Galatəje 6:12 - Dɔnɔn kə̂ Siki: Tar kə̂ aw arə təbbə

¹² Dəwje tɔyn kə̂ uwajese karə ujaje ganja le ndikije karə dəwje oojede maji kəmde tə̂. Nɛ̂n kə̂ daw sangə njaa to, karə koy lə Kristə dɔ kakə-dəsə tə̂ le dəwje ulaje kəmde ndoo mbɛɛ̂ ang.

Galatəje 6:12 ပူးပေါင်းရင်းမြစ်များ

Matiye 23:27

«To ndoo nya arəse, see njê-gərəje-Ndu kə see Parijinyɛje kə̂ ə-toje to njê-ngəmje. Ə-toje tokə lə dɔbarəje nəənn kə̂ dɔru pɔr gire tə̂ darə nda darə kura gire tə̂ ddaka, a singa dəwje kə̂ oyje kə nɛ̂n-yərəwje dang dang ddusuje məɛ̂.

Matiye 23:28

Sese kara ə-toje tokə baann. Kəm dəwje tə̂, undaje rɔ dəwje kə̂ aw bbəəlje Lubba. A ngəmje kə nɛ̂n-ddaje kə̂ maji ang ddusuje məse.

Matiye 23:5

Daw ddaje nɛ̂nje tɔyn mba karə dəwje aajede. Mba yeenn bba, daw ddaje bbɔl əndaarje darə bo ngaâ daw dunguje makəturuje lə Lubba məɛ tə̂ ngaâ n̂-ddaje ta-kubbuje ləde darə ngal.

Matiye 5:10

Maji arəse, see dəwje kə̂ daw dula kəmse ndoo tə̂, mba kula-ddase kə̂ to gatə gatə, mba Bbe-kɔn kə̂ darâ to ləse.

Matiye 6:16

«Bbo ɔkuje rɔse nɛ̂n-kusa a, ə-tɔjuje to isije kə rɔ-katə tokə njê-ngəmje aw ddaje le ang. Daw tɔjuje dɔ kəmde tə̂ to daw dɔkuje rɔde nɛ̂n-kusa. M-pa marəse, to tar kə̂ tɔkɔrɔ, dingaje kuka ləde mban.

Matiye 6:2

«Yeenn bba, bbo aw arə nɛ̂n njê-ndooje a, maji karə uru nɛ̂n əkii ang. Mba njê-ngəmje aw ddaje tokə baann mə kəy mbɔn-naan tə̂ lə Jiipije wase dɔ ddəw tə̂, mba kinga nɛ̂n piti ta dəwje tə̂. Tɔkɔrɔ njaa, m-pa marəse, dingaje kuka ləde mban.

Matiye 6:5

«Bbo aw dujuje Lubba a, ə-ddaje tokə lə njê-ngəmje ang. Dede, n̂-ndikije nya ta kar taar bba duju Lubba mə kəy mbɔn-naanje tə̂ wase tɔ-ddəwje tə̂ karə dəwje tɔyn oojede. Tɔkɔrɔ njaa, m-pa marəse, dingaje kuka ləde mban.

Luku 16:15

Jeju pa arəde nan: «Sese aw ddaje rɔse to dəwje kə̂ gatə gatə kəm dəwje tə̂. A Lubba gərə məse, mba nɛ̂n kə̂ dəwje ooje to nɛ̂n kə̂ ngəng kəmde tə̂, to nɛ̂n kə̂ maji ang nya kəm Lubba tə̂.

Luku 20:47

Daw taaje nɛ̂nje lə dɛnɛ̂n-ndubbaje tɔyn jide tə̂, daw dujuje Lubba darə kure əw mba kəm dəwje. Mba yeenn bba sariya kə̂ dɔde tə̂ a ngəng nya kuta lə kəsə dəwje.»

Tar kə̂ Maji kə̂ Jan dda makəturu tə̂ 7:18

Dəw kə̂ aw pa tar kə̂ məɛ̂ tə̂ njaa, to dəw kə̂ aw sangə piti laa njaa. A dəw kə̂ aw sangə piti lə dəw kə̂ ulɛ̂, aw pa tar kə̂ tɔkɔrɔ, ngaâ nɛ̂n-dda kə̂ gatə gatə ang ɔrɛ̂ ang.

Kulaje 15:1

Marə dəwje inje Jude ddeeje Antiyos nangə tə̂ kə̂ Siri. N̂-tɔjuje nɛ̂n njê-mə-kunnje kə̂ Antiyos le nan: «Bbo ujaje ganja tokə Ndu lə Mɔyijə pa ang a, â kasəje ta kinga kaji ang.»

Kulaje 15:5

Marə Parijinyɛje kə̂ ooje məde tə̂ paje nan: «Maji karə dəwje kə̂ toje to Jiipije ang arə dujade ganja ta n̂-njaje kə turu Ndu lə Mɔyijə.»

2 Kɔrɛntinyɛje 10:12

Mba marə dəwje ooje rɔde bo nya. A ja tay sangə mba kasə kə de naan ang ddəm ta kunn rɔje kɔju nɛ̂n de ang ddəm. Dede njaa dunnje nɛ̂n dɔju nɛ̂n rɔde ngaâ dede njaa dunn rɔde dɔju nɛ̂n kəsə dəwje. N̂-toje to mbəje.

2 Kɔrɛntinyɛje 11:13

Dede, n̂-toje to njê-kaw-kulaje kə̂ tɔkɔrɔ ang. N̂-toje to njê-ngəmje kə̂ ddaje rɔde to njê-kaw-kulaje lə Kristə.

Galatəje 2:14

Moo a, daw njaje ddəw tar tə̂ kə̂ tɔkɔrɔ kə̂ Tar kə̂ Maji pa le ang. Mba yeenn bba, m-pa marə Piyɛr kəm dəwje tə̂ tɔyn m-pa nan: «Bbo əi kə̂ ə-to Jiipi, kisi ləi to tokə dəwje kə̂ toje to Jiipije ang a, â kuwa dəwje kə̂ toje to Jiipije ang le kə singa karə n̂-ddaje nɛ̂n tokə lə Jiipije tokə baânn wa?»

Galatəje 2:3

Titə kə̂ to Gɛrɛkə kə̂ aw səm le, dəw kâra duje karə nuja ganja bba ang.

Galatəje 5:11

A əman, ngakɔnʼmje, m-nayn maw mila mbər kuja ganja bbay wa? A bbo maw mila mbər kuja ganja a, mba ddi bba dəwje a kulaje kəmʼm ndoo tə̂ bbay wa? Bbo mbər kuja ganja â maw mila a, tar koy lə Kristə dɔ kakə-dəsə tə̂ a to marə jiki karə dəw tuka gɔlɛ̂ tə̂ ang ngaa.

Galatəje 6:13

Dede kə̂ dujade ganja le njaa kara n̂-ngəmje Ndu ang. A n̂-ndikije karə arəje dujase ganja bba ta kunda nɛ̂n gude.

Pilipinyɛje 1:15

Tɔkɔrɔ njaa, marə dəwje aw ilaje mbər tar lə Kristə mba mə â aw ddade ddəm n̂-ndikije ta ngaan tam ddəm, a marɛ̂je aw ilaje mbər tar le kə kəjə kə̂ maji.

Pilipinyɛje 2:4

Maji karə dəw kâra kâra sangə nɛ̂n mba kisi maji laa njaa ang. A n̂-sangə nɛ̂n mba kisi maji lə njê-marɛ̂je tɔ.

Pilipinyɛje 3:18

M-pa marəse gɔl banya nya mban. A, m-təl ta pa karəse bbokənɛn kə maann-nɔn kəmʼm tə̂: dəwje nya aw njaje tokə dəwje kə̂ mbətəje tar koy lə Kristə kə̂ oy dɔ kakə-dəsə tə̂.

Kolosinyɛje 2:23

Tɔkɔrɔ, ndujeenn le toje to nɛ̂n kəm-karɛ kəm dəwje tə̂: Polo nɛ̂nje kə̂ mə dəw ndiki, dda rɔ tɛn baa kə dda rɔ ndoo tə̂. A ndujeenn toje to nɛ̂nje kə̂ baa, a ta dda karə dəw tɔ bboje kə̂ da-rɔɛ̂ tə̂, ndujeenn le asəje ta dda ang.