Galatəje 3:26 - Dɔnɔn kə̂ Siki: Tar kə̂ aw arə təbbə

²⁶ Mba sese tɔyn ə-ddeeje to ngann lə Lubba ddəw məse tə̂ kə̂ unnje arəje Jeju-Kristə le.

Galatəje 3:26 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 1:7

N̂-ddee to nje-tar-naji, ta kɔru naji lə lo-karɛ bba karə dəwje tɔyn ooje məde tə̂ kə lo-karɛ le ddəw tə̂ laa.

Tar kə̂ Maji kə̂ Jan dda makəturu tə̂ 20:17

Jeju pa arɛ̂ nan: «Ɔrum kə jii ang, mba m-nayn maw rɔ Bɔy tə̂ ang bbay. A aw pa arə ngakɔnʼmje ə-pa nan maw maw kə rɔ Bɔy tə̂ kə rɔ Bɔmje tə̂ kə̂ to Bɔsese ddəm rɔ Lubba tə̂ ləm kə̂ to Lubba ləse ddəm.»

Rɔmɛnje 8:1

Bbasinɛn nəənn, dəwje kə̂ ddaje mə-kâra kə Jeju-Kristə, sariya to dɔde tə̂ ang ngaa.

Rɔmɛnje 8:19

Nɛ̂nje tɔyn kə̂ Lubba dda aw nginanje kar kə̂ Lubba a tɔju nɛ̂n ngannɛ̂ kə̂ ddaka.

2 Kɔrɛntinyɛje 1:1

Əman Pɔl kə̂ Lubba ndiki tə̂ karə m-ddee to nje-kaw-kula lə Jeju-Kristə, əman kə ngokɔnje Timɔte, n-dda makəturu nəənn jarə Egilisi lə Lubba kə̂ to Kɔrɛntə ddəm jarə dəwje lə Lubba kə̂ isije nangə tə̂ kə̂ Akay tɔyn ddəm.

2 Kɔrɛntinyɛje 6:18

Əbbə-dəwje kə̂ Nje-singa-mɔngu pa bbay nan: «Mâ to Bɔsese, a sese, â toje to ngannəm kə̂ dingaw kə ngannəm kə̂ dɛnɛ̂n.»

Galatəje 3:28

Jiipi wase Gɛrɛkə goto ngaa, bbərə wase dəw kə̂ to bbərə ang goto ngaa, dingaw wase dɛnɛ̂n goto ngaa. Mba sese tɔyn ə-ddeeje to dəwje kə̂ kâra baa ddəw mə-kâra tə̂ kə̂ ə-ddaje kə Jeju-Kristə.

Galatəje 4:14

Rɔm kə̂ tom le asə karə dəw oom ang. A ə-yabbəmje ang ddəm ə-sangəmje ang ddəm. Ə-taamje kə rɔse tə̂ tokə m-to marə anjə lə Lubba, tokə m-to Jeju-Kristə le njaa.

Galatəje 5:24

Dəwje kə̂ toje to ənga Jeju-Kristə ddaje arə bboje kə̂ da-rɔde tə̂ oy kakə-dəsə tə̂ mban.

Galatəje 5:6

Mba dəw kə̂ to lə Jeju-Kristə a, kuja ganja wase kuja ganja ang dda marə nɛ̂n kâra ang. Tɔkə nɛ̂n â to mə-kunn kə̂ aw dda bba dəw aw ndiki nje-marɛ̂.

Epɛjinyɛje 1:1

Əman Pɔl kə̂ Lubba ndiki tə̂ karə m-ddee to nje-kaw-kula lə Jeju-Kristə, mula kə makəturu nəənn marə dəwje lə Lubba kə̂ ooje məde tə̂ kə Jeju-Kristə kə̂ isije Epɛjə.

Epɛjinyɛje 1:5

Lubba gɔl tokə kete karə n-təl to ngannɛ̂ ddəw tə̂ lə Jeju-Kristə kə mə-maji laa njaa.

Epɛjinyɛje 5:1

Ə-toje to ngannje kə̂ Lubba ndikise nya. Yeenn a, maji karə ə-ndajɛ̂je.

Pilipinyɛje 1:1

Əman Pɔl kə Timɔte kə̂ n-to bbərə-kulaje lə Jeju-Kristə n-dda makəturu nəənn jula nɛ̂n jarə dəwje tɔyn kə̂ isije Pilipi kə̂ toje to njê-mə-ndaje ddəw tə̂ lə Jeju-Kristə. Jula nɛ̂n jarə njê-kɔnje dɔ Egilisi kə diyakərəje tɔ.

Pilipinyɛje 1:8

Tɔkɔrɔ Lubba kara gərə ndiki kə̂ m-dikise nya tokə Jeju-Kristə ndikise nya le tɔ.

Pilipinyɛje 2:15

Yeenn bba â toje to dəwje kə̂ tar a to dɔde tə̂ ang, dəwje kə̂ nɛ̂n-yərəw ɔrude ang. A toje to ngannje lə Lubba kə̂ majang ɔrude ang, horo dəwje tə̂ kə̂ bbasinɛn nəənn kə̂ toje gatə gatə ang ddəm majije ang ddəm. Maji karə ə-ndokoje horode tə̂ tokə lə puru-ngeel dɔ nangə tə̂,

Kolosinyɛje 1:4

Joo tar məse kə̂ unnje arəje Jeju-Kristə kə tar ndiki kə̂ aw ndikije dəwje lə Lubba tɔyn le.

Kolosinyɛje 2:6

Ə-taaje Jeju-Kristə to Əbbəsese mban. Yeenn a, maji karə ə-naynje ddəw mə-kâra tə̂ kə̂ ə-ddaje saa le.

Pilemɔn 1:1

Əman Pɔl kə̂ dilam kəy-kula tə̂ mba tar lə Jeju-Kristə, əman kə ngokɔnje Timɔte, n-dda makəturu nəənn jari, əi Pilemɔn kə̂ ə-to nje-kula marəje kə̂ n-ndikii nya,

Pilemɔn 1:9

A moo maji ta duji karə ə-dda nɛ̂n le ddəw ndiki tə̂. Əman Pɔl kə̂ m-to bbuka ngaâ bbasinɛn m-to kəy-kula tə̂ mba Jeju-Kristə le.

Apokalisi 21:7

Dəw kə̂ tətə ddɔ a, mâ karə nɛ̂njeenn le ddeeje to laa. Mâ to Lubba laa ngaâ nâ to ngonnəm.