Galatəje 3:19 - Dɔnɔn kə̂ Siki: Tar kə̂ aw arə təbbə

¹⁹ Yeenn a, Ndu to mba ddi bbay wa? Lubba arə Ndu to bba karə n-gərəje nɛ̂n nɛ̂nje kə̂ dəwje aw ddaje kə dɔgɔlɛ̂ ang, ndərəng ta nginan nɛ̂n ddee lə ngoka Abaraham kə̂ Lubba unn ndue ta karɛ̂ nɛ̂n le. Lubba ula anjəje kə Ndu le ddəw tə̂ lə marə nje-gɔl-tar.

Galatəje 3:19 ပူးပေါင်းရင်းမြစ်များ

Luku 16:31

Abaraham le pa arɛ̂ nan: ‹Bbo dooje ndu lə Mɔyijə kə tarje lə njê-kilaje mbər tar lə Lubba ang a, le marə dəw kə̂ oy ndol aw pa tar arəde njaa kara dâ kooje tar laa ang tɔ.› »

Tar kə̂ Maji kə̂ Jan dda makəturu tə̂ 1:17

Lubba arəje Ndu ləw ddəw tə̂ lə Mɔyijə, a mə-maji kə tar kə̂ tɔkɔrɔ ddeeje ddəw tə̂ lə Jeju-Kristə.

Tar kə̂ Maji kə̂ Jan dda makəturu tə̂ 15:22

Bbo m-ddee ang ngaâ m-pa tar marəde ang a, tar majang a to dɔde tə̂ ang. A bbasinɛn, nɛ̂n kə̂ dâ kunn kɔru nɛ̂n naji ləde goto ngaa.

Kulaje 7:38

Kar kə̂ dəwje kə̂ Ijarayɛl aw mbɔnje naan mə kɔr tə̂ le Mɔyijə tɔ â ar horo kajejedede tə̂ kə anjə kə̂ aw pa saa tar dɔ ddingiri tə̂ kə̂ Sinayi. Ne â ninga tarje kə̂ aw arə təbbə dəwje mba ndaji karəje.

Kulaje 7:53

Ingaje ndu kə̂ Lubba ula nɛ̂n anjəje kə majɛ̂, a ə-ddaje kula kə turu ndu le ang.»

Rɔmɛnje 2:13

Mba dəwje kə̂ ooje Ndu lə Mɔyijə kə mbide to koo baa toje gatə gatə kəm Lubba tə̂ ang. Njê kə̂ ddaje nɛ̂n kə turu Ndu le bba Lubba a karə n̂-ddeeje gatə gatə kəmɛ̂ tə̂.

Rɔmɛnje 4:15

Mba Ndu dda arə wungu dɔrɔ â aw ɔn Lubba. A lo kə̂ Ndu goto tə̂, nje-mbətə Ndu goto tə̂ tɔ.

Galatəje 3:16

Abaraham kə Ngokɛɛ̂ â Lubba unn ndue ta karəde nɛ̂nje. Makəturu lə Lubba pa nan: «Ngakɛɛ̂» ang. Lubba unn ndue le arə dəwje kə̂ banya ang. Makəturu le nan: «Ngokɛɛ̂.» Yeenn pa nan nunn ndue le narə dəw kâra baa kə̂ to Kristə.

Ebərəje 2:2

Mba ləw, tar kə̂ Lubba arə anjəje paje to baa ang, dəwje kə̂ aaje lo kə tar tə̂ le ang ngaâ ddaje nɛ̂n kə turu ndu tar le ang ingaje kunda kə dɔgɔlɛ̂ njaa.

Ebərəje 2:5

Duninya kə̂ bara kə̂ jaw pa tarɛ̂ nəənn le, anjəje â Lubba arəde singa mba kɔn dɔɛ̂ ang.