Galatəje 5:1 - Dɔnɔn kə̂ Siki: Tar kə̂ aw arə təbbə

¹ Kristə ɔruje kɔ bbərə tə̂ karə jisi to bbərəje ang ngaa. Yeenn a, uwaje arə ngəng bbo arəje n̂-təl kə se kɔ bbərə tə̂ ang.

Galatəje 5:1 ပူးပေါင်းရင်းမြစ်များ

Matiye 23:4

Nɛ̂n-koto kə̂ ɔɔy â n̂-tɔje dundaje dɔ dəwje tə̂, a dede, ndɔn-jide kara n̂-ndikije ta kɔru nɛ̂n nɛ̂n-koto le ang.

Luku 5:38

To maji ta kungu bɛn kə̂ n̂-dda siki bbay mə ku-əndaar tə̂ kə̂ siki tɔ.

Kulaje 15:10

Yeenn a, bbasinɛn, mba ddi bba aw taje naan kə Lubba ngaâ aw undaje nɛ̂n-koto kə̂ kajejedede wase jeje njaa kara jasə ta koto ang dɔ njê-njaje go Əbbə-dəwje tə̂ wa?

Rɔmɛnje 6:14

Majang a təl kubba singa dɔse tə̂ ang ngaa. Mba eeje kɔ Ndu tə̂ ang, eeje kɔ mə-maji tə̂ lə Lubba.

Rɔmɛnje 6:18

Lubba ɔruse ta nɛ̂n-dda tə̂ kə̂ maji ang mban ngaa arə ilaje rɔse kula nɛ̂n-dda tə̂ kə̂ gatə gatə.

Rɔmɛnje 7:3

Bbo n̂-taa marə dingaw kə̂ dang kar tə̂ kə̂ ngawɛ̂je le isi nɛ̂n kəm baa a, dəwje a kooeje to dɛnɛ̂n kə̂ nje-dda lo-to-majang. A bbo ngawɛ̂je le oy bba n̂-taa marɛ̂ a, ndu ɔru dɔɛ̂ tə̂ ngaa. Nee kə ddəw ta taa marə ngaw, dəwje a kooeje to nje-dda lo-to-majang ang.

Rɔmɛnje 7:6

A bbasinɛn, n-teeje kɔ Ndu tə̂ kə ddang mban, mba n-toje tokə lə dəwje kə̂ oyje mban arə Ndu kə̂ uwaje bbərə tə̂ le ee kə singa dɔje tə̂ ang ngaa. Yeenn a, ja kasəje ta dda kə Lubba kə ddəw kə̂ siki kə̂ Ndil aw tɔjuje, bbo ta dda kə ddəw kə̂ ləw ang ngaa. Ddəw kə̂ ləw le to dda nɛ̂n kə turu Ndu kə̂ n̂-dda makəturu tə̂.

Rɔmɛnje 8:15

Mba Ndil kə̂ Lubba arəse le to Ndil kə̂ aw ddase bbərə tə̂ ang ddəm aw ula bbəəl məse tə̂ ang ddəm. To Ndil-mə-nda kə̂ ddase to ngannje lə Lubba ngaâ arəje ddəw karə juru əkii kə rɔ Lubba tə̂ nan: «Aba! Bɔy!»

Rɔmɛnje 8:2

Mba Ndu lə Ndil kə̂ aw arə təbbə dəw ddəw mə-kâra tə̂ n̂-dda kə Jeju-Kristə le ɔrɛ̂ ji Ndu tə̂ lə majang ddəm yo tə̂ ddəm mban.

1 Kɔrɛntinyɛje 15:58

Yeenn a, ngakɔnʼmje kə̂ m-ndikise nya, uwaje arə ngəng, arəje nɛ̂n yəkəse ang. Ə-ddaje arə kula lə Əbbə-dəwje aw kə kete kete bbo inyaje ddəwe ang, mba ə-gərəje kə majɛ̂ to kula kə̂ aw ddaje ddəw mə-kâra tə̂ kə Əbbə-dəwje a to baa ang.

1 Kɔrɛntinyɛje 16:13

Maji karə undaje kəmse dɔ rɔse tə̂, uwaje mə-kunn ləse arə ngəng, uwaje rɔse to dingawje, ə-ngəngje dɔ rɔse tə̂.

1 Kɔrɛntinyɛje 7:22

Mba dəw kə̂ to bbərə bba Əbbə-dəwje bbarɛ̂ ddee to dəw lə Əbbə-dəwje kə̂ tee kɔ bbərə tə̂. Ddəw kâra baa, dəw kə̂ to bbərə ang bba Əbbə-dəwje bbarɛ̂ ddee to bbərə lə Kristə.

2 Kɔrɛntinyɛje 11:20

Aw ə-tɔje wurse arəje daw ddase to bbərəje, daw taaje nɛ̂nje ləse baa, daw bbokose, daw doose to dəwje ang ngaâ daw tundaje kəmse!

2 Kɔrɛntinyɛje 3:17

Mba Əbbə-dəwje to Ndil. Lo kə̂ Ndil lə Əbbə-dəwje to tə̂ a, dəw dda bbərə tə̂ ang ngaa.

Galatəje 2:4

A marə ngakɔnje kə̂ tɔkɔrɔ ang dujuje karə nuja ganja bba. To dede kə̂ dandəje horoje tə̂ hɔy baa. N̂-ddeeje horoje tə̂ ta tənn kisi ləje go bbərə tə̂ kə̂ n-tee kɔɛ tə̂ kə ddang ddəw tə̂ lə Jeju-Kristə le koo. N̂-ndikije ta təl kə je kɔ bbərə tə̂ le guku.

Galatəje 3:25

A kar kə̂ tar mə-kunn le tee, jee kɔ nje-kaa dɔje tə̂ le ang ngaa.

Galatəje 4:26

A Jerujalɛm kə̂ darâ to bbərə ang. Ne a n̂-to kɔnjeje.

Galatəje 4:31

Yeenn a, ngakɔnʼmje, dɛnɛ̂n kə̂ to bbərə â n-to ngannɛ̂ ang. Dɛnɛ̂n kə̂ to bbərə ang â n-to ngannɛ̂.

Galatəje 4:9

A bbasinɛn, ə-gərəje Lubba ngaa, uta tɔyn Lubba gərəse ngaa. A, â təl bbəəlje ndilje kə̂ duninya tə̂ kə̂ singade goto ddəm ture goto ddəm tokə baânn wa?

Galatəje 5:13

See ngakɔnʼmje, Lubba bbarse karə ə-teeje kɔ bbərə tə̂ kə ddang. A maji karə tee ləse kɔ bbərə tə̂ le to ddəw â ɔru arəse karə ə-ddaje nɛ̂n nɛ̂n ddəw bboje tə̂ kə̂ da-rɔ tə̂ ang. Maji karə ə-ndikije naan ta ə-ddaje kula arəje

Epɛjinyɛje 6:14

Arje dɔ gɔlse tə̂, arəje tar kə̂ tɔkɔrɔ to bbərəse tə̂ tokə əndaar-kuwa-bbər. Arəje kula-dda kə̂ gatə gatə to karse tə̂ tokə kubbu andə-narɛ lə njê-ddɔje

Pilipinyɛje 1:27

A maji karə pa-nja ləse dda mə-kâra kə Tar kə̂ Maji lə Kristə le. Baann bba karə bbo m-ddee ta koose wase mee horose tə̂ ang njaa kara, moo tamse. Maji karə dəwje paje arəm nan aw uwaje arəje ngəng ddəw kəjə tə̂ kə kâra baa. Ngaâ məse to kâra baa bba aw ddaje nɛ̂n ddɔ tokə dəwje kə̂ kâra baa, mba mə-kunn kə̂ ddee ddəw Tar tə̂ kə̂ Maji le.

1 Tesalonisinyɛje 3:8

Bbasinɛn dɔje ndol, mba aw uwaje arəje ngəng ddəw mə-kâra tə̂ kə̂ ə-ddaje kə Əbbə-dəwje.

2 Tesalonisinyɛje 2:15

Yeenn bba, ngakɔnje, maji karə uwaje arəje ngəng, ə-ngəmje nɛ̂nje kə̂ n-tɔjuse kə taje wase ddəw makəturu tə̂.

Ebərəje 10:23

Maji karə nɛ̂n kə̂ jundaje məje dɔɛ̂ tə̂ ngaâ jaw paje tarɛ̂ kə ddaka le jinyaje ddəwe ang. Mba Lubba kə̂ unn ndue le aw turu ndue ndɔ kâra ang.

Ebərəje 3:14

Bbo n-naynje jaw juwaje jarə ngəng ndərəng jɔsuje kɔnyɛ̂ a, Lubba a karə n-ddeeje to nje-kula mar Kristə.

Ebərəje 3:6

A bbasinɛn, Kristə dda kula kə dɔgɔlɛ̂ to Ngonn lə Lubba njaa kə̂ undɛ̂ karə ɔn dɔ kəy laa. Jeje, bbo n-naynje jaw jundaje məje dɔ nɛ̂n tə̂ kə̂ jaw nginanje ngaâ jaw ddaje nɛ̂n rɔ-nəəl le a, n-toje to kəy lə Lubba njaa.

Ebərəje 4:14

Tɔkə nje-polo Lubba ləje to. Ne kə̂ nuta kəseje tɔyn, kə̂ naw ndərəng n̂-tee nɔn Lubba tə̂ darâ: To Jeju Ngonn lə Lubba. Yeenn bba joo nɛ̂n məje tə̂ mban arə maji karə juwaje jarə ngəng.

1 Piyɛr 2:16

Maji karə ə-ddaje nɛ̂n tokə dəwje kə̂ teeje kɔ bbərə tə̂ mban, a maji karə tee kə̂ ə-teeje kɔ bbərə tə̂ le təl to marə nɛ̂n kə̂ ta kɔnn nɛ̂n dɔ majang ang. Maji karə ə-ddaje nɛ̂n tokə bbərəje lə Lubba ngaa.

2 Piyɛr 2:19

ngaâ dunnje ndude darə dəwje le nan, dâ kɔrujede kɔ bbərə tə̂. A dede njaa kara n̂-toje to bbərəje lə bboje kə̂ da-rɔ tə̂ kə̂ aw tuju dəwje. Mba dəw kâra kâra to bbərə lə nɛ̂n kə̂ bboe uta dɔɛ̂.

Judə 1:3

Ngakɔnʼmje, m-ndiki nya ta dda makəturu karəse ɔju dɔ kaji kə̂ Lubba ajije tɔyn kâra baa. A bbasinɛn, moo maji ta kula kə makəturu nəənn mba karə arəse singa, karə ə-ddaje ddɔ mba ngəm nɛ̂n tar mə-kunn kə̂ Lubba arəje nyɔm le.

Apokalisi 2:25

A maji karə uwaje arə ngəng ndərəng ndɔ kə̂ mâ ddee nɛ̂n.

Apokalisi 3:3

Maji karə ole məi dɔ tar tə̂ kə̂ n̂-pa darəse kə gusu kə̂ ooje nɛ̂n tar le. Ə-ngəm tar le ta ə-turu məi. Bbo ə-ndol ang a, mâ ddee kuwai dɔ jii tə̂ tokə lə nje-bboko. Â gərə gɔl kar kə̂ mâ ddee kɔsi nɛ̂n busu ang.