Galatəje 4:14 - Dɔnɔn kə̂ Siki: Tar kə̂ aw arə təbbə

¹⁴ Rɔm kə̂ tom le asə karə dəw oom ang. A ə-yabbəmje ang ddəm ə-sangəmje ang ddəm. Ə-taamje kə rɔse tə̂ tokə m-to marə anjə lə Lubba, tokə m-to Jeju-Kristə le njaa.

Galatəje 4:14 ပူးပေါင်းရင်းမြစ်များ

Matiye 10:40

«Bbo dəw taase kə rɔɛ̂ tə̂ a, əman njaa n̂-taam. A dəw kə̂ taam kə rɔɛ̂ tə̂ a, taa dəw kə̂ ulam tɔ.

Matiye 18:5

Dəw kə̂ taa ngonn kə̂ ngaji tokə be kə rɔɛ̂ tə̂ mbam a, əman njaa â n̂-taam kə rɔɛ̂ tə̂ənn.»

Matiye 25:40

Yeenn ngaâ tɔkə mbay le a kilade tə̂ nan: ‹Tɔkɔrɔ njaa, m-pa marəse, kar tɔyn kə̂ ə-ddaje nɛ̂njeenn le kə marə ngakɔm kə̂ toje to dəwje kə̂ tɛn baa nəənn, nayn to əman â ə-ddaje səm.›

Luku 10:16

Jeju pa bbay nan: «Dəw kə̂ oo tar ləse a, to əman â noo tar ləm. Dəw kə̂ mbətəse a, to əman â n̂-mbətəm. Dəw kə̂ mbətəm a, ne kə̂ nulam â n̂-mbəte.»

Tar kə̂ Maji kə̂ Jan dda makəturu tə̂ 13:20

Tɔkɔrɔ m-pa marəse: Dəw kə̂ taa dəw kə̂ mulɛ̂ kə rɔɛ̂ tə̂, nayn to əman njaa n̂-taam kə rɔɛ̂ tə̂ənn. Ngaâ, dəw kə̂ taam kə rɔɛ̂ tə̂ to dəw kə̂ taa dəw kə̂ ulam kə rɔɛ̂ tə̂ tɔ.»

1 Kɔrɛntinyɛje 1:28

Nɛ̂n kə̂ dɔ nangə tə̂ kə̂ dəwje ooje to nɛ̂n kə̂ ture goto, nɛ̂n kə̂ to nɛ̂n ang, nɛ̂n kə̂ dəwje mbətəje bba Lubba unn mba tuju nɛ̂n nɛ̂n kə̂ ngəng.

1 Kɔrɛntinyɛje 4:10

Jeje n-to mbəje ɔju dɔ Kristə, a sese ə-toje to njê-kəm-karɛje ddəw tə̂ lə Kristə. Jeje, jubba singa ang, a sese ubbaje singa. Dəwje aw ɔsuje gajise, a jeje dooje to nɛ̂n ang.

2 Kɔrɛntinyɛje 5:20

Jeje, Kristə â ulaje karə n-paje tar kə ria. Yeenn nayn to Lubba njaa aw bbarse ddəw tə̂ ləje. Jaw walse nya kə ri Kristə, maji karə unguje naan tə̂ kə Lubba.

Galatəje 3:26

Mba sese tɔyn ə-ddeeje to ngann lə Lubba ddəw məse tə̂ kə̂ unnje arəje Jeju-Kristə le.

Galatəje 3:28

Jiipi wase Gɛrɛkə goto ngaa, bbərə wase dəw kə̂ to bbərə ang goto ngaa, dingaw wase dɛnɛ̂n goto ngaa. Mba sese tɔyn ə-ddeeje to dəwje kə̂ kâra baa ddəw mə-kâra tə̂ kə̂ ə-ddaje kə Jeju-Kristə.

Galatəje 4:13

Ə-gərəje kə majɛ̂ to, rɔm kə̂ tom â dda arə m-nayn horose tə̂ ngaâ mila mbər Tar kə̂ Maji marəse to dɔngɔrɛ̂ bbay.

Galatəje 4:15

Yeenn a, rɔ-nəəl ləse to dda wa? Mɔru naji ləse m-pa nan: Bbo ddəw kɔru kandə kəmse karəm to a le â kɔruje karəm.

1 Tesalonisinyɛje 2:13

Jaw jarə wooyo Lubba kə ndɔ tɔyn mba kar kə̂ jila mbər tar lə Lubba jarəse le, ooje ngaâ ə-taaje to tar lə Lubba njaa, bbo to tar lə dəwje ang. Tar le aw dda kula məse tə̂, see njê-mə-kunnje.

1 Tesalonisinyɛje 4:8

Yeenn bba bbo dəw kə̂ mbətə nduje nəənn a, to dəw â n̂-mbəte ang, Lubba kə̂ arəse Ndil-mə-nda laa â n̂-mbəte.

Ebərəje 13:2

Maji karə məse oy ta taa njê-mbaje kə majɛ̂ rɔse tə̂ ang. Mba ddəw nɛ̂n-dda tə̂ kə̂ baann â, marə dəwje taaje anjəje kə rɔde tə̂, a n̂-gərəje to anjəje ang.