Galatəje 3:17 - Dɔnɔn kə̂ Siki: Tar kə̂ aw arə təbbə

¹⁷ Tar kə̂ m-ndiki ta pa â nəənn: Lubba dda makəturu nɛ̂n-ndubba kə dɔgɔlɛ̂ tokə kete mban. A Ndu lə Mɔyijə kə̂ tee bbal kɔr sɔ gire dɔmota goe tə̂ a kasə tuju makəturu kə̂ Lubba dda le ang. Bbo baann a, ndu Lubba kə̂ unn le a to nɛ̂n kə̂ baa.

Galatəje 3:17 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 1:17

Lubba arəje Ndu ləw ddəw tə̂ lə Mɔyijə, a mə-maji kə tar kə̂ tɔkɔrɔ ddeeje ddəw tə̂ lə Jeju-Kristə.

Kulaje 7:6

Lubba pa nan: ‹Ngakai a ddaje bbe nangə tə̂ kə̂ dang. Dâ kuwade bbərə tə̂ ngaâ dâ kula kəmde ndoo tə̂ bbal kɔr dɔsɔ.

Rɔmɛnje 3:25

Lubba unn Kristə le to nɛ̂n-polo. Yeenn bba ddəw koy tə̂ laa, narɛ̂ ddəw karə tar majang ɔru dɔ dəwje tə̂ kə̂ ooje məde tə̂ saa. Baann â Lubba tɔju nɛ̂n to n̂-nayn naw to gatə gatə kə ndɔ tɔyn. Ləw, n̂-to tokə baann, n̂-gangə sariya dɔde tə̂ mba majang ləde ang. N̂-tɔ wure. Bbokənɛn kara n̂-nayn naw to gatə gatə, mba n̂-ndiki ta nayn gatə gatə ddəm ta dda karə dəwje kə̂ ooje məde tə̂ kə Jeju ddeeje gatə gatə ddəm.

Rɔmɛnje 3:3

Tɔkɔrɔ njaa, marɛ̂je horode tə̂ ngəmje mə-kunn ləde ang. A yeenn â, a dda karə Lubba tusu nɛ̂n nɛ̂n kə̂ nunn ndue ta dda le ninya wa?

1 Kɔrɛntinyɛje 1:12

Nɛ̂n kə̂ mâ ta pa karəse â nəənn. Horose tə̂, marɛ̂ pa nan: «Əman m-to dəw lə Pɔl», marɛ̂ pa nan: «Əman m-to dəw lə Apolos», marɛ̂ pa nan: «Əman m-to dəw lə Piyɛr», marɛ̂ pa bbay nan: «Əman m-to dəw lə Kristə.»

1 Kɔrɛntinyɛje 1:17

Mba Kristə ulam karə m-dda dəwje batɛm ang. Nulam karə mila mbər Tar kə̂ Maji, a karə munn tar kəm-karɛ lə dəwje mila nɛ̂n mbər Tar kə̂ Maji le ang. Baann bba koy lə Kristə dɔ kakə-dəsə tə̂ a təl to nɛ̂n kə̂ baa ang.

1 Kɔrɛntinyɛje 10:19

Yeenn mâ ta pa nan ddi wa? Da kə̂ n̂-polo nɛ̂n kɔr to marə nɛ̂n wase kɔr to marə nɛ̂n wa?

1 Kɔrɛntinyɛje 7:29

Ngakɔnʼmje, m-pa marəse: Ndɔ nayn banya ang ngaa. Unn kute bbokənɛn, maji karə dingawje kə̂ taaje dɛnɛ̂n isije tokə n̂-taaje dɛnɛ̂n ang.

2 Kɔrɛntinyɛje 1:20

Ddəw tə̂ lə Jeju le â Lubba pa nan «An än» ta karə nɛ̂n je nɛ̂nje tɔyn kə̂ ne njaa nunn ndue ta karəje le. Ddəw tə̂ laa tɔ a, jeje kara n-pa nan «Amɛnn» jarə Lubba ta kɔsu nɛ̂n gajɛ̂.

2 Kɔrɛntinyɛje 9:6

Maji karə ə-gərəje: Dəw kə̂ dubbu nɛ̂n tɛn baa, a kuja nɛ̂n tɛn baa tɔ. A dəw kə̂ dubbu nɛ̂n nya, a kuja nɛ̂n nya tɔ.

Galatəje 3:15

Ngakɔnʼmje, junnje nɛ̂n-kɔju-marɛ̂ dɔ nɛ̂n-ddaje tə̂ lə dəwje. Bbo dəw gɔl makəturu nɛ̂n-ndubba laa kə dɔgɔlɛ̂ a, dəw a kasə tuju ang ddəm a kasə kila marə nɛ̂n dɔɛ̂ tə̂ ang ddəm.

Galatəje 3:21

Yeenn pa nan, Ndu lə Mɔyijə mbətə ndu-kunnje lə Lubba le wa? Baann ang. Mba bbo marə Ndu aw dda arə dəw aw isi kəm baa a, Ndu a dda karə dəw ddee gatə gatə kəm Lubba tə̂ tɔ.

Galatəje 5:16

Mba yeenn bba, m-pa marəse, arəje Ndil-mə-nda tɔjuse ddəw a, â ddaje nɛ̂n ddəw bbo tə̂ kə̂ da-rɔ tə̂ ang.

Galatəje 5:4

Sese kə̂ aw sangəje ta ddee gatə gatə kəm Lubba tə̂ ddəw Ndu tə̂ le ə-tinje naan kə Kristə mban. Mə-maji lə Lubba to mbase ang ngaa.

Epɛjinyɛje 2:12

Oleje məse to, dɔ ndɔɛ̂ tə̂ənn, ə-gərəje Kristə ang, â kasəje ta ddee to ngann njê-bbeje kə Ijarayɛlje ang. Nɛ̂nje kə̂ Lubba unn ndue ta karə dəwje kə̂ Ijarayɛl ddəw dɔnɔn tə̂ kə̂ nɔsu kə de kara oose ang. Nɛ̂n kə̂ undaje məse dɔɛ tə̂ kâra goto. Eeje kə Lubba dɔ nangə tə̂ nəənn ang.

Epɛjinyɛje 4:17

Mba yeenn bba, nɛ̂n kə̂ m-dujuse nya kə ri Əbbə-dəwje â nəənn: Dəwje kə̂ gərəje Lubba ang le arəje pa-nja ləse to tokə ləde ang. Kəjəje ləde aw aw kə de nɛ̂nje tə̂ kə̂ baa.

Kolosinyɛje 2:4

Maw pa tar nəənn bba karə dəw kâra ərəse kə tarje kə̂ tɛɛ̂ tə̂ kə̂ kura kura ang.

Ebərəje 11:13

Dəwjeenn le tɔyn naynje ddəw mə-kunn tə̂ ndərəng oyje nɛ̂n. A dingaje nɛ̂nje kə̂ Lubba unn ndue ta karəde le ang. N̂-naynje ddəw əw bba dooje ngaâ n̂-ddaje rɔ-nəəl mbɛɛ̂. N̂-paje kə tade to n̂-toje to njê-mbaje ddəm dəwje kə̂ aw ndayje to nday dɔ nangə tə̂ ddəm.

Ebərəje 7:18

Yeenn a, Ndu kə̂ ləw le ubba singa ang ddəm dda kula ang ddəm arə dɔru kə ddang.

1 Piyɛr 1:20

Lubba mbəre kete bba dda duninya ngaâ tɔjɛ̂ kə ddaka ddutu ndɔ tə̂ mba maji ləse.