Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Galatəje 2:9 - Dɔnɔn kə̂ Siki: Tar kə̂ aw arə təbbə

9 Jakə kə Piyɛr kə Jan kə̂ dəwje oojede to singa Egilisi le ooje mə-maji kə̂ Lubba dda səm le a, duwajeje əman kə Barnabas n̂-ddajeje lapiya ta tɔju to n̂-ddaje mə-kâra kə je. Yeenn bba joo ta naan ta karə jeje jaw kə rɔ dəwje tə̂ kə̂ toje to Jiipije ang. A dede, dawje kə rɔ Jiipije tə̂.

အခန်းကိုကြည့်ပါ။ ကော်ပီ




Galatəje 2:9
32 ပူးပေါင်းရင်းမြစ်များ  

A əman, m-pa mari: Ə-to Piyɛr. Ər nəənn le â mâ kɔsu Egilisi ləm dɔɛ tə̂. Yo a kasə kubba singa dɔ Egilisi tə̂ le ang.


Jeju ula Piyɛr kə Jan. N̂-pa narəde nan: «Awje aw ddaje muru Pakə arəje jaw jɔnje.»


Naw kə Simɔn le rɔ Jeju tə̂. Jeju aa Simɔn le ddekeke ngaâ pa arɛ̂ nan: «Ə-to Simɔn, ngonn lə Jan. Dâ bbari nan Sepas ngaa.» Gəl Sepas le nan: «Piyɛr.»


N̂-dda jia narəde karə n̂-paje tar ang ngaâ nɔru gəl gusu kə̂ Əbbə-dəwje ɔrɛ̂ nɛ̂n kə ddang kəy-kula tə̂ le. Ta kutu nɛ̂n dɔ tar laa a, n̂-pa nan: «Aw paje tar nəənn arəje Jakə kə kəsə njê-mə-kunnje.» Goe tə̂ a, nɔtu ngaâ nunn ddəw naw kə marə lo tə̂ dang.


N̂-paje tar n̂-tungaje a, Jakə pa nan: «Ngakɔnʼmje, ooje tar ləm.


N̂-maynje naan tar ngəng nya ngaâ Piyɛr in taar pa nan: «Ngakɔnʼmje, ə-gərəje to Lubba bbarəm horose tə̂ ləw baa karə m-pa Tar kə̂ Maji marə dəwje kə̂ toje to Jiipije ang, karə dooje tar le ngaâ dooje məde tə̂.


Marə dəw kə̂ ria nan Jojɛpə kə̂ njê-kaw-kulaje aw bbarɛ̂je nan Barnabas ee tə̂ənn. Ria le kandɛ̂ nan: «Nje-kula dingaw mə dəwje tə̂». N̂-to dəw kə̂ gəl Lebi tə̂, duje Sipərə.


Ddəw tə̂ lə Jeju le, Lubba dda səm mə-maji karə m-ddee to nje-kaw-kula, ta dda karə kəsə gəl-dəwje tɔyn ooje məde tə̂ saa ngaâ ta dooje tɛɛ̂ mba ri Kristə.


Lubba dda səm mə-maji nya. Mba yeenn bba, m-ndəjəse kâra kâra tɔyn karə ooje rɔse bo uta dɔɛ̂ ang. A, maji karə dəw oo rɔɛ̂ ngaji baa asə kəm mə-kunn kə̂ Lubba arə dəw kâra kâra.


Muwa rɔm to dingaw bba m-dda makəturu nəənn mba kole nɛ̂n məse dɔ nɛ̂nje tə̂ kə ə-ndoje mban. M-dda tokə baann, mba Lubba dda səm mə-maji


A ddəw mə-maji tə̂ lə Lubba â m-ddee tokə be nəənn. Mə-maji laa kə̂ n̂-dda səm le to baa njaa baann ang. M-dda kula nya muta kəsə njê-kaw-kulaje tɔyn. Əman njaa m-dda kula le dɔ singam tə̂ ang, mə-maji lə Lubba le â dda kula ddəw tə̂ ləm.


Məjə to njê-kaw-kulaje kə̂ ooje rɔde bo nya nəənn le utamje kə marə nɛ̂n kâra ang.


Ə-ddaje arə m-ddee tokə nje-wooy ngaa. Sese â to tar ləse ta pa tar ləm maji. Mba le m-to marə nɛ̂n ang kara, njê-kaw-kulaje kə̂ ooje rɔde to nutamje le, utamje kə̂ marə nɛ̂n kâra ang.


Dumanje kə je nya nya mba karə n-dda kə de mə-maji jarə dumanje dəwje lə Lubba.


Noo maji kəmɛ̂ tə̂ ta karə m-gərə Ngonnɛ̂ ngaâ karə mila mbər tar laa marə dəwje kə̂ toje to Jiipije ang. Karɛ̂ tə̂ənn le m-duju dəw ndəjə ang ddəm


Bbal mota goe tə̂ a, maw Jerujalɛm ta koo Piyɛr ta gəre ngaâ m-nayn saa ndɔ dɔku gire min.


Bbal dɔku gire sɔ goe tə̂ a, m-təl maw Jerujalɛm kə Barnabas. Maw kə Titə tɔ.


Maw nunn, mba Lubba â pa arəm karə maw. Lo tə̂ənn, mɔru gəl Tar kə̂ Maji kə̂ maw mila mbəre marə dəwje kə̂ toje to Jiipije ang le. Mɔru gəle marə tɔkəje kə̂ dɔ Egilisi tə̂ marə mbɔn-naan tə̂ kə̂ m-dda kə de dang tɔ. M-dda baann mba m-ndiki karə kulaje ləm kə̂ takənɛn kə yəje kə̂ bbokənɛn kara toje to kulaje kə̂ baa ang.


Bbo dəw kə̂ to marə nɛ̂n ang oo rɔɛ̂ bo nya a, ne njaa naw nərə rɔɛ̂.


Ə-toje tokə lə dəbbə ərje kə̂ dɔsu nɛ̂n kəy, kə̂ gɔl kəy le to njê-kaw-kulaje kə njê-kilaje mbər tar lə Lubba ngaâ Jeju-Kristə njaa to singa gɔl kəy kə̂ dungu nangə̂ le.


Əman, m-to tɛn baa nya horo dəwje tə̂ lə Lubba tɔyn. A n̂-dda səm mə-maji karə mila mbər tar lə Kristə, kə̂ to nɛ̂n-kinga kə̂ uta nɛ̂n-kingaje tɔyn marə dəwje kə̂ toje to Jiipije ang.


Mba yeenn bba maw dda kula ddəm maw dda ddɔ ddəm ddəw singa tə̂ kə̂ Kristə arəm ngaâ aw dda kula rɔm tə̂ ngəng nya.


A bbo m-ddee kə tɔkɛ̂ ang a, ndəjəje kə̂ mari nəənn a kari ddəw karə ə-gərə ddəw kə̂ â nja nɛ̂n horo dəwje tə̂ lə Lubba. Dəwje lə Lubba le to Egilisi lə Lubba kə̂ to Nje-kisi kəm baa. Egilisi le aw uwa tar kə̂ tɔkɔrɔ arə ngəng.


Nɛ̂n kə̂ joo kə kəmje ddəm kə mbije ddəm le, jaw pa jarəse tɔ, karə sese kara ə-ddaje mə-kâra kə je. Mə-kâra ləje to mə-kâra kə̂ to horoje tə̂ kə Bɔ ddəm to horoje tə̂ kə Ngonnɛ̂ Jeju-Kristə ddəm.


Dəw kə̂ tətə ddɔ a, mâ ddɛɛ̂ to kakə gaji mə kəy-polo Lubba tə̂ ləm ngaâ nâ tee ddaka ndɔ kâra ang ngaa. Mâ dda ri Lubba ləm kə ri bbe lə Lubba ləm dɔɛ̂ tə̂. Ri bbe lə Lubba ləm le nan «Jerujalɛm kə̂ siki» kə̂ in rɔ Lubba tə̂ ləm darâ ddisi kə nangə̂. Mâ kunda rim kə̂ siki dɔɛ̂ tə̂ tɔ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ