Galatəje 6:2 - Dɔnɔn kə̂ Siki: Tar kə̂ aw arə təbbə

² Maji karə otoje nɛ̂n-koto kə naan, yeenn â to dda kula kə ndu Kristə.

Galatəje 6:2 ပူးပေါင်းရင်းမြစ်များ

Matiye 8:17

N̂-dda baann bba karə tar lə Ejayi kə̂ to nje-kila mbər tar lə Lubba le ddee to tar kə̂ tɔkɔrɔ. Tar le nan: «Nɔru naməje ləje kə ddang ngaâ n̂-taa rɔ-toje ləje kə dɔɛ̂ tə̂.»

Luku 11:46

Jeju ilɛ̂ tə̂ nan: «To ndoo nya arəse, see Njê-gərəje-Ndu, mba aw undaje nɛ̂n-koto kə̂ ɔɔy dɔ dəwje tə̂, a sese ndɔn-jise kara ɔruje nɛ̂n nɛ̂n-koto le ang.»

Tar kə̂ Maji kə̂ Jan dda makəturu tə̂ 13:34

Maw munn ndu kə̂ siki marəse: Maji karə ə-ndikije naan. Əsese tɔyn ə-ndikije naan tokə əman m-ndikise.

Tar kə̂ Maji kə̂ Jan dda makəturu tə̂ 15:12

Ndu kə̂ marəse â nəənn: Maji karə ə-ndikije naan tokə m-ndikise.

Rɔmɛnje 15:1

Jeje kə̂ jubbaje singa, maji karə n-gərəje tar yɔɔ lə dəwje kə̂ ubbaje singa ang bba ta nɛ̂n kə̂ nəəlje jeje dɔrɔ â n-sangəje ang.

Rɔmɛnje 8:2

Mba Ndu lə Ndil kə̂ aw arə təbbə dəw ddəw mə-kâra tə̂ n̂-dda kə Jeju-Kristə le ɔrɛ̂ ji Ndu tə̂ lə majang ddəm yo tə̂ ddəm mban.

1 Kɔrɛntinyɛje 9:21

Ddəw kâra baa, bbo misi kə dəwje kə̂ gərəje Ndu lə Mɔyijə ang a, m-dda tokə dəw kə̂ gərə Ndu le ang tɔ, mba kinga nɛ̂n de. Tɔkɔrɔ m-gərə ndu lə Lubba, mba maw dda nɛ̂n kə turu ndu Kristə.

Galatəje 6:5

Mba dəw kâra kâra a kɔru naji nɛ̂nje kə̂ n̂-dda nɔn gɔl Lubba tə̂.

1 Tesalonisinyɛje 5:14

Ngakɔnje, n-dujuse nya karə ə-ndɔruje mbi dəwje kə̂ aw ddaje nɛ̂nje kə̂ to kə dɔgɔlɛ̂ ang. Maji karə ə-ddaje arəje dəwje kə̂ rɔde oy njururu təl ubbaje singa. Ngaâ umanje dəwje kə̂ mə-kunn ləde sangə ang bbay ddəm ə-tɔje wurse arəje dəwje tɔyn ddəm.

Jakə 1:25

A dəw kə̂ unda məɛ̂ ta kuru gəl ndu kə̂ maji tɔyn kə̂ aw ɔru dəw kɔ bbərə tə̂, bbo n̂-nayn ddəwe tə̂, noo tar le a, narə məɛ̂ oy dɔɛ̂ ang ngaâ n̂-dda nɛ̂n kula a, nâ kisi kə rɔ-nəəl mə kula tə̂ laa kə̂ naw dda.

Jakə 2:12

Maji karə ə-paje tar ta ə-ddaje nɛ̂n tokə dəwje kə̂ Lubba asə gangə sariya dɔde tə̂ ddəw ndu tə̂ kə̂ aw ɔru dəw kɔ bbərə tə̂.

Jakə 2:8

Tɔkɔrɔ, bbo ə-ddaje kula kə ndu kə̂ Mbay-dɔ-mbayje unn makəturu tə̂ nan: «Maji karə ə-ndiki nje-mari tokə da-rɔi njaa», a yeenn ə-ddaje nɛ̂n kə̂ maji.

1 Piyɛr 2:24

Noto majangje ləje dɔɛ̂ tə̂ dɔ kakə-dəsə tə̂ mba karə jeje kə̂ jɔruje rɔje majang tə̂, ddəw koy tə̂ kə̂ joyje saa mban le jisije kəm baa mba dda nɛ̂n kə̂ gatə gatə. Ddəw doje tə̂ kə̂ ninga, najije rɔ-toje tə̂ ləje.

2 Piyɛr 2:21

Mba, gərə ddəw nɛ̂n-dda kə̂ gatə gatə ang maji uta ye kə̂ ta gərə ngaâ bba ta tusu Ndu lə Lubba kə̂ n̂-tɔjude le kinya.

2 Piyɛr 3:2

Maji karə oleje məse dɔ tarje tə̂ lə njê-kilaje mbər tar lə Lubba kə̂ unnje rɔde tɔyn arɛ̂je, oleje məse dɔ ndu tə̂ kə̂ Əbbə-dəwje kə̂ to Nje-kaji-dəwje unn ngaâ njê-kaw-kulaje pa arəse le.

1 Jan 4:21

Ndu kə̂ Kristə arəje â nəənn: Maji karə dəw kə̂ ndiki Lubba ndiki ngokɔɛ̂n tɔ.