Galatəje 3:8 - Dɔnɔn kə̂ Siki: Tar kə̂ aw arə təbbə

⁸ Tɔ bbay, Makəturu lə Lubba pa kete mban nan Lubba a koo dəwje kə̂ toje to Jiipije ang to dəwje kə̂ gatə gatə kəmɛ̂ tə̂ ddəw mə-kunn tə̂ le. Mba yeenn bba, Makəturu le pa tar kə̂ maji nəənn tokə kete arə Abaraham nan: «Lubba a bbar tar kə̂ maji dɔ kəsə gəl-dəwje tə̂ tɔyn ddəw tə̂ ləi.»

Galatəje 3:8 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 19:37

Makəturu lə Lubba pa bbay nan: «Dəwje a kooje dəw kə̂ dɔsu karɛ̂ le.»

Tar kə̂ Maji kə̂ Jan dda makəturu tə̂ 7:38

Makəturu lə Lubba pa nan: Dəw kə̂ unn məɛ̂ arəm a, baje kə̂ aw arəje təbbə a kinje rɔɛ̂ tə̂ kula.»

Tar kə̂ Maji kə̂ Jan dda makəturu tə̂ 7:42

Mba Makəturu lə Lubba pa nan: Mesi a kin gəl Dabbiti tə̂, nâ kin Betelehɛm ngonn bbe tə̂ kə̂ duju Dabbiti kə tə̂.

Kulaje 2:35

ndərəng ta mungu njê-baanje ləi kɔ gɔli tə̂.›

Rɔmɛnje 9:17

Lubba pa mə Makəturu tə̂ laa arə Parawɔn nan: «Mula mbay dɔi tə̂ ta tɔju singa-mɔngu ləm dɔi tə̂ ngaâ ta dda karə rim bbar tee dɔ nangə tə̂ tɔyn.»

Rɔmɛnje 9:30

Yeenn a, ja paje nan ddi wa? Dəwje kə̂ toje to Jiipije ang kə̂ aw sangəje ddəw ta ddee gatə gatə kəm Lubba tə̂ ang ddəm â Lubba oode to dəwje kə̂ gatə gatə kəmɛ̂ tə̂, mba dooje məde tə̂ saa.

Galatəje 3:16

Abaraham kə Ngokɛɛ̂ â Lubba unn ndue ta karəde nɛ̂nje. Makəturu lə Lubba pa nan: «Ngakɛɛ̂» ang. Lubba unn ndue le arə dəwje kə̂ banya ang. Makəturu le nan: «Ngokɛɛ̂.» Yeenn pa nan nunn ndue le narə dəw kâra baa kə̂ to Kristə.

Galatəje 3:22

A Makəturu lə Lubba pa nan majang ɔn dɔ dəwje tɔyn. Baann bba dəwje tɔyn kə̂ unnje məde a kingaje nɛ̂n kə̂ Lubba unn ndue ta karəde mba məde kə̂ dunn darə Jeju-Kristə.

Galatəje 4:30

A Makəturu lə Lubba pa nan ddi wa? Makəturu le nan: «Ə-tubba dɛnɛ̂n kə̂ to bbərə le kə ngonnɛ̂. Mba ngonn lə bbərə a kasə kuwa nɛ̂n-ndubba kə ngonn lə dɛnɛ̂n kə̂ to bbərə ang le ang.»

Ebərəje 4:2

Mba ndu Lubba kə̂ unn ngaâ dila mbəre darə kajejedede le dila mbəre darəje tɔ. A Tar kə̂ Maji nəənn kə̂ dooje le dda marə nɛ̂n kâra rɔde tə̂ ang, mba dəwje kə̂ ooje tar le ooje nɛ̂n məde tə̂ ang ddəm.

Apokalisi 11:15

Goe tə̂ a, anjə kə̂ to siri laa to təbbə. Ndu bbar kə singa darâ nan: «Bbasinɛn, kɔn-mbay dɔ nangə tə̂ nəənn təl mə ji Əbbəjeje tə̂ kə mə ji Mesi tə̂ laa. Nâ kɔn-mbay kə ndɔ kə ndɔ.»