Galatəje 3:27 - Dɔnɔn kə̂ Siki: Tar kə̂ aw arə təbbə

²⁷ Sese tɔyn n̂-ddase batɛm kə ri Kristə arə ə-ddeeje tokə Kristə ngaa.

Galatəje 3:27 ပူးပေါင်းရင်းမြစ်များ

Rɔmɛnje 13:14

Maji karə ulaje Əbbəjeje Jeju-Kristə tokə nɛ̂n-ddɔ rɔse tə̂ ta inyaje arəje da-rɔse ndasəse arə ə-ddaje nɛ̂n kə̂ bboe ddɛɛ̂ ang.

1 Kɔrɛntinyɛje 12:13

Mba jeje tɔyn, Jiipije wase Gɛrɛkəje, bbərəje wase bbərəje ang kara n-ddaje batɛm tɔyn ddəw Ndil tə̂ kə̂ kâra baa karə n-ddeeje da-rɔ kə̂ kâra baa ngaa. Ndil kə̂ kâra baa le â Lubba arəje tɔyn.

1 Piyɛr 3:21

Yeenn to nɛ̂n kə̂ tɔju batɛm kə̂ aw ajise bbasinɛn le. Batɛm to nɛ̂n kə̂ aw toko nɛ̂n-yərəw kə̂ da-rɔ tə̂ ang. To kunn rɔ ta dda kə Lubba kə kəjə kə̂ maji. Batɛm le ajise ddəw ndol tə̂ kə̂ Jeju-Kristə ndol buwa-yo tə̂.

Kolosinyɛje 3:10

Ngaâ ulaje da-rɔ kə̂ siki arə ə-ddeeje to dəwje kə̂ siki. Lubba aw dda arə ə-ddeeje siki kə ndɔ tɔyn ngaâ aw undaje rɔ Lubba kə̂ nje-ddase le kə kete kete. Baann bba â gərəje Lubba le kə majɛ̂.

Epɛjinyɛje 4:24

Maji karə ə-ddeeje to dəwje kə̂ siki kə̂ Lubba ddade tokə ye kə̂ məɛ̂ ndiki ngaâ tar kə̂ tɔkɔrɔ ddade arə n̂-ddeeje to dəwje kə̂ gatə gatə ddəm dəwje kə̂ nɛ̂n-yərəw ɔrude ang ddəm.

Kulaje 2:38

Piyɛr pa arəde nan: «Ə-turuje məse ta nân nân kara inga batɛm kə ri Jeju-Kristə. Baann bba Lubba a kɔru tar majangje ləse dɔse tə̂ ngaâ nâ karəse Ndil-mə-nda.

Rɔmɛnje 3:22

Lubba dda arə dəwje ddeeje gatə gatə kəmɛ̂ tə̂ mba məde kə̂ dunnje darə Jeju-Kristə. N̂-dda baann mba dəwje tɔyn kə̂ unnje məde arə Kristə, mba Lubba ɔru kəm dəw ang.

Kulaje 16:15

Lidi kə njê kə̂ kəy laa dingaje batɛm a, n̂-bbarje n̂-pa narəje nan: «Bbo əjəje to moo məm tə̂ tɔkɔrɔ kə Əbbə-dəwje a, ə-ddeeje ə-toje kə̂y ləm.» Numan kə je nya karə n-ndiki bbar tə̂ kə̂ n̂-bbarje le.

Kulaje 8:16

Mba Ndil-mə-nda ddee dɔ marə dəw tə̂ kə̂ Samari kâra ang bbay. Nɛ̂n kə̂ dingaje njaa â to batɛm kə̂ n̂-ddade kə ri Əbbə-dəwje Jeju.

Kulaje 9:18

Kəm naan tə̂ nəənn njaa, marə nɛ̂n tokə lə gondo in kəmɛ̂ tə̂ oso nangə̂ ngaâ noo lo. Nin taar ngaâ ninga batɛm.

Luku 15:22

A bɔɛ̂je le pa arə njê-kulaje laa nan: ‹Ə-ddeeje kə kubbu kə̂ kura uta marɛ̂je njangə ulɛ̂je, ulaje əninga ngonn-jia tə̂ ta ulɛ̂je nɛ̂n-gɔl.

1 Kɔrɛntinyɛje 10:2

Kajejedede le tɔyn ingaje batɛm mə mum tə̂ ddəm mə ba-katə tə̂ ddəm ddəw mə-kâra tə̂ kə̂ n̂-ddaje kə Mɔyijə.