Galatəje 6:8 - Dɔnɔn kə̂ Siki: Tar kə̂ aw arə təbbə

⁸ Dəw kə̂ dubbu nɛ̂n kə̂ bbo kə̂ da-rɔɛ̂ tə̂ ndiki a, nâ kuja nɛ̂n kə̂ bbo kə̂ da-rɔ tə̂ le aw ddee nɛ̂n: Nɛ̂n le to yo. Dəw kə̂ dubbu nɛ̂n kə̂ Ndil-mə-nda ndiki a, nâ kuja nɛ̂n kə̂ Ndil-mə-nda le aw ddee nɛ̂n: Nɛ̂n le to təbbə kə̂ to kə ndɔ kə ndɔ.

Galatəje 6:8 ပူးပေါင်းရင်းမြစ်များ

Matiye 19:29

A dəwje tɔyn kə̂ inyaje kəy ləde, ngakɔnde kə̂ dingaw kə ngakɔnde kə̂ dɛnɛ̂n, bɔdede kə kɔndede, ngannde wase ndɔɔje ləde mbam, dâ kinga nɛ̂n gɔl dɔdɔku uta yeje kə̂ kete ddəm dâ kinga təbbə kə̂ to kə ndɔ kə ndɔ ddəm.

Matiye 25:46

Dâ kaw koo ndoo kə ndɔ kə ndɔ, a njê kə̂ ddaje nɛ̂n kə̂ mə Lubba ndiki le a kisije kə təbbə kə̂ to kə ndɔ kə ndɔ.»

Luku 18:30

nâ kinga nɛ̂n nya mə ndɔje tə̂ nəənn ddəm nâ kinga təbbə kə̂ to kə ndɔ kə ndɔ, mə ndɔje tə̂ kə̂ aw ddeeje ddəm.»

Tar kə̂ Maji kə̂ Jan dda makəturu tə̂ 4:14

A dəw kə̂ a kay maann kə̂ mâ karɛ̂, kunda a kɔɛ̂n ndɔ kâra ang ngaa. Maann kə̂ mâ karɛ̂ le a təl to kəy-maann kə̂ aw arə təbbə kə̂ to kə ndɔ kə ndɔ.»

Tar kə̂ Maji kə̂ Jan dda makəturu tə̂ 4:36

Nje-kuja kandə-ko inga kuka laa mban. Naw mbɔn kandə-ko le mba kisi nɛ̂n kə təbbə kə̂ to kə ndɔ kə ndɔ. Yeenn bba karə nje-dubbu ko kə nje-kuja ko, dede joo kəm rɔde nəəlde.

Tar kə̂ Maji kə̂ Jan dda makəturu tə̂ 6:27

Maji karə nɛ̂n-kusa kə̂ aw tuju â ə-ddaje kula mbɛɛ̂ ang. Maji karə ə-ddaje kula mba nɛ̂n-kusa kə̂ aw to kə ndɔ kə ndɔ ngaâ aw arə təbbə kə̂ to kə ndɔ kə ndɔ. Nɛ̂n-kusa kə̂ to kə ndɔ kə ndɔ le Ngonn lə dəw â, a karəse. Mba, ne â Lubba kə̂ Bɔ arɛ̂ singa.»

Rɔmɛnje 13:14

Maji karə ulaje Əbbəjeje Jeju-Kristə tokə nɛ̂n-ddɔ rɔse tə̂ ta inyaje arəje da-rɔse ndasəse arə ə-ddaje nɛ̂n kə̂ bboe ddɛɛ̂ ang.

Rɔmɛnje 6:13

Unnje dəbbə rɔse kâra ilaje majang tə̂ ang ngaa, mba a təl to nɛ̂n-dda kula kə̂ gatə gatə ang. A unnje rɔse arəje Lubba tokə dəwje kə̂ oyje bba ndolje. Unnje rɔse tɔyn ilaje kula tə̂ lə Lubba karə rɔse le təl to nɛ̂n kə̂ ta dda nɛ̂n kula kə̂ gatə gatə.

Rɔmɛnje 6:23

Mba kuka kə̂ dəw aw inga go majang tə̂ to yo. A mə-maji lə Lubba kə̂ to nɛ̂n-karə-baa le to təbbə kə̂ to kə ndɔ kə ndɔ ddəw ddee tə̂ kə̂ n-ddeeje kâra baa kə Əbbəjeje Jeju-Kristə.

Rɔmɛnje 8:11

Bbo Ndil lə Lubba kə̂ ndol Jeju kə̂ oy le dda bbe məse tə̂ a, da-rɔse le a koy njaa. A Lubba kə̂ ndol Kristə kə̂ oy le a karə təbbə da-rɔse le ddəw Ndil tə̂ laa kə̂ dda bbe məse tə̂.

Rɔmɛnje 8:13

Mba bbo ə-njaje ddəw da-rɔ tə̂ a, â koyje. A bbo ə-njaje ddəw tə̂ lə Ndil-mə-nda ngaâ arəje nɛ̂n-ddaje kə̂ maji ang kə̂ rɔse tə̂ oyje a, â kisije kə təbbə.

Rɔmɛnje 8:6

Dəw kə̂ kəjə laa to kə dɔ bboje tə̂ kə̂ da-rɔ tə̂ a kinga yo. A dəw kə̂ kəjə laa to kə̂ dɔ nɛ̂n tə̂ kə̂ Ndil-mə-nda ndiki a kinga təbbə kə mə-wul-lɔm.

1 Kɔrɛntinyɛje 15:42

Ndol lə dəwje kə̂ oyje to tokə baann tɔ. Rɔ kə̂ n̂-dubbu le tuju. A rɔ kə̂ a ndol le tuju ang.

Galatəje 6:7

Ərəje rɔse ang: Dəw asə koko Lubba ang, nɛ̂n kə̂ dəw dubbu a, a kuja kandɛ̂.

1 Timɔte 1:16

A mba yeenn â Lubba oo kəm-to-ndoo ləm, n̂-ndiki ta karə Jeju-Kristə tɔju tɔ-wur laa dɔm tə̂, əman kə̂ m-to dəw kə̂ dɔngɔr kə̂ nje-nɛ̂n-dda kə̂ maji ang le. N̂-dda baann mba karə dəwje kə̂ a ta kooje məde tə̂ saa ta kinga nɛ̂n təbbə kə̂ to kə ndɔ kə ndɔ oomje to nɛ̂n-kɔju-marɛ̂.

Titə 3:7

Yeenn a, ddəw mə-maji tə̂ laa le n̂-dda narə n-ddeeje gatə gatə kəmɛ̂ tə̂ ddəm karə jingaje təbbə kə̂ to kə ndɔ kə ndɔ kə̂ junda məje dɔɛ̂ tə̂ le ddəm.

Jakə 3:18

Dəwje kə̂ ndikije mə-wul-lɔm ddaje arə dəwje kə̂ isije mbɔrde tə̂ isije kə mə-wul-lɔm tokə ko-ndɔɔ kə̂ dəw dubbu. Kandə-ko kə̂ dâ kujaje le to kula kə̂ gatə gatə.

2 Piyɛr 2:12

A dede le, daw ddaje nɛ̂n tokə lə daje kə̂ kəjə ləde goto. Lubba ddade karə duwade n̂-tɔlde. Daw tajije nɛ̂n kə̂ n̂-gərəje ang. Lubba a tɔlde tokə daw tɔl daje.

2 Piyɛr 2:19

ngaâ dunnje ndude darə dəwje le nan, dâ kɔrujede kɔ bbərə tə̂. A dede njaa kara n̂-toje to bbərəje lə bboje kə̂ da-rɔ tə̂ kə̂ aw tuju dəwje. Mba dəw kâra kâra to bbərə lə nɛ̂n kə̂ bboe uta dɔɛ̂.

Judə 1:21

Ə-naynje ddəw ndiki tə̂ lə Lubba mba nginan nɛ̂n Əbbə-dəwje Jeju-Kristə. Ne kə̂ nâ dda kə je maji karə jingaje təbbə kə̂ to kə ndɔ kə ndɔ.

Apokalisi 22:11

Maji karə dəw kə̂ to gatə gatə ang, to gatə gatə ang kə kete kete bbay. Ngaâ nje-nɛ̂n-yərəw ddee to nje-nɛ̂n-yərəw kə kete kete bbay. A maji karə dəw kə̂ to gatə gatə dda nɛ̂n kə̂ gatə gatə kə kete kete bbay. Ngaâ maji karə dəw kə̂ sangə rɔɛ̂ mba Lubba, sangə rɔɛ̂ kə kete kete bbay.»