Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jakə 1:1 - Dɔnɔn kə̂ Siki: Tar kə̂ aw arə təbbə

1 Əman, Jakə kə̂ m-to bbərə-kula lə Lubba ddəm Əbbə-dəwje Jeju-Kristə ddəm m-dda lapiya dəwje kə̂ toje to Jiipije kə̂ gəl-kujude dɔku gire joo kə̂ sarɛnje naan mə bbeje tə̂ dang dang.

အခန်းကိုကြည့်ပါ။ ကော်ပီ




Jakə 1:1
41 ပူးပေါင်းရင်းမြစ်များ  

Pilipi de kə Bartelemi, Toma de kə Matiye kə̂ to nje-taa narɛ lambo, Jakə ngonn lə Alpe kə Tade.


Ngonn lə nje-dda kula kakə le â nəənn ang wa? Kɔɛ̂nje â to Mari ngaâ ngakɔɛ̂nje â toje to Jakə, Jojɛpə, Simɔn kə Judə ang wa?


Jeju pa arəde nan: «M-pa tar kə̂ tɔkɔrɔ marəse, ndɔ kə̂ nɛ̂nje tɔyn a turuje tokə siki, kar tə̂ kə̂ Ngonn lə dəw a kisi ngende-mbay tə̂ kə̂ to nɛ̂n-piti, sese kə̂ unnje gom kara â kisije dɔ ngende-mbayje tə̂ dɔku gire joo, mba gangə sariya dɔ gəl-kuju ngann Ijarayɛlje tə̂ kə̂ dɔku gire joo tɔ.


Andere kə Pilipi, Bartelemi kə Matiye, Toma kə Jakə ngonn lə Alpe, Tade kə Simɔn kə̂ daw bbarɛ̂ nan «Dəw kə̂ ndiki bbe laa nya»,


mba karə usaje nɛ̂n ddəm ayje nɛ̂n ddəm dɔ tabələ tə̂ ləm mə Bbe-kɔn tə̂ ləm ngaâ karə isije ngende-mbayje tə̂, mba gangə sariya dɔ gəl-kuju ngann Ijarayɛlje tə̂ kə̂ dɔku gire joo.»


Matiye, Toma, Jakə ngonn lə Alpe, Simɔn kə̂ daw bbarɛ̂ nan dəw kə̂ tar bbe laa ɔɛ̂n nya,


Bbo dəw ndiki ta dda kula ləm a, maji karə nunn gom. Baann bba lo kə̂ mee tə̂ a, nje-kula ləm a kee tə̂ tɔ. Bbo dəw aw dda kula ləm a, Bɔmje a walɛ̂.»


Yeenn ngaâ Jiipije dujuje naan nan: «Nâ kaw dda bba ja kasə ta kingɛ̂ ang wa? Nâ kaw rɔ Jiipije tə̂ kə̂ sanrɛje naan horo Gɛrɛkəje tə̂, ta tɔju nɛ̂n Gɛrɛkəje wa?


N̂-teeje Jerujalɛm a, daalje dawje mə kəy tə̂ kə̂ to dɔ marɛ̂ tə̂ taar kə̂ to lo mbɔn-naan ləde. Dəwje kə̂ eeje tə̂ənn to Piyɛr, Jan, Jakə de kə Andere, Pilipi de kə Toma, Bartelemi de kə Matiye, Jakə ngonn lə Alpe, Simɔn kə̂ daw bbarɛ̂ nan Jelotə kə Judə ngonn lə Jakə.


N̂-dda jia narəde karə n̂-paje tar ang ngaâ nɔru gəl gusu kə̂ Əbbə-dəwje ɔrɛ̂ nɛ̂n kə ddang kəy-kula tə̂ le. Ta kutu nɛ̂n dɔ tar laa a, n̂-pa nan: «Aw paje tar nəənn arəje Jakə kə kəsə njê-mə-kunnje.» Goe tə̂ a, nɔtu ngaâ nunn ddəw naw kə marə lo tə̂ dang.


N̂-paje tar n̂-tungaje a, Jakə pa nan: «Ngakɔnʼmje, ooje tar ləm.


Mba ləw baa njaa dəwje aw ilaje mbər Ndu lə Mɔyijə mə bbeje tə̂ kâra kâra ngaâ kə ndɔ-kuwa-rɔ kâra kâra, daw tura Makəturu-Ndu le kəy mbɔn-naan tə̂ lə Jiipije.»


Tar kə̂ n̂-ddaje makəturu tə̂ darəde le tokə be: «Jee njê-kaw-kulaje, dəwje kə̂ dɔ Egilisi tə̂ kə ngakɔnse, n-dda lapiya ngakɔnjeje kə̂ toje to Jiipije ang kə̂ eeje Antiyos nangə tə̂ kə̂ Siri kə Silisi.


Marə Jiipije kə̂ aw ndikije tar lə Lubba eeje mə bbe tə̂ kə̂ Jerujalɛm le tɔ. Dinje nangəje tə̂ dang dang tɔyn kə̂ duninya tə̂ bba n̂-ddeeje.


Lo-karɛ̂ a, Pɔl aw kə je rɔ Jakə tə̂. Dəwje kə̂ dɔ Egilisi tə̂ tɔyn mbɔnje naan lo tə̂ənn le.


«Əman Kolodiyus Lisiyas m-dda makəturu nəənn mari, əi ngonn mbay Peliksə kə̂ ə-to dəw kə̂ bo. M-ddai lapiya!


Gəl-dəwje ləje kə̂ dɔku gire joo undaje məde to nɛ̂n kə̂ Lubba unn ndue ta dda a ddee to nɛ̂n kə̂ tɔkɔrɔ. Yeenn bba daw poloje Lubba til kə kar, a singade ɔru ang. Tɔkə mbay, əman kara munda məm dɔ nɛ̂n tə̂ənn le tɔ. Mba yeenn bba Jiipije undaje nɛ̂n tar dɔm tə̂.


Tɔl kə̂ n̂-tɔl Etiyɛnn le Sɔl ndiki tə̂. Ndɔɛ̂ tə̂ənn njaa, dəwje unnje kutu kula kəm Egilisi kə̂ Jerujalɛm ndoo tə̂. Njê-mə-kunnje sanrɛje naan dɔ nangə tə̂ kə̂ Jude kə Samari, a njê-kaw-kulaje â naynje.


Əman Pɔl kə̂ m-to bbərə-kula lə Jeju-Kristə, Lubba bbarəm undam dang to nje-kaw-kula karə mila mbər Tar kə̂ Maji laa marə dəwje.


Karɛ̂ tə̂ənn, moo marə nje-kaw-kula dang ang. Bbayɛ̂ njaa to Jakə ngokɔn Əbbə-dəwje â mooe.


Kete bba karə dəwje kə̂ Jakə ulade le ddee teeje a, Piyɛr le aw usa nɛ̂n kə njê-mə-kunnje kə̂ toje to Jiipije ang. A go ddee tə̂ lə dəwje le a, nayn njê-mə-kunnje le ngaâ nusa nɛ̂n kə de ang ngaa, mba n̂-bbəəl dəwje kə̂ aw ngəmje ndu kuja ganja le.


Jakə kə Piyɛr kə Jan kə̂ dəwje oojede to singa Egilisi le ooje mə-maji kə̂ Lubba dda səm le a, duwajeje əman kə Barnabas n̂-ddajeje lapiya ta tɔju to n̂-ddaje mə-kâra kə je. Yeenn bba joo ta naan ta karə jeje jaw kə rɔ dəwje tə̂ kə̂ toje to Jiipije ang. A dede, dawje kə rɔ Jiipije tə̂.


Əman Pɔl kə Timɔte kə̂ n-to bbərə-kulaje lə Jeju-Kristə n-dda makəturu nəənn jula nɛ̂n jarə dəwje tɔyn kə̂ isije Pilipi kə̂ toje to njê-mə-ndaje ddəw tə̂ lə Jeju-Kristə. Jula nɛ̂n jarə njê-kɔnje dɔ Egilisi kə diyakərəje tɔ.


Ə-dda gan ə-ddee kete bba karə nɛyn-kul tee. Ebul kə Pudɛnn kə Linus kə Kolodiya kə ngakɔnjeje tɔyn, n̂-ddaije lapiya.


Əman Pɔl, m-to bbərə-kula lə Lubba ddəm nje-kaw-kula lə Jeju-Kristə ddəm. Lubba unnum to nje-dda karə dəwje kə̂ Lubba mbərəde unnje məde arɛ̂ ngaâ karə n̂-gərəje tar kə̂ tɔkɔrɔ bba ta n̂-ngəmje rɔde mba Lubba.


Əman Piyɛr, nje-kaw-kula lə Jeju-Kristə, m-dda makəturu nəənn mula nɛ̂n marə dəwje kə̂ Lubba mbərəde, kə̂ sarɛnje naan ngaâ isije dang dang to njê-mbaje, nangə tə̂ kə̂ Pɔn, nangə tə̂ kə̂ Galasi, nangə tə̂ kə̂ Kapados, nangə tə̂ kə̂ Aji kə nangə tə̂ kə̂ Bitini.


Əman Simɔn Piyɛr kə̂ m-to bbərə-kula lə Jeju-Kristə ddəm nje-kaw-kula lə Jeju-Kristə ddəm m-dda makəturu nəənn marə dəwje kə̂ ingaje mə-kunn kə̂ ngəng kə̂ kâra baa kə̂ jinga le. Dingaje mə-kunn le ddəw nɛ̂n-dda tə̂ kə̂ gatə gatə lə Jeju-Kristə kə̂ to Lubba ləje ddəm Nje-kajije ddəm.


Əman Judə ngokɔn Jakə kə̂ m-to bbərə-kula lə Jeju-Kristə, m-dda makəturu nəənn marə dəwje kə̂ Lubba bbarde kə ddaka, dəwje kə̂ Lubba kə̂ Bɔ ndikide nya ngaâ ngəmde mba Jeju-Kristə.


Moo kɔr dəwje kə̂ duja əndaji əngo-nɔnde tə̂ le. Deeje doro kɔr kâra kə dɔsɔ gire sɔ (144 000) To dəwje kə̂ inje horo gəl-dəwje tə̂ tɔyn kə̂ Ijarayɛl.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ