Galatəje 3:2 - Dɔnɔn kə̂ Siki: Tar kə̂ aw arə təbbə

² M-ndiki karə tar nəənn njaa ilamje tə̂: Ngəm kə̂ ə-ngəmje Ndu lə Mɔyijə â ingaje nɛ̂n Ndil-mə-nda wase mə-kunn â ingaje nɛ̂n Ndil-mə-nda le wa?

Galatəje 3:2 ပူးပေါင်းရင်းမြစ်များ

Kulaje 15:8

Lubba kə̂ gərə mə dəwje tɔju to n̂-taa dəwje kə̂ toje to Jiipije ang kə rɔɛ̂ tə̂. Yeenn bba narəde Ndil-mə-nda tokə narəje le tɔ.

Kulaje 2:38

Piyɛr pa arəde nan: «Ə-turuje məse ta nân nân kara inga batɛm kə ri Jeju-Kristə. Baann bba Lubba a kɔru tar majangje ləse dɔse tə̂ ngaâ nâ karəse Ndil-mə-nda.

Kulaje 8:15

N̂-teeje Samari le a, n̂-dujuje Lubba mba dəwje kə̂ Samari le karə dingaje Ndil-mə-nda.

Rɔmɛnje 1:17

Tar kə̂ Maji le tɔju ddəw kə̂ Lubba aw dda arə dəwje aw ddeeje nɛ̂n gatə gatə kəmɛ̂ tə̂ kə ddaka: Ddəw mə-kunn tə̂ kâra baa, kunn-kutu nɛ̂n tə̂ ndərəng kɔnyɛ̂ tə̂. Ddəw kâra baa tokə makəturu lə Lubba pa nan: «Dəw kə̂ ddee gatə gatə ddəw mə-kunn tə̂ a kisi kə təbbə.»

1 Kɔrɛntinyɛje 9:21

Ddəw kâra baa, bbo misi kə dəwje kə̂ gərəje Ndu lə Mɔyijə ang a, m-dda tokə dəw kə̂ gərə Ndu le ang tɔ, mba kinga nɛ̂n de. Tɔkɔrɔ m-gərə ndu lə Lubba, mba maw dda nɛ̂n kə turu ndu Kristə.

2 Kɔrɛntinyɛje 11:4

Mba bbo marə dəw ddee aw ila mbər tar lə marə Jeju dang kə Jeju kə̂ n-pa tar laa jarəse le wase ə-taaje marə ndil dang kə Ndil kə̂ ingaje dɔngɔr le wase n̂-ddee kə marə tar kə̂ maji dang kə ye kə̂ ə-taaje dɔngɔr le a, aw ndikije tə̂ saa kə majɛ̂.

Galatəje 3:14

Baann bba karə tar kə̂ maji kə̂ Lubba bbar dɔ Abaraham tə̂ le ddee dɔ dəwje tə̂ kə̂ toje to Jiipije ang le ddəw tə̂ lə Jeju-Kristə. Ngaâ karə jingaje Ndil kə̂ Lubba unn ndue ta karə le ddəw mə-kunn tə̂.

Galatəje 3:3

Mbə ddi bba uta dɔse be wa? Nɛ̂n kə̂ unnje kute ddəw Ndil tə̂ le ə-ndikije ta tunga ddəw da-rɔ tə̂ wa?

Galatəje 3:5

Lubba kə̂ arəse Ndil ngaâ aw dda nɛ̂n-mɔrije horose tə̂ le aw dda mba Ndu lə Mɔyijə kə̂ aw ngəmje wase mba mə-kunn wa?

Ebərəje 2:4

Lubba njaa kara tɔju to tarje ləde le to tarje kə̂ tɔkɔrɔ, ddəw nɛ̂n-mɔrije tə̂ dang dang ddəm ddəw gusuje tə̂ lə Ndil-mə-nda kə̂ aw kayn dəwje tokə məɛ̂ ndiki ddəm.

Ebərəje 4:2

Mba ndu Lubba kə̂ unn ngaâ dila mbəre darə kajejedede le dila mbəre darəje tɔ. A Tar kə̂ Maji nəənn kə̂ dooje le dda marə nɛ̂n kâra rɔde tə̂ ang, mba dəwje kə̂ ooje tar le ooje nɛ̂n məde tə̂ ang ddəm.

Ebərəje 6:4

Marə dəwje, lo-karɛ lə Lubba dda arə kəmde uja, dingaje nɛ̂n-karə-baa kə̂ in darâ ngaâ dingaje Ndil-mə-nda.

1 Piyɛr 1:12

Lubba pa kə ddaka arə njê-kilaje mbər tar le to tarje le to mba dede njaa ang. Tarjeenn le toje mbase. Njê-kilaje mbər Tar kə̂ Maji â ilaje mbər tar nəənn le arəse bbasinɛn nəənn. N̂-paje tarɛ̂ darəse ddəw singa-mɔngu tə̂ lə Ndil-mə-nda kə̂ Lubba ulɛ̂ arə nin darâ n̂-ddee le. Anjəje kara ndikije ta gərə tar nəənn le tɔ.