Jakə 1:17 - Dɔnɔn kə̂ Siki: Tar kə̂ aw arə təbbə

¹⁷ Nɛ̂nje tɔyn kə̂ maji kə̂ dəw inga baa, nɛ̂n-karə-baa kə̂ maji tɔyn inje darâ ji Lubba tə̂. Ne kə̂ n̂-dda nɛ̂nje tɔyn kə̂ aw ndokoje mə dara tə̂. Ne kə̂ n̂-turu ndɔ kâra ang ddəm n̂-tuka ndil ang ddəm mba n̂-yəkə ang.

Jakə 1:17 ပူးပေါင်းရင်းမြစ်များ

Matiye 7:11

Bbo sese kə̂ məse maji ang ddəm nəənn ə-gərəje ta karə nɛ̂n kə̂ maji ngannse. A Bɔsese kə̂ darâ a karə nɛ̂n kə̂ maji njê kə̂ dujeje ang wa?

Luku 11:13

Bbo sese kə̂ məse maji ang ddəm nəənn, ə-gərəje ta karə nɛ̂n kə̂ maji ngannse a, Bɔy kə̂ darâ a karə Ndil-mə-nda njê kə̂ dujeje ang wa?»

Tar kə̂ Maji kə̂ Jan dda makəturu tə̂ 1:9

Tar le to lo-karɛ kə̂ tɔkɔrɔ. N̂-ddee dɔ nangə tə̂ ngaâ n̂-ndoko dɔ dəwje tə̂ tɔyn.

Tar kə̂ Maji kə̂ Jan dda makəturu tə̂ 3:27

Jan ilade tə̂ nan: «Nɛ̂n kə̂ dara arə bba dəw a kasə ta kinga.

Tar kə̂ Maji kə̂ Jan dda makəturu tə̂ 3:3

Jeju ilɛ̂ tə̂ nan: «Tɔkɔrɔ m-pa mari, dəw kə̂ n̂-təl duje tokə siki ang a, a kasə koo Bbe-kɔn lə Lubba ang.»

Tar kə̂ Maji kə̂ Jan dda makəturu tə̂ 8:12

Jeju təl pa tar arə dəwje kə̂ banya le bbay nan: «Əman â m-to lo-karɛ kə̂ dɔ nangə tə̂. Dəw kə̂ unn gom a, a nja lo ndul tə̂ ang. Nâ kinga lo-karɛ kə̂ aw arə təbbə.»

Kulaje 11:18

Dəwje le ooje tarjeenn le a, əwje rɔde ngaâ ɔsuje gaji Lubba paje nan: «Lubba arə ddəw dəwje kə̂ toje to Jiipije ang karə n̂-turuje məde mba kinga nɛ̂n təbbə tɔ.»

Kulaje 5:31

Lubba le unnɛ̂ undɛ̂ dɔ ji-kɔlɛ̂ tə̂ to mbay ddəm Nje-kaji-dəwje ddəm. Baann bba karə ngann Ijarayɛlje ingaje ddəw ta turu məde ddəm karə tar majang ləde ɔru dɔde tə̂ ddəm.

Rɔmɛnje 6:23

Mba kuka kə̂ dəw aw inga go majang tə̂ to yo. A mə-maji lə Lubba kə̂ to nɛ̂n-karə-baa le to təbbə kə̂ to kə ndɔ kə ndɔ ddəw ddee tə̂ kə̂ n-ddeeje kâra baa kə Əbbəjeje Jeju-Kristə.

1 Kɔrɛntinyɛje 4:7

Ddi â tɔju to ə-to dəw kə̂ dang wa? Nɛ̂n tɔyn kə̂ ee nɛ̂n to Lubba â ari ang wa? Yeenn a, mba ddi bba aw unda nɛ̂n gui tokə Lubba â ari ang wa?

2 Kɔrɛntinyɛje 4:6

Mba Lubba kə̂ pa nan: «Maji karə lo ndoko lo tə̂ kə̂ ndul» le, ne njaa n̂-ndoko məje tə̂, ta dda karə joo ndoko laa kə̂ aw ndoko kəm Kristə tə̂.

Epɛjinyɛje 1:18

M-duju karə Lubba ɔru kəmse arə ə-gərəje nɛ̂n kə̂ aw undaje məse dɔɛ tə̂, kə̂ n̂-bbarse mbɛɛ̂ le karə ə-gərəje nɛ̂n-kingaje kə̂ to nɛ̂n piti kə̂ narə dəwje laa ingaje, sese ddəm njê-mə-kunnje ddəm.

Epɛjinyɛje 2:8

Mə-maji lə Lubba â aji nɛ̂n se ddəw koo kə̂ ooje məse tə̂ saa, bbo ə-ddaje marə nɛ̂n kâra mbɛɛ̂ ang. To nɛ̂n kə̂ Lubba arəse baa.

Pilipinyɛje 1:29

Mba Lubba dda kə se mə-maji karə ooje məse tə̂ kə Kristə njaa a bbayɛ̂ ang, n̂-dda kə se mə-maji karə ooje ndoo mbɛɛ̂ tɔ.

1 Timɔte 6:16

Lubba kə̂ nje-kisi kə ndɔ kə ndɔ, ne kə̂ nisi lo tə̂ kə̂ ndoko kə̂ dəw tee tə̂ ang. Dəw kâra ooe ang ddəm dəw kâra asə ta kooe ang ddəm. Maji karə piti kə singa-mɔngu toje to laa kə ndɔ kə ndɔ. Amɛnn.

Ebərəje 13:8

Jeju-Kristə nayn kə lo-to laa njaa takənɛn, bbokənɛn kə ndɔ kə ndɔ.

Jakə 1:5

Bbo kəm-karɛ du marə dəw horose tə̂ a, maji karə n̂-duju Lubba. Lubba a karɛ̂ kəm-karɛ le. Mba Lubba aw arə nɛ̂n dəw kə mə-maji laa bbo kɔl kə dəw bba arɛ̂ nɛ̂n ang.

Jakə 3:15

Kəm-karɛ kə̂ baann to kəm-karɛ kə̂ in darâ ang. To kəm-karɛ kə̂ dɔ nangə tə̂, kə̂ in da-rɔ tə̂, in rɔ Əsu tə̂.

Jakə 3:17

A kete njaa kara, kəm-karɛ kə̂ in darâ to nɛ̂n-yərəw ang, to kəm-karɛ kə̂ aw dda arə mə-wul-lɔm to horo dəwje tə̂, aw dda arə dəwje wulje pee, dəwje ooje ta naan, dəwje ddaje kula kə̂ maji. Kəm-karɛ le dda arə dəwje ɔruje kəm naan ang, dəwje ooje kəm-to-ndoo lə naan ddəm n̂-ddaje nɛ̂n mba kəm dəwje ang ddəm.

1 Jan 1:5

Tar kə̂ joo tɛɛ̂ tə̂ bba n-ndiki ta pa karəse tokə be: Lubba to lo-karɛ, lo ndul ngaji to rɔɛ̂ tə̂ ang.

1 Jan 4:10

Tar ndiki le tokə be: Jeje â n-ndikije Lubba ang, ne â n̂-ndikije ngaâ nula Ngonnɛ̂ narə n̂-ddee to nɛ̂n-polo ta kɔru nɛ̂n tar majangje ləje dɔje tə̂.

Apokalisi 21:23

Bbe le aw ndiki karə kar ɔsu wase karə nɛyn nda bba karə məɛ̂ ndoko ang. Mba ndoko lə Lubba â aw dda arə məɛ̂ aw ndoko ngaâ Ngonn batə le â to lambe kə̂ mə tɔkə bbe tə̂ le.

Apokalisi 22:5

Til a goto ngaâ. Dəw a duju puru lambe wase a nginan karə kar ɔsu bba ta koo nɛ̂n lo ang. Mba ndoko lə Əbbə-dəwje Lubba njaa a kuru dɔde tə̂ ngaâ dâ kɔnje mbay bbal kə bbal.