Jakə 1:10 - Dɔnɔn kə̂ Siki: Tar kə̂ aw arə təbbə

¹⁰ A ne kə̂ n̂-to nje-nɛ̂n-kinga n̂-dda rɔ-nəəl tɔ, mba Lubba a dda karə dəwje ooeje to nɛ̂n ang, mba nje-nɛ̂n-kinga a nday tokə lə putu kakə kə̂ gayn.

Jakə 1:10 ပူးပေါင်းရင်းမြစ်များ

Matiye 5:3

«Maji arəse, see dəwje kə̂ ə-gərəje to nɛ̂n ndil duse, mba Bbe-kɔn kə̂ darâ to ləse.

Matiye 6:30

Bbo Lubba ula kubbu kə̂ kura kakəje kə̂ muû kə̂ toje bbokənɛn nəənn ngaâ puru a kɔnde bara a, sese, nâ dda kə se karə uta yeenn ang wa? See njê kə̂ mə-kunn ləse ngaji baa!

1 Kɔrɛntinyɛje 7:31

Maji karə dəwje kə̂ aw ubbaje maji nɛ̂nje kə̂ nangə̂ nəənn isije tokə dəwje kə̂ aw ubbaje maji nɛ̂nje le ang, mba nangə kə̂ jaw jooje nəənn a nday.

Pilipinyɛje 3:8

Tɔkɔrɔ, moo nɛ̂njeenn le tɔyn to nɛ̂n kə̂ baa. Tɔkə nɛ̂n-kinga â to ta gərə Əbbəmje Jeju-Kristə. Minya nɛ̂nje tɔyn ɔju dɔ Kristə ngaâ moo nɛ̂n tɔyn tokə lə yərəw mba kinga Kristə le

1 Timɔte 6:17

Maji karə unn ndu arə njê-nɛ̂n-kingaje kə̂ bbokənɛn nəənn arə dɔsuje gaji rɔde baa ang. Maji karə dundaje məde kə dɔ nɛ̂n-kingaje tə̂ ang, mba to nɛ̂nje kə̂ a ndayje. A maji karə dundaje məde dɔ Lubba tə̂ kə̂ aw arəje nɛ̂n tɔyn arə uta dɔɛ̂ karə jisi nɛ̂n kə majɛ̂.

Jakə 4:14

A ə-gərəje kisi ləse kə̂ bara ang. Ə-toje ddəw kâra baa kə kundu dɔ maann kə̂ tee, a mbɔr ang a goto.

1 Piyɛr 1:24

Mba Makəturu lə Lubba pa nan: «Dəwje tɔyn toje tokə lə mu. Nɛ̂n kə̂ daw dingaje nɛ̂n piti to tokə lə putu mu le. Mu aw tutu, pute aw gayn,

1 Jan 2:17

Nangə le aw nday kə bbo nɛ̂nje kə̂ nangə̂ tɔ. A dəw kə̂ dda nɛ̂n kə̂ mə Lubba ndiki a kisi kə ndɔ kə ndɔ.