Galatəje 6:4 - Dɔnɔn kə̂ Siki: Tar kə̂ aw arə təbbə

⁴ Maji karə dəw kâra kâra aa go kula-ddɛɛ̂ njaa oo. A bbo noo marə nɛ̂n kə̂ asə karə nunda nɛ̂n gue a, ne njaa nunda nɛ̂n gue, bbo ta nunn kula laa nɔju nɛ̂n kula lə marə dəw ang.

Galatəje 6:4 ပူးပေါင်းရင်းမြစ်များ

Luku 18:11

Parijinyɛ le ar taar ngaâ duju Lubba mba tar dɔɛ̂ njaa nan: ‹Lubba, mari wooyo mba m-to tokə kəsə dəwje ang. Kəseje toje to njê-bbokoje, njê-nɛ̂n-ddaje kə̂ gatə gatə ang, njê-ddaje lo-to-majang. M-to tokə nje-taa narɛ lambo nəənn ang tɔ.

1 Kɔrɛntinyɛje 11:28

Maji karə dəw kâra kâra aa go rɔɛ̂ oo kə majɛ̂ bba usa mapa nəənn ngaâ ay nɛ̂n mə əngo-narɛ tə̂ nəənn.

1 Kɔrɛntinyɛje 3:14

Dəw kə̂ puru ɔn kula laa ang a, a kinga kuka laa.

1 Kɔrɛntinyɛje 3:8

Dəw kə̂ nje-dubbu nɛ̂n kə dəw kə̂ nje-kungu maann dɔɛ tə̂, dasəje naan. Dâ kinga kuka ləde kâra kâra asə kəm kula kə n̂-ddaje.

2 Kɔrɛntinyɛje 1:12

Nɛ̂n kə̂ jaw junda nɛ̂n guje to kəjə ləje kə̂ aw ɔru naji ləje pa-nja tə̂ ləje dɔ nangə tə̂ nəənn, uta tɔyn, pa-nja ləje horose tə̂. Lubba dda arə n-nja horose tə̂ kə mə-nda kayn ddəm jula nɛ̂n naan tə̂ ang ddəm. Nɛ̂ɛnn le to ddəw kəm-karɛ tə̂ lə dəwje ang, to ddəw mə-maji tə̂ lə Lubba.

2 Kɔrɛntinyɛje 13:5

Maji karə sese njaa ə-tənnje rɔse ooje se ə-naynje ddəw mə-kunn tə̂ ləse wa? Ə-gərəje kə majɛ̂ to Jeju-Kristə to məse tə̂ ang wa? Baann ang a, yeenn tɔju to rɔse kə̂ ə-tənnje le tɔjuse to ə-naynje ddəw mə-kunn tə̂ ləse ang.

Galatəje 6:13

Dede kə̂ dujade ganja le njaa kara n̂-ngəmje Ndu ang. A n̂-ndikije karə arəje dujase ganja bba ta kunda nɛ̂n gude.

Pilipinyɛje 1:26

Yeenn bba kar kə̂ m-təl horose tə̂ a, ddəw tə̂ ləm, rɔse nəəlse nya mba Jeju-Kristə.