Galatəje 5:21 - Dɔnɔn kə̂ Siki: Tar kə̂ aw arə təbbə

²¹ dda bbo nɛ̂n lə dəw, kay koto kə kusa nɛ̂n karə uta dɔɛ̂ kə marə nɛ̂nje kə̂ baann. M-pa marəse kete mban, a m-təl m-pa bbay, dəwje kə̂ aw ddaje nɛ̂nje kə̂ baann le. Bbe-kɔn lə Lubba a to ləde ang.

Galatəje 5:21 ပူးပေါင်းရင်းမြစ်များ

Matiye 25:34

Yeenn ngaâ tɔkə mbay le a pa karə njê kə̂ dɔ ji-kɔlɛ̂ tə̂ nan: ‹Sese kə̂ Bɔmje bbar tar kə̂ maji dɔse tə̂ le, ə-ddeeje. Ə-taaje Bbe-kɔn kə̂ Lubba gɔl mba tar ləse ləw baa kə̂ duninya to le.

Luku 21:34

«Aaje rɔse! Arəje məse to kə dɔ kay koto tə̂ karə uta dɔse kə kusa nɛ̂n karə uta dɔse dɔrɔ ang, arəje kəjə-tar mba nɛ̂nje kə̂ nangə̂ nəənn uta dɔse ang. Bbo baann ang a, ndɔ nəənn le a ddee dɔse tə̂ busu

Rɔmɛnje 13:13

Maji karə pa-nja ləje to gatə gatə tokə dəwje kə̂ aw njaje dann karâ. Jusaje nɛ̂n wase jayje koto jarə uta dɔɛ̂ ang. Maji karə n-ddaje kaya ang ddəm n-ddaje nɛ̂n kə ngabula ang ddəm. Jinyaje kɔl-naan ddəm jundaje mə kə naan ang ddəm.

Rɔmɛnje 8:13

Mba bbo ə-njaje ddəw da-rɔ tə̂ a, â koyje. A bbo ə-njaje ddəw tə̂ lə Ndil-mə-nda ngaâ arəje nɛ̂n-ddaje kə̂ maji ang kə̂ rɔse tə̂ oyje a, â kisije kə təbbə.

1 Kɔrɛntinyɛje 15:50

Ngakɔnʼmje, nɛ̂n kə̂ m-ndiki ta pa â nəənn: Da-rɔ dəw a kasə ta kandə mə Bbe-kɔn tə̂ lə Lubba ang. Nɛ̂n kə̂ aw oy a kasə ta nayn kə təbbə kə̂ to kə ndɔ kə ndɔ ang.

1 Kɔrɛntinyɛje 5:11

Baann ang. M-dda makəturu le marəse karə ta bbo marə dəw oo rɔɛ̂ to ngokɔnje ddəw mə-kunn tə̂ mban bba aw dda kaya, aw unda kəm-nda, aw polo kɔr, aw nanɛn kə dəw, ddee to bbərə lə koto, ddee to nje-bboko a, maji karə nɛ̂n kara usaje saa ang.

Epɛjinyɛje 5:18

Ayje koto arə ddase ang. Mba koto aw kə dəw arə tuju. A arəje Ndil â ddususe.

Kolosinyɛje 3:6

Yeenn to nɛ̂nje kə̂ aw ddee kə wungu lə Lubba dɔ dəwje tə̂ kə̂ toje to njê-dɔ-kətərəje.

1 Tesalonisinyɛje 5:7

Dəwje kə̂ aw tibbije, aw tibbije til tə̂. Ngaâ njê kə̂ aw ayje koto arə aw ddade, aw ayje til tə̂.

2 Tesalonisinyɛje 2:5

Oleje məse ang wa? Kar tə̂ kə̂ m-nayn nɛ̂n horose tə̂ bbay le, m-pa tar nəənn marəse.

Ebərəje 13:4

Maji karə dingawje kə dɛnɛ̂nje tɔyn bbəəlje go taa-naan ləde ngaâ dəwje kə̂ taaje naan ngəmje rɔde arə naan. Mba Lubba a gangə sariya dɔ njê-kayaje tə̂ kə njê-ddaje lo-to-majang ang tə̂.

1 Piyɛr 4:3

Mba ləw, unnje kar ləse mba dda nɛ̂n nɛ̂nje kə̂ dəwje kə̂ gərəje Lubba ang ndikije. Aw ddaje kaya, aw ddaje bbo nɛ̂nje kə̂ maji ang, aw ddaje bbərə lə koto, aw mbɔnje naan aw usaje, aw ayje arəje uta dɔse ngaâ aw poloje kɔrje aw ddaje nɛ̂n nɛ̂nje kə̂ asə koo kə kəm ang.

Apokalisi 21:27

Nɛ̂n-yərəw kâra a kandə mə bbe tə̂ le ang nyɔm. Dəw kə̂ nje-dda nɛ̂n kə̂ asə koo kə kəm ang wase nje-ngəm a kandə mə bbe tə̂ le ang tɔ. Njê kə̂ n̂-dda ride makəturu təbbə tə̂ lə Ngonn batə njaa kə karəde baa â a kandəje mə bbe tə̂ le.

Apokalisi 22:15

See dəwje kə̂ ə-toje tokə lə bisije, njê-maalje kə njê-ddaje lo-to-majang, njê-tɔlje dəwje, njê-poloje kɔr, njê kə̂ ndikije ngəm ddəm aw ərəje ngəm ddəm ə-naynje ddaka nunn.