Galatəje 4:3 - Dɔnɔn kə̂ Siki: Tar kə̂ aw arə təbbə

³ Jeje kara, ləw nayn tokə ngannje, n-toje to bbərəje lə kəjəje kə̂ duninya tə̂ nəənn.

Galatəje 4:3 ပူးပေါင်းရင်းမြစ်များ

Matiye 11:28

«Ə-ddeeje rɔm tə̂, sese tɔyn kə̂ nɛ̂n-koto aw ɔɔyse arə singase ɔru, mâ karə uwaje rɔse.

Tar kə̂ Maji kə̂ Jan dda makəturu tə̂ 8:31

Jeju pa arə Jiipije kə̂ ooje məde tə̂ saa nan: «Bbo ə-naynje ddəw tar tə̂ ləm a, ə-toje to njê-njaje gom tə̂ njaa.

Kulaje 15:10

Yeenn a, bbasinɛn, mba ddi bba aw taje naan kə Lubba ngaâ aw undaje nɛ̂n-koto kə̂ kajejedede wase jeje njaa kara jasə ta koto ang dɔ njê-njaje go Əbbə-dəwje tə̂ wa?

Rɔmɛnje 7:14

N-gərə to Ndu to nɛ̂n lə Ndil. A əman m-to dəw baa, n̂-labbəm kə majang to bbərə laa.

Rɔmɛnje 8:15

Mba Ndil kə̂ Lubba arəse le to Ndil kə̂ aw ddase bbərə tə̂ ang ddəm aw ula bbəəl məse tə̂ ang ddəm. To Ndil-mə-nda kə̂ ddase to ngannje lə Lubba ngaâ arəje ddəw karə juru əkii kə rɔ Lubba tə̂ nan: «Aba! Bɔy!»

2 Kɔrɛntinyɛje 11:20

Aw ə-tɔje wurse arəje daw ddase to bbərəje, daw taaje nɛ̂nje ləse baa, daw bbokose, daw doose to dəwje ang ngaâ daw tundaje kəmse!

Galatəje 2:4

A marə ngakɔnje kə̂ tɔkɔrɔ ang dujuje karə nuja ganja bba. To dede kə̂ dandəje horoje tə̂ hɔy baa. N̂-ddeeje horoje tə̂ ta tənn kisi ləje go bbərə tə̂ kə̂ n-tee kɔɛ tə̂ kə ddang ddəw tə̂ lə Jeju-Kristə le koo. N̂-ndikije ta təl kə je kɔ bbərə tə̂ le guku.

Galatəje 3:19

Yeenn a, Ndu to mba ddi bbay wa? Lubba arə Ndu to bba karə n-gərəje nɛ̂n nɛ̂nje kə̂ dəwje aw ddaje kə dɔgɔlɛ̂ ang, ndərəng ta nginan nɛ̂n ddee lə ngoka Abaraham kə̂ Lubba unn ndue ta karɛ̂ nɛ̂n le. Lubba ula anjəje kə Ndu le ddəw tə̂ lə marə nje-gɔl-tar.

Galatəje 4:2

Naw noo ta dəwje kə̂ aw ngəmɛ̂ ngaâ aw ngəm nɛ̂nje laa le ndərəng karə ndɔ kə̂ bɔɛ̂je ɔju asə.

Galatəje 4:24

Tar nəənn tɔju marə nɛ̂n dang. Dɛnɛ̂nje kə̂ joo le toje tokə dɔnɔnje kə̂ joo. Dɔnɔn kə̂ dɔngɔr to Agar. To dɔnɔn kə̂ dɔ ddingiri tə̂ kə̂ ria nan Sinayi. Naw nuju ngannje kə̂ toje to bbərəje.

Galatəje 4:25

Mba Agar to ddingiri kə̂ Sinayi kə̂ to nangə tə̂ kə̂ Arabi. Agar le to tokə Jerujalɛm kə̂ bbokənɛn nəənn kə̂ to bbərə ddəm dəwje kə̂ məɛ tə̂ tɔyn ddəm.

Galatəje 4:31

Yeenn a, ngakɔnʼmje, dɛnɛ̂n kə̂ to bbərə â n-to ngannɛ̂ ang. Dɛnɛ̂n kə̂ to bbərə ang â n-to ngannɛ̂.

Galatəje 4:8

Ləw, ə-gərəje Lubba ang, ə-toje to bbərəje lə kɔrje kə̂ toje to lubbaje kə̂ tɔkɔrɔ ang.

Galatəje 4:9

A bbasinɛn, ə-gərəje Lubba ngaa, uta tɔyn Lubba gərəse ngaa. A, â təl bbəəlje ndilje kə̂ duninya tə̂ kə̂ singade goto ddəm ture goto ddəm tokə baânn wa?

Kolosinyɛje 2:20

Oyje ddəw kâra baa kə Kristə mban arə singaje kə̂ duninya tə̂ toje to nɛ̂n kâra ang kəmse tə̂. A mba ddi bba kisi ləse to tokə dəwje kə̂ dɔ nangə tə̂ nəənn ngaâ aw bbəəlje nduje wa?

Kolosinyɛje 2:8

Ə-ngəmje rɔse kə majɛ̂ arəje dəw ərəse ddəw kəjəje tə̂ laa ang, mba to ngəmje ddəm to kəjəje lə dəwje baa ddəm. To kəjəje kə̂ inje mə nɛ̂n-ji-bbeje tə̂ lə dəwje ddəm to kəjəje kə̂ dɔ nangə tə̂ nəənn ddəm. To kəjəje kə̂ inje ddəw tə̂ lə Kristə ang.

Ebərəje 5:12

Kuru lo əw nya karə ə-ddeeje to njê-nɛ̂n-tɔjuje ngaa. A sese le tɔ bbay â ə-ndikije karə n̂-təl n̂-tɔjuse dɔngɔr nɛ̂nje kə̂ dɔ tar tə̂ lə Lubba wa? Ə-ddeeje to dəwje kə̂ ndikije ta kil mba bbay, bbo asəje ta kusa nɛ̂n kə̂ kətərə ang.

Ebərəje 7:16

N̂-ddee to nje-polo Lubba ddəw ndu tə̂ lə dəwje ang, a ddəw singa-mɔngu tə̂ kə̂ to mə təbbə tə̂ laa kə̂ a tuju ndɔ kâra ang.