Galatəje 5:3 - Dɔnɔn kə̂ Siki: Tar kə̂ aw arə təbbə

³ M-təl m-pa bbay marə dəw kə̂ arə dujɛ̂ ganja: To tar laa ta dda nɛ̂n tɔyn kə̂ Ndu pa.

Galatəje 5:3 ပူးပေါင်းရင်းမြစ်များ

Matiye 23:16

«To ndoo nya arəse, see njê-tɔjuje ddəw dəwje. Ə-paje nan: ‹Bbo dəw unda yo kə ri kəy-polo Lubba a, dda nɛ̂n ang. A bbo nunda yo kə ri andə kə̂ mə kəy-polo Lubba tə̂ a, maji karə n̂-dda nɛ̂n kə̂ nunda yo ta dda le.›

Matiye 23:18

Ə-paje bbay nan: ‹Bbo dəw unda yo kə ri dɔ bann a, dda nɛ̂n ang. A bbo dəw unda yo kə ri nɛ̂n-polo kə̂ to dɔ bann tə̂ a, maji karə n̂-dda nɛ̂n kə̂ nunda yo ta dda le.›

Luku 16:28

mba ngakɔnʼmje kə̂ dingaw min eeje nunn. Maji karə naw ndəjəde narə n̂-ddeeje lo kəm-to-ndoo tə̂ nəənn tɔ ang.›

Kulaje 15:1

Marə dəwje inje Jude ddeeje Antiyos nangə tə̂ kə̂ Siri. N̂-tɔjuje nɛ̂n njê-mə-kunnje kə̂ Antiyos le nan: «Bbo ujaje ganja tokə Ndu lə Mɔyijə pa ang a, â kasəje ta kinga kaji ang.»

Kulaje 2:40

Piyɛr pa tarje dang dang mba kɔru nɛ̂n naji ddəm mba karə dubbaje nɛ̂n singa ddəm. N̂-pa nan: «Ə-teeje horo njê-mə-majangje tə̂ kə̂ bbasinɛn nəənn kə ddang arəje Lubba ajise.»

Kulaje 20:21

Mila mbər marə Jiipije kə Gɛrɛkəje karə n̂-turuje məde nyɔm ta n̂-təlje rɔ Lubba tə̂ ngaâ ta karə dundaje məde kə dɔ Əbbə-dəwje Jeju tə̂.

Rɔmɛnje 2:25

Tɔkɔrɔ, bbo əi Jiipi aw dda nɛ̂n kə̂ Ndu duju a, ganja kə̂ dujai to nɛ̂n kə̂ maji. A bbo dujai ganja bba ə-dda nɛ̂n kə̂ Ndu duju ang a, ə-to ddəw kâra baa kə dəw kə̂ dujɛ̂ ganja ang.

Galatəje 3:10

A ndu-ndɔɔl to dɔ dəwje tə̂ tɔyn kə̂ aw undaje məde dɔ ngəm Ndu tə̂. Mba Makəturu lə Lubba pa nan: «Tarje tɔyn kə̂ to Makəturu-Ndu tə̂, bbo dəw ngəm ang ddəm dda nɛ̂n kula ang ddəm a, Ndu-ndɔɔl to dɔɛ̂ tə̂.»

Galatəje 5:2

Əman Pɔl, m-pa marəse: Bbo arəje dujase ganja a, Kristə a to marə nɛ̂n kâra karəse ang ngaa

Galatəje 5:6

Mba dəw kə̂ to lə Jeju-Kristə a, kuja ganja wase kuja ganja ang dda marə nɛ̂n kâra ang. Tɔkə nɛ̂n â to mə-kunn kə̂ aw dda bba dəw aw ndiki nje-marɛ̂.

Epɛjinyɛje 4:17

Mba yeenn bba, nɛ̂n kə̂ m-dujuse nya kə ri Əbbə-dəwje â nəənn: Dəwje kə̂ gərəje Lubba ang le arəje pa-nja ləse to tokə ləde ang. Kəjəje ləde aw aw kə de nɛ̂nje tə̂ kə̂ baa.

1 Tesalonisinyɛje 4:6

Mə tar tə̂ nəənn, maji karə dəw kâra dda marə nɛ̂n kə̂ maji ang kə ngokɔɛ̂n ang ddəm ula nje-marɛ̂ naan tə̂ ang ddəm. Mba n-pa jarəse ngaâ n-ndɔru mbise nya mbɛɛ̂ mban. Əbbə-dəwje a kinya dəwje tɔyn kə̂ aw ddaje nɛ̂nje kə̂ baann baa ang.

1 Jan 4:14

Jooe kə kəmje ngaâ n-pa tar-naji laa jarə dəwje nan Lubba kə̂ Bɔ ula Ngonnɛ̂ to Nje-kaji-dəwje kə̂ duninya tə̂.