Galatəje 3:22 - Dɔnɔn kə̂ Siki: Tar kə̂ aw arə təbbə

²² A Makəturu lə Lubba pa nan majang ɔn dɔ dəwje tɔyn. Baann bba dəwje tɔyn kə̂ unnje məde a kingaje nɛ̂n kə̂ Lubba unn ndue ta karəde mba məde kə̂ dunn darə Jeju-Kristə.

Galatəje 3:22 ပူးပေါင်းရင်းမြစ်များ

Marke 16:16

Dəw kə̂ unn məɛ̂ ngaâ inga batɛm a, a kinga kaji. Dəw kə̂ unn məɛ̂ ang a, sariya to dɔɛ̂ tə̂.

Tar kə̂ Maji kə̂ Jan dda makəturu tə̂ 12:46

Əman, m-to lo-karɛ, m-ddee dɔ nangə tə̂ karə dəw kə̂ unn məɛ̂ arəm a, nayn lo ndul tə̂ ang.

Tar kə̂ Maji kə̂ Jan dda makəturu tə̂ 20:31

A n̂-dda nɛ̂nje nəənn makəturu tə̂ karə ooje nɛ̂n məse tə̂ to Jeju to Kristə, Ngonn lə Lubba. A bbo ooje məse tə̂ a, â kisije kə təbbə ddəw tə̂ laa.

Tar kə̂ Maji kə̂ Jan dda makəturu tə̂ 3:36

Dəw kə̂ oo məɛ̂ tə̂ kə Ngonn ee kə təbbə kə̂ to kə ndɔ kə ndɔ. A dəw kə̂ mbətə ta koo məɛ̂ tə̂ kə Ngonn a kinga təbbə le ang. Wungu lə Lubba nayn dɔɛ̂ tə̂.»

Tar kə̂ Maji kə̂ Jan dda makəturu tə̂ 5:24

«Tɔkɔrɔ njaa m-pa marəse: Dəw kə̂ oo tar ləm ngaâ unn məɛ̂ arə dəw kə̂ ulam a, nâ kisi kə təbbə kə̂ to kə ndɔ kə ndɔ. Dâ gangə sariya dɔɛ̂ tə̂ ang, n̂-tee ta yo tə̂ ninga təbbə mban.

Tar kə̂ Maji kə̂ Jan dda makəturu tə̂ 6:40

Nɛ̂n kə̂ mə Bɔmje ndiki â nəənn: Karə dəwje tɔyn kə̂ ooje Ngonn le ngaâ ooje məde tə̂ saa, ingaje təbbə kə̂ to kə ndɔ kə ndɔ. Ngaâ əman, ddutu ndɔ tə̂ a, mâ ndolde.»

Kulaje 16:31

N̂-paje darɛ̂ nan: «Oo məi tə̂ kə Əbbə-dəwje Jeju a, â kinga kaji, əi ddəm njê kə̂ kə̂y ləi ddəm.»

Rɔmɛnje 10:9

Bbo əi njaa ə-pa kə tai kəm dəwje tə̂ tɔyn nan Jeju to Əbbə-dəwje ngaâ ə-ndiki tə̂ məi tə̂ to noy ngaâ Lubba ndole a, â kinga kaji.

Rɔmɛnje 11:32

Lubba dda arə dəwje tɔyn toje tokə dəwje kə̂ eeje kəy-kula tə̂, mba n̂-mbətəje ndu Lubba. N̂-dda baann ta tɔju dəwje tɔyn to noo kəm-to-ndoo ləde.

Rɔmɛnje 3:22

Lubba dda arə dəwje ddeeje gatə gatə kəmɛ̂ tə̂ mba məde kə̂ dunnje darə Jeju-Kristə. N̂-dda baann mba dəwje tɔyn kə̂ unnje məde arə Kristə, mba Lubba ɔru kəm dəw ang.

Rɔmɛnje 3:23

Dəwje tɔyn ddaje majang arə dasəje piti lə Lubba ang.

Rɔmɛnje 5:12

Majang ddee duninya tə̂ ddəw tə̂ lə dəw kâra kə̂ ria nan Adam. Ngaâ majang le ddee kə yo. Yeenn bba yo aw tɔl dəwje tɔyn, mba dəwje tɔyn ddaje majang.

Galatəje 3:14

Baann bba karə tar kə̂ maji kə̂ Lubba bbar dɔ Abaraham tə̂ le ddee dɔ dəwje tə̂ kə̂ toje to Jiipije ang le ddəw tə̂ lə Jeju-Kristə. Ngaâ karə jingaje Ndil kə̂ Lubba unn ndue ta karə le ddəw mə-kunn tə̂.

Galatəje 3:17

Tar kə̂ m-ndiki ta pa â nəənn: Lubba dda makəturu nɛ̂n-ndubba kə dɔgɔlɛ̂ tokə kete mban. A Ndu lə Mɔyijə kə̂ tee bbal kɔr sɔ gire dɔmota goe tə̂ a kasə tuju makəturu kə̂ Lubba dda le ang. Bbo baann a, ndu Lubba kə̂ unn le a to nɛ̂n kə̂ baa.

Galatəje 3:23

Kete bba karə tar mə-kunn tee le, jee kɔ Ndu tə̂ tokə dəwje kə̂ eeje kəy-kula tə̂ ta nginan nɛ̂n kar kə̂ Lubba a tee nɛ̂n kə tar mə-kunn kə ddaka.

Galatəje 3:29

Bbo ə-toje to ənga Kristə a, yeenn pa nan, ə-toje to ngaka Abaraham. Ə-toje to dəwje kə̂ Lubba unn ndue ta karəse nɛ̂n le.

2 Timɔte 1:1

Əman Pɔl, m-to nje-kaw-kula lə Jeju-Kristə, mba Lubba njaa ndiki tə̂ ngaâ bbarəm karə mila mbər tar təbbə kə̂ nunn ndue ta karə dəwje ddəw tə̂ lə Jeju-Kristə.

Ebərəje 9:15

Mba yeenn bba, Kristə to nje-gɔl-tar marə dɔnɔn kə̂ siki, bba karə dəwje kə̂ Lubba bbarde ingaje nɛ̂n-kingaje kə̂ a to kə ndɔ kə ndɔ, kə̂ nunn ndue ta karə dəwje laa. Dasəje ta kinga nɛ̂nje le, mba Kristə oy ta kɔru dəwje mə majangje tə̂ kə̂ n̂-ddaje kar tə̂ kə̂ n̂-naynje nɛ̂n kɔ dɔnɔn tə̂ kə̂ dɔngɔr le.

2 Piyɛr 1:4

Ddəw nɛ̂nje tə̂ənn le bba jingaje nɛ̂n nɛ̂nje kə̂ ngəng nya kə̂ Lubba unn ndue ta karəje le. Yeenn bba karə ddəw nɛ̂nje tə̂ənn le, ə-ddeeje tokə lə Lubba, mba aynje bbo nɛ̂nje kə̂ maji ang kə̂ dɔ nangə tə̂ nəənn kə̂ aw tuju dəwje.

2 Piyɛr 3:13

A jeje, jaw nginanje dara kə̂ siki kə nangə kə̂ siki kə̂ Lubba unn ndue ta dda le. Nɛ̂n-dda kə̂ gatə gatə a to tə̂.

1 Jan 2:25

Ooje, nɛ̂n kə̂ Kristə unn ndue ta karəje â to təbbə kə̂ to kə ndɔ kə ndɔ.