Galatəje 5:11 - Dɔnɔn kə̂ Siki: Tar kə̂ aw arə təbbə

¹¹ A əman, ngakɔnʼmje, m-nayn maw mila mbər kuja ganja bbay wa? A bbo maw mila mbər kuja ganja a, mba ddi bba dəwje a kulaje kəmʼm ndoo tə̂ bbay wa? Bbo mbər kuja ganja â maw mila a, tar koy lə Kristə dɔ kakə-dəsə tə̂ a to marə jiki karə dəw tuka gɔlɛ̂ tə̂ ang ngaa.

Galatəje 5:11 ပူးပေါင်းရင်းမြစ်များ

Kulaje 16:3

Pɔl ndiki ta kaw saa. Yeenn bba, nujɛ̂ ganja ɔju dɔ Jiipije kə̂ isije loje tə̂ənn le, mba n̂-gərəje tɔyn to bɔ Timɔteje to Gɛrɛkə.

Kulaje 21:21

Dooje tar kə̂ aw nja kə rii kə majɛ̂. Dooje nan aw tɔju nɛ̂n Jiipije tɔyn kə̂ isije horo dəwje tə̂ kə̂ toje to Jiipije ang karə n̂-mbətəje Ndu lə Mɔyijə. Dooje nan əi â ə-pa arəde tɔ ta karə duja ganja ngannde ang ngaâ karə n̂-ddaje nɛ̂n gəl-bbe lə Jiipije ang ngaa.

Kulaje 21:28

N̂-paje kə taar nan: «Ngann Ijarayɛlje, ə-ddeeje bbo! Ne le â nar nəənn! Dəw kə̂ aw tɔju nɛ̂n dəwje tɔyn loje tə̂ tɔyn mbətə nɛ̂n dəwje ləje ddəm Ndu lə Mɔyijə ddəm kəy-polo Lubba ddəm le. Gɛrɛkəje kara n̂-ddee kə de kəy-polo Lubba tə̂ nəənn narə lo nəənn kə̂ maji tɔyn le ddee to lo kə̂ maji ang.»

1 Kɔrɛntinyɛje 1:18

Tɔkɔrɔ, tar koy lə Kristə dɔ kakə-dəsə tə̂ to nɛ̂n-mbə baa kəm dəwje tə̂ kə̂ aw unnje ddəw yo. A tar le to singa-mɔngu lə Lubba kəmje jeje tə̂ kə̂ naw najije.

1 Kɔrɛntinyɛje 1:23

A jeje, jaw jila mbər tar lə Kristə kə̂ n̂-tɔlɛ̂ kakə-dəsə tə̂. Jiipije ooje tar le to tar-kɔbbu, a Gɛrɛkəje ooje to tar mbə.

1 Kɔrɛntinyɛje 15:30

A jeje njaa, mba ddi bba kə ndɔ tɔyn jaw jilaje rɔje kɔrɔ̂ wa?

Galatəje 2:3

Titə kə̂ to Gɛrɛkə kə̂ aw səm le, dəw kâra duje karə nuja ganja bba ang.

Galatəje 3:1

See dəwje kə̂ Galasi, mbə ddi â ə-mbəje be wa? N̂-tɔjuse tar koy lə Jeju-Kristə kakə-dəsə tə̂ kə majɛ̂, a nân bba n̂-turu kəmse wa?

Galatəje 4:29

A ləw, ngonn kə̂ duje tokə dəwje aw ujuje le ula kəm ngonn kə̂ duje ddəw Ndil tə̂ lə Lubba ndoo tə̂. Nɛ̂ɛnn le bbokənɛn to tokə baann tɔ.

Galatəje 6:12

Dəwje tɔyn kə̂ uwajese karə ujaje ganja le ndikije karə dəwje oojede maji kəmde tə̂. Nɛ̂n kə̂ daw sangə njaa to, karə koy lə Kristə dɔ kakə-dəsə tə̂ le dəwje ulaje kəmde ndoo mbɛɛ̂ ang.

Galatəje 6:17

Bbasinɛn nəənn, m-ndiki karə dəw dda arə məje tar ang ngaa. Mba koro-doje kə̂ rɔm tə̂ tɔju to m-to dəw lə Jeju.