Galatəje 5:22 - Dɔnɔn kə̂ Siki: Tar kə̂ aw arə təbbə

²² A nɛ̂nje kə̂ Ndil-mə-nda aw ddee nɛ̂n to: Ndiki naan, rɔ-nəəl, mə-wul-lɔm, tɔ-wur, mə-maji, dda maji kə dəwje, mə-kunn,

Galatəje 5:22 ပူးပေါင်းရင်းမြစ်များ

Matiye 12:33

«Bbo kakə maji a, kandɛ̂ a maji tɔ. Bbo kakə tuju a, kandɛ̂ a tuju tɔ. Mba dəw gərə kakə ddəw kandɛ̂ tə̂.

Luku 13:9

A du ang, kaal a, nâ kandə. A bbo nandə ang bba ta arə m-tukɛ̂.› »

Tar kə̂ Maji kə̂ Jan dda makəturu tə̂ 15:16

Əman â m-mbərəse bbo sese â ə-mbərəmje ang ngaâ mulase karə awje, ta andəje kandə. Ngaâ karə kandə ləse le nayn kə ləw. Baann bba nɛ̂n tɔyn kə̂ ə-dujuje Bɔ kə rim a, nâ karəse.

Tar kə̂ Maji kə̂ Jan dda makəturu tə̂ 15:2

Barkəm-rɔje tɔyn kə̂ toje rɔm tə̂, a andəje ang, naw tuka kə ddang. A naw gangə dɔ barkəm-rɔje tɔyn kə̂ aw andəje karə dandəje uta ye kə̂ kete bbay.

Tar kə̂ Maji kə̂ Jan dda makəturu tə̂ 15:5

«Əman, m-to kakə binyə, a sese ə-toje to barkəmɛ̂je. Dəw kə̂ nayn rɔm tə̂ ngaâ əman m-nayn rɔɛ̂ tə̂ a, a kandə nya. Mba bbo m-nayn rɔse tə̂ ang a, nɛ̂n kâra kə̂ â kasəje ta dda goto.

Rɔmɛnje 14:17

Tɔkɔrɔ tə̂, tar Bbe-kɔn lə Lubba to tar nɛ̂n-kusa ang ddəm to tar nɛ̂n-kay ang ddəm. Bbe-kɔn lə Lubba to tar nɛ̂n-dda kə̂ gatə gatə, to mə-wul-lɔm, to rɔ-nəəl kə̂ Ndil-mə-nda aw arə dəwje.

Rɔmɛnje 15:14

Ngakɔnʼmje, əman njaa m-gərə to isije kə bbo nya ta dda nɛ̂n kə̂ maji. Ə-gərəje nɛ̂nje tɔyn kə̂ to tar ləse ta gərə mban ngaâ asəje ta karə naan ndəjə.

Rɔmɛnje 15:3

Mba Kristə le, nɛ̂n kə̂ nəəle â sangə ang. A Makəturu lə Lubba pa nan: «Nɛ̂n-tajije kə̂ dəwje aw tajije oso dɔm tə̂.»

Rɔmɛnje 15:30

Ngakɔnʼmje, m-walse kə ri Əbbəjeje Jeju-Kristə ddəm ddəw tə̂ lə Ndil-mə-nda kə̂ aw dda arə jaw ndikije naan ddəm karə umanʼmje ddɔ tə̂, ddəw duju Lubba tə̂ mbam

Rɔmɛnje 6:22

A bbasinɛn, Lubba ɔruse bbərə tə̂ lə majang kə ddang arə ə-ddeeje to bbərəje laa. Nɛ̂n kə̂ goe tə̂ to rɔse kə̂ ə-ngəmje dang mba Lubba ngaa. Tee kɔnyɛ̂ tə̂ a, â kingaje təbbə kə̂ to kə ndɔ kə ndɔ.

Rɔmɛnje 7:4

Ngakɔnʼmje, nɛ̂ɛnn le to ddəw kâra baa mba tar ləse tɔ. Ə-toje tokə dəwje kə̂ oyje arə Ndu ubba singa dɔse tə̂ ang, mba ə-ddeeje kâra baa kə Kristə. Yeenn a, ə-toje to dəwje laa, ne kə̂ noy ngaâ n̂-ndol le. Baann bba ja kasəje ta dda nɛ̂n kə̂ maji kəm Lubba tə̂.

Rɔmɛnje 8:5

Dəwje kə̂ aw njaje ddəw da-rɔ tə̂, kəjə ləde tɔyn to kə dɔ bbo kə̂ da-rɔde tə̂. A dəwje kə̂ aw njaje ddəw tə̂ lə Ndil-mə-nda, kəjə ləde tɔyn to kə̂ dɔ nɛ̂n tə̂ kə̂ mə Ndil-mə-nda ndiki.

1 Kɔrɛntinyɛje 13:13

Bbasinɛn nɛ̂nje kə̂ mota nəənn naynje bbay: mə-kunn, kunda-mə dɔ nɛ̂n tə̂ kə ndiki. A horo nɛ̂nje tə̂ kə̂ mota nəənn, ndiki â utade tɔyn.

Galatəje 5:13

See ngakɔnʼmje, Lubba bbarse karə ə-teeje kɔ bbərə tə̂ kə ddang. A maji karə tee ləse kɔ bbərə tə̂ le to ddəw â ɔru arəse karə ə-ddaje nɛ̂n nɛ̂n ddəw bboje tə̂ kə̂ da-rɔ tə̂ ang. Maji karə ə-ndikije naan ta ə-ddaje kula arəje

Epɛjinyɛje 4:23

Maji karə ə-ddaje arə məse ddəm kəjə ləse ddəm ddeeje to yeje kə̂ siki.

Epɛjinyɛje 5:9

Lo-karɛ aw ddee kə nɛ̂nje kə̂ maji dang dang kə̂ to nɛ̂nje kə̂ gatə gatə kə nɛ̂nje kə̂ tɔkɔrɔ.

Pilipinyɛje 1:11

Jeju-Kristə a dda karə kulaje kə̂ gatə gatə dɔrɔ â ə-ddaje. Â kɔsuje gaji Lubba ngaâ â piteje ddəw nɛ̂nje tə̂ənn le.

Kolosinyɛje 1:10

Yeenn bba pa-nja ləse a to tokə ye kə̂ Əbbə-dəwje ndiki ngaâ â ddaje nɛ̂n kə̂ nəəle kə ndɔ tɔyn. Â ddaje kulaje kə̂ maji dang dang ngaâ â gərəje Lubba kə kete kete.

2 Tesalonisinyɛje 3:2

Ə-dujuje Lubba tɔ karə ɔruje ji njê-mə-majangje tə̂ ddəm ji dəwje tə̂ kə̂ maji ang ddəm. Mba to dəwje tɔyn njaa bba ooje məde tə̂ kə Lubba ang.

1 Timɔte 3:11

Maji karə dɛnɛ̂n njɛɛ̂je kara ulaje gəl rɔde naan tə̂ ang, n̂-toje to njê-nanɛnje ang, n̂-gərəje dɔ jide. N̂-toje to dɛnɛ̂nje kə̂ toje gatə gatə ddəw nɛ̂nje tə̂ tɔyn.

1 Timɔte 4:12

Maji karə dəw ooi to ngonn baa kəmɛ̂ tə̂ ang. A maji karə njê-mə-kunnje ooije to nɛ̂n-kɔju-marɛ̂ ddəw tar tə̂ kə̂ tai tə̂, ddəw kula-ddai tə̂, ddəw ndiki tə̂ kə̂ ə-ndiki dəwje, ddəw məi tə̂ kə̂ unn arə Jeju kə ddəw rɔi tə̂ kə̂ aw ngəm kə majɛ̂.

1 Piyɛr 1:22

Maji karə ə-ddaje nɛ̂n ddəw tar tə̂ kə̂ tɔkɔrɔ, arəje nɛ̂n-yərəw ɔruse ang mba ndiki nɛ̂n ngakɔnse tokə tɔkɔrɔ tə̂ njaa. Yeenn a, maji karə ə-ndikije naan kə mə-kâra kə ndɔ tɔyn.

1 Piyɛr 1:8

Ooje Jeju ang njaa, a ə-ndikeje. Bbasinɛn nəənn ooeje ang bbay njaa, a unnje məse arɛ̂je ngaâ aw ddaje rɔ-nəəl arə uta dɔɛ̂, rɔ-nəəl kə̂ asə pa ang.

1 Piyɛr 5:12

Silas kə̂ mooe to ngokɔnje kə̂ asə karə munda məm dɔɛ̂ tə̂ â marə dda marə tarje nəənn makəturu tə̂ karə mula nɛ̂n marəse, mba ndəjə nɛ̂n se ddəm mba pa nɛ̂n karəse to mə-maji lə Lubba kə̂ tɔkɔrɔ njaa â ə-naynje ddəwe tə̂ənn ddəm.