji karə jeje kə̂ n-toje to dɔngɔr dəwje kə̂ unda məde dɔ Kristə tə̂ jɔsuje gajɛ̂.

Epɛjinyɛje 1:13

Ddəw tə̂ lə Kristə le tɔ a, sese kara ooje nɛ̂n tar kə̂ tɔkɔrɔ, Tar kə̂ Maji kə̂ ajise, ooje məse tə̂ kə Kristə ngaâ Lubba uja əndaji rɔse tə̂. Əndaji le to Ndil-mə-nda kə̂ nunn ndue ta karə le.

2 Timɔte 2:15

Ə-dda gan njaa karə Lubba ooi to dəw kə̂ asə kəmɛ̂ tə̂, dəw kə̂ dda kula laa kə majɛ̂ arə rɔ-kul a ddɛɛ̂ ang, maji karə ə-to dəw kə̂ aw tɔju tar kə̂ tɔkɔrɔ kə ddəwe.

Ebərəje 12:23

Ə-ddeeje ngɔsi mban kə mbɔn-naan lə ngann-dərəje lə Lubba mban, dede kə̂ ride to makəturu tə̂ darâ, Ə-ddeeje ngɔsi mban kə Lubba kə̂ to nje-gangə sariya dɔ dəwje tə̂ tɔyn, ə-ddeeje ngɔsi mban kə ndil dəwje kə̂ gatə gatə kə̂ Lubba dda arə n̂-ddeeje to dəwje kə̂ sangəje tɔyn njaa.

Jakə 1:15

Goe tə̂ a, bbo kə̂ da-rɔ tə̂ le uwa səm ngaâ uju majang, majang le bbo tɔkə a, aw kə dəw arə oy.

Jakə 1:21

Mba yeenn bba, maji karə inyaje nɛ̂n-yərəw tɔyn kə mə-majangje tɔyn, ə-taaje tar kə̂ Lubba dubbu məse tə̂ kə mə ngonn-kasə. Tar le a kasə ta kajise.

Jakə 3:14

Bbo mə ddase nya wase kəjə kə̂ maji ang kə̂ ta nar nɛ̂n lo kə̂ bo to məse tə̂ a, maji karə ɔsuje gaji rɔse ang ddəm ərəje ngəm ə-tujuje nɛ̂n tar kə̂ tɔkɔrɔ ang ddəm.

1 Piyɛr 1:23

Sese le dujuse tokə siki, ddəw tar tə̂ lə Lubba kə̂ a nayn kəm baa kə ndɔ kə ndɔ. Tar le to tokə kandə-ko kə̂ a tuju ndɔ kâra ang. A nayn nyɔm kə ləw.

1 Piyɛr 1:3

Maji karə jɔsuje gaji Lubba kə̂ to Bɔ Əbbəjeje Jeju-Kristə, mba maji kə̂ n̂-dda kə je bo nya ngaâ n̂-dda narə dujuje tokə siki, ddəw ndol tə̂ kə̂ n̂-ndol Jeju-Kristə kə̂ oy le. Baann bba karə jundaje məje kə dɔ nɛ̂n tə̂ dəw a kisi nɛ̂n kə təbbə

1 Jan 3:9

Dəw kə̂ Lubba uje dda majang ang ngaa, mba tar lə Lubba isi məɛ̂ tə̂ tokə kandə-ko arə nâ kasə ta dda majang ang ngaa, mba n̂-to dəw kə̂ Lubba uje.

Apokalisi 14:4

Dede le dulaje rɔde nɛ̂n-yərəw tə̂ ddəw tə̂ lə dɛnɛ̂nje ang, mba n̂-gərəje dɛnɛ̂n ang. Daw dunnje go Ngonn batə le loje tə̂ tɔyn kə̂ naw naw tə̂. Lubba uka dɔde horo dəwje tə̂ karə n̂-ddeeje to dɔngɔr dəwje laa ddəm lə Ngonn batə le ddəm.