Galatəje 5:10 - Dɔnɔn kə̂ Siki: Tar kə̂ aw arə təbbə

¹⁰ A Əbbə-dəwje dda arə munda məm dɔse tə̂ to â kəjəje marə tar dang ang. A dəw kə̂ aw turu dɔse le n̂-to nân njaa kara, sariya lə Lubba a to dɔɛ̂ tə̂.

Galatəje 5:10 ပူးပေါင်းရင်းမြစ်များ

Kulaje 15:24

Joo nan marə dəwje ləje kə̂ inje horoje tə̂ kə̂ jarəde ndu ang ddəm aw tujuje kəjə ləse arə aw jɔkuse.

1 Kɔrɛntinyɛje 5:5

maji karə inyaje dəw kə̂ baann ji Satan tə̂ arəje da-rɔɛ̂ tuju, a ta ndile inga kaji ndɔ tə̂ lə Əbbə-dəwje.

2 Kɔrɛntinyɛje 1:15

M-gərə to nɛ̂ɛnn a to tokə baann njaa. Ngaâ m-ndiki ta kaw rɔse tə̂ kete, karə tar kə̂ maji to dɔse tə̂ to gɔl joo laa.

2 Kɔrɛntinyɛje 10:2

M-walse nya: Dang bba ə-ddaje arə bbo m-tee horose tə̂ a, m-nya dɔse tə̂ ang. Mba marə dəwje paje nan, kulaje kə̂ jaw dda to kulaje kə̂ ddəw da-rɔ tə̂ baa. Yeenn bba m-ndiki ta kin kə de karə ngəng.

2 Kɔrɛntinyɛje 10:6

Bbo sese kə̂ Kɔrɛntə ooje tɛɛ̂ mə nɛ̂nje tə̂ tɔyn a, n-to ngɔsi ta gangə sariya dɔ dəwje tə̂ tɔyn kə̂ mbətəje ta koo tɛɛ̂.

2 Kɔrɛntinyɛje 13:10

Mba yeenn bba, kar kə̂ m-goto horose tə̂ le, m-dda makəturu nəənn marəse, bba karə bbo m-tee horose tə̂ a, m-pa tar kə singa singa kə se ang ngaa. Mba Əbbə-dəwje arəm singa ta dda karə ubbaje singa bbo ta tujuse ang.

2 Kɔrɛntinyɛje 2:3

Mba yeenn bba, m-dda nɛ̂n makəturu kə̂ keteenn le marəse, mba bbo m-tee rɔse tə̂ a, â ddaje karə rɔm nəələm ang. Mba sese â, â kasəje ta dda karə rɔm nəələm. M-gərə kə majɛ̂ to, rɔ-nəəl ləm to rɔ-nəəl ləse tɔyn tɔ.

2 Kɔrɛntinyɛje 2:6

 bbo dəwje nya horose tə̂ gangəje sariya dɔɛ̂ tə̂ mban a, asə.

2 Kɔrɛntinyɛje 5:16

Mba yeenn bba, bbasinɛn nəənn jaw joo dəw kə kəm kə̂ to dang kə kəm kə̂ jooe nɛ̂n ddəw da-rɔ tə̂ ngaa. Bbo ləw, jaw joo Kristə ddəw da-rɔ tə̂ a, bbasinɛn nəənn, jaw jooe tokə baann ang ngaa.

2 Kɔrɛntinyɛje 7:16

Rɔm nəələm nya mba masə ta kunda məm dɔse tə̂ mə nɛ̂nje tə̂ tɔyn.

2 Kɔrɛntinyɛje 8:22

Jula marə ngokɔnje kə de tɔ. Joo a, bbo dda kula to məɛ̂ tə̂, ddəw nɛ̂nje tə̂ dang dang kə̂ naw dda. Bbasinɛn nəənn njaa kara naw tɔju bbo dda kula kə̂ to məɛ̂ tə̂ le, mba nunda məɛ̂ dɔse tə̂ nya.

Galatəje 1:7

To marə Tar kə̂ Maji kə̂ dang bba to ang. Marə dəwje â aw turuje dɔse ngaâ ndikije ta turu Tar kə̂ Maji lə Kristə le.

Galatəje 2:4

A marə ngakɔnje kə̂ tɔkɔrɔ ang dujuje karə nuja ganja bba. To dede kə̂ dandəje horoje tə̂ hɔy baa. N̂-ddeeje horoje tə̂ ta tənn kisi ləje go bbərə tə̂ kə̂ n-tee kɔɛ tə̂ kə ddang ddəw tə̂ lə Jeju-Kristə le koo. N̂-ndikije ta təl kə je kɔ bbərə tə̂ le guku.

Galatəje 2:6

A ənga tɔkəje kə̂ dɔ Egilisije tə̂ kə̂ dəwje oojede to dəwje kə̂ ngəng nya le, ngəng ləde le osom tə̂ ang. Mba Lubba aw ɔru kəm dəw ang. Dede le marə nɛ̂n dang kə̂ duwamje kə singa karə m-dda goto.

Galatəje 3:1

See dəwje kə̂ Galasi, mbə ddi â ə-mbəje be wa? N̂-tɔjuse tar koy lə Jeju-Kristə kakə-dəsə tə̂ kə majɛ̂, a nân bba n̂-turu kəmse wa?

Galatəje 4:11

M-bbəəl nya, mba kin karə kulaje tɔyn kə̂ m-dda mba tar ləse təlje to nɛ̂nje kə̂ baa be.

Galatəje 4:17

Dəwjeenn le aw dda dda ləse baa, a kəjə ləde maji ang. N̂-ndikije karə ə-tinje səm bba ta unnje rɔse arəde.

Galatəje 4:20

M-ndiki nya ta kee horose tə̂ kar tə̂ nəənn, ta gərə gusu kə̂ ta pa nɛ̂n tar karəse. Mba m-gərə nɛ̂n kə̂ ta dda kə se ang.

Galatəje 5:12

Yeenn a, maji karə dəwje kə̂ aw tujuje kəjə ləse nəənn gangəje rɔde kə̂ dingaw njaa tɔyn ilaje kɔrɔ̂.

Galatəje 5:7

Dɔngɔr, aw ddaje nɛ̂n kə majɛ̂. A nân bba gangəse ddəwe tə̂ ngaâ ɔkuse ddəw karə ə-ddaje nɛ̂n ddəw tar tə̂ kə̂ tɔkɔrɔ wa?

Galatəje 6:17

Bbasinɛn nəənn, m-ndiki karə dəw dda arə məje tar ang ngaa. Mba koro-doje kə̂ rɔm tə̂ tɔju to m-to dəw lə Jeju.

Pilipinyɛje 3:15

Jeje kə̂ n-tɔkəje ddəw Ndil tə̂ lə Lubba mban, maji karə kəjə ləse to tokə baann. A bbo kəjə ləm to dang dɔ marə nɛ̂n tə̂ a, Lubba a kilaje ddəw-boô.

2 Tesalonisinyɛje 3:4

Ddəw tə̂ lə Əbbə-dəwje, jaw junda məje dɔse tə̂ to aw ddaje nɛ̂nje kə̂ n-dujuse karə ə-ddaje le ngaâ â ddaje kaw nɛ̂n kə kete kete.

1 Timɔte 1:20

Imene de kə Alɛkəjandərə deeje horo dəwje tə̂ənn le. Minyade mə ji Satan tə̂ karə ta n̂-ndoje ta təl taji Lubba ang ngaa.

Pilemɔn 1:21

Makəturu kə̂ maw dda mari nəənn, m-gərə to â dda nɛ̂n kə̂ maw duji le ngaâ m-gərə to â dda kuta ye kə̂ m-duji bbay.