Galatəje 4:18 - Dɔnɔn kə̂ Siki: Tar kə̂ aw arə təbbə

¹⁸ To maji ta dda bbo nɛ̂n kə̂ maji kə kar tɔyn, bbo ta dda kar tə̂ kə̂ mee nɛ̂n horose tə̂ njaa bba ang.

Galatəje 4:18 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 2:17

Njê-njaje go Jeju tə̂ oleje məde dɔ tar tə̂ kə̂ mə Makəturu tə̂ lə Lubba kə̂ nan: «Əbbə-dəwje, bbo kəy ləi a ddam tokə lə puru kə̂ aw ɔn.»

1 Kɔrɛntinyɛje 15:58

Yeenn a, ngakɔnʼmje kə̂ m-ndikise nya, uwaje arə ngəng, arəje nɛ̂n yəkəse ang. Ə-ddaje arə kula lə Əbbə-dəwje aw kə kete kete bbo inyaje ddəwe ang, mba ə-gərəje kə majɛ̂ to kula kə̂ aw ddaje ddəw mə-kâra tə̂ kə Əbbə-dəwje a to baa ang.

Galatəje 4:13

Ə-gərəje kə majɛ̂ to, rɔm kə̂ tom â dda arə m-nayn horose tə̂ ngaâ mila mbər Tar kə̂ Maji marəse to dɔngɔrɛ̂ bbay.

Galatəje 4:17

Dəwjeenn le aw dda dda ləse baa, a kəjə ləde maji ang. N̂-ndikije karə ə-tinje səm bba ta unnje rɔse arəde.

Galatəje 4:20

M-ndiki nya ta kee horose tə̂ kar tə̂ nəənn, ta gərə gusu kə̂ ta pa nɛ̂n tar karəse. Mba m-gərə nɛ̂n kə̂ ta dda kə se ang.

Pilipinyɛje 1:27

A maji karə pa-nja ləse dda mə-kâra kə Tar kə̂ Maji lə Kristə le. Baann bba karə bbo m-ddee ta koose wase mee horose tə̂ ang njaa kara, moo tamse. Maji karə dəwje paje arəm nan aw uwaje arəje ngəng ddəw kəjə tə̂ kə kâra baa. Ngaâ məse to kâra baa bba aw ddaje nɛ̂n ddɔ tokə dəwje kə̂ kâra baa, mba mə-kunn kə̂ ddee ddəw Tar tə̂ kə̂ Maji le.

Pilipinyɛje 2:12

Yeenn a, ngakɔnʼmje kə̂ m-dikise nya, ooje ta Lubba kə majɛ̂ njaa, kar tə̂ kə̂ mee nɛ̂n horose tə̂. A maji karə ooje tɛɛ̂ uta nya bbay, kar tə̂ kə̂ bbasinɛn nəənn kə̂ m-goto horose tə̂ le. Maji karə ə-ddaje kula kaji kə̂ ingaje le kə bbəəl ddəm rɔ-kisa ddəm.

Titə 2:14

Nunn rɔɛ̂ njaa narə yo mbaje, mba kɔruje mə majang tə̂ ngaâ ta toko nɛ̂n-yərəw ləje karə n-toje to dəwje laa njaa ddəm karə n-toje to dəwje kə̂ bbo dda kulaje kə̂ maji to məde tə̂ nya ddəm.

Apokalisi 3:19

Dəwje tɔyn kə̂ m-ndikide, maw təl kə de ddəw tə̂ kə̂ maji ddəm maw tundade ddəm. Yeenn bba, maji karə ə-dda kula le kə mə-kâra ta ə-turu məi.