Galatəje 5:19 - Dɔnɔn kə̂ Siki: Tar kə̂ aw arə təbbə

¹⁹ N-gərə nɛ̂nje kə̂ bboje kə̂ da-rɔ tə̂ aw dda: Kaya, nɛ̂n-yərəw, lo-to-majang ang,

Galatəje 5:19 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 3:6

Dəw kə̂ duje to kuju baa to dəw da-rɔ, a dəw kə̂ Ndil â uje, to ndil.

Rɔmɛnje 7:18

Mba m-gərə to marə nɛ̂n kə̂ maji goto rɔm tə̂, rɔm əman tə̂ kə̂ mubba singa ang nəənn. Tɔkɔrɔ, bbo dda nɛ̂n kə̂ maji to məm tə̂ njaa. A mubba singa kə̂ ta dda nɛ̂n nɛ̂n le ang.

Rɔmɛnje 7:25

Wooyo arə Lubba ddəw tə̂ lə Əbbəjeje Jeju-Kristə! Yeenn a, ddəw nɛ̂n-gərə tə̂ ləm, m-to bbərə lə Ndu lə Lubba, a ddəw da-rɔ tə̂, m-to bbərə lə singa-mɔngu lə majang.

Rɔmɛnje 7:5

Ləw kə̂ jaw ddaje nɛ̂nje kə̂ məje ndiki le Ndu dda arə bbo kə̂ da-rɔje tə̂ ndasəje arə n-ddaje majang kə̂ aw aw kə̂ je karə jinga yo.

Rɔmɛnje 8:13

Mba bbo ə-njaje ddəw da-rɔ tə̂ a, â koyje. A bbo ə-njaje ddəw tə̂ lə Ndil-mə-nda ngaâ arəje nɛ̂n-ddaje kə̂ maji ang kə̂ rɔse tə̂ oyje a, â kisije kə təbbə.

Rɔmɛnje 8:3

Lubba dda nɛ̂n kə̂ ndu lə Mɔyijə asə ta dda ang, mba da-rɔ dəw kə̂ ubba singa ang dda arə Ndu le dda kula ang. Nɛ̂n kə̂ Lubba dda le to Ngonnɛ̂ njaa kə̂ nulɛ̂ narə unn da-rɔ kə̂ to tokə da-rɔ dəw kə̂ to nje-nɛ̂n-dda kə̂ maji ang, mba kɔru nɛ̂n dəwje mə majang tə̂. Ddəw tə̂ənn le. Lubba gangə sariya dɔ majang tə̂ kə̂ to mə da-rɔ dəwje tə̂.

Rɔmɛnje 8:5

Dəwje kə̂ aw njaje ddəw da-rɔ tə̂, kəjə ləde tɔyn to kə dɔ bbo kə̂ da-rɔde tə̂. A dəwje kə̂ aw njaje ddəw tə̂ lə Ndil-mə-nda, kəjə ləde tɔyn to kə̂ dɔ nɛ̂n tə̂ kə̂ mə Ndil-mə-nda ndiki.

Rɔmɛnje 8:9

A sese, aw njaje ddəw bbo tə̂ kə̂ da-rɔse tə̂ ang. Aw njaje ddəw tə̂ lə Ndil-mə-nda, mba Ndil lə Lubba dda bbe məse tə̂. Dəw kə̂ Ndil lə Kristə to məɛ̂ tə̂ ang, to dəw laa ang.

1 Kɔrɛntinyɛje 3:3

Tɔkɔrɔ, ə-naynje ddəw da-rɔ tə̂ baa bbay, mba kunda-mə kə naan kə kɔl-naan nayn horose tə̂. Yeenn a, ə-toje to dəwje kə̂ naynje ddəw da-rɔ tə̂ ngaâ aw ddaje kula-dda lə dəwje kə̂ baa ang wa?

1 Kɔrɛntinyɛje 6:18

Aynje kaya. Kəsə nɛ̂nje kə̂ maji ang tɔyn kə̂ dəw aw dda to ddaka bbo to da-rɔɛ̂ tə̂ ang. A dəw kə̂ dda kaya, dda maji ang kə da-rɔɛ̂ ne njaa.

Galatəje 5:13

See ngakɔnʼmje, Lubba bbarse karə ə-teeje kɔ bbərə tə̂ kə ddang. A maji karə tee ləse kɔ bbərə tə̂ le to ddəw â ɔru arəse karə ə-ddaje nɛ̂n nɛ̂n ddəw bboje tə̂ kə̂ da-rɔ tə̂ ang. Maji karə ə-ndikije naan ta ə-ddaje kula arəje

Galatəje 5:17

Mba nɛ̂nje kə̂ da-rɔ ndiki ta dda toje dang kə nɛ̂nje kə̂ Ndil-mə-nda ndiki. A nɛ̂nje kə̂ Ndil-mə-nda ndiki kara toje dang kə nɛ̂nje kə̂ da-rɔ ndiki tɔ. Daw ddaje ddɔ kə naan. Baann bba karə nɛ̂n kə̂ məse ndiki ta dda a, ə-ddaje ang.

Galatəje 6:8

Dəw kə̂ dubbu nɛ̂n kə̂ bbo kə̂ da-rɔɛ̂ tə̂ ndiki a, nâ kuja nɛ̂n kə̂ bbo kə̂ da-rɔ tə̂ le aw ddee nɛ̂n: Nɛ̂n le to yo. Dəw kə̂ dubbu nɛ̂n kə̂ Ndil-mə-nda ndiki a, nâ kuja nɛ̂n kə̂ Ndil-mə-nda le aw ddee nɛ̂n: Nɛ̂n le to təbbə kə̂ to kə ndɔ kə ndɔ.

Titə 3:3

Mba jeje njaa kara, ləw toje to mbəje, n-toje to njê-dɔ-ngəngje, n-ndəəmje ddəw, bbo nɛ̂nje kə rɔ-nəəlje dang dang uta dɔje. Jaw ddaje majang ngaâ məje aw maji ang dɔ njê-marəjeje tə̂, n-nəəl kəm dəwje tə̂ ang ngaâ n-mbətəje naan tɔ.

Ebərəje 13:4

Maji karə dingawje kə dɛnɛ̂nje tɔyn bbəəlje go taa-naan ləde ngaâ dəwje kə̂ taaje naan ngəmje rɔde arə naan. Mba Lubba a gangə sariya dɔ njê-kayaje tə̂ kə njê-ddaje lo-to-majang ang tə̂.

Apokalisi 21:8

A njê-bbəəlje, njê kə̂ tusuje mə-kunn inyaje, njê-nɛ̂n-ddaje kə̂ maji ang, njê-tɔlje dəwje, njê-ddaje lo-to-majang, njê-maalje, njê-poloje kɔr kə njê-ngəmje tɔyn, lo ləde to mə ndakə puru kə supərə tə̂. Yeenn to yo kə̂ gɔl joo laa.»

Apokalisi 22:15

See dəwje kə̂ ə-toje tokə lə bisije, njê-maalje kə njê-ddaje lo-to-majang, njê-tɔlje dəwje, njê-poloje kɔr, njê kə̂ ndikije ngəm ddəm aw ərəje ngəm ddəm ə-naynje ddaka nunn.