Galatəje 2:8 - Dɔnɔn kə̂ Siki: Tar kə̂ aw arə təbbə

⁸ Mba Lubba kə̂ dda Piyɛr to nje-kaw-kula lə Jiipije le ddam to nje-kaw-kula lə dəwje kə̂ toje to Jiipije ang tɔ.

Galatəje 2:8 ပူးပေါင်းရင်းမြစ်များ

Kulaje 1:25

karə n̂-dda kula lə njê-kaw-kulaje turu Judas tə̂ kə̂ tusu kula le inya a, aw lo tə̂ laa kə̂ asɛ̂ le.»

Kulaje 1:8

A, â kingaje singa-mɔngu ddəw tə̂ lə Ndil-mə-nda kə̂ a ddee dɔse tə̂. Ngaâ â təlje to njê-tar-najije ləm mə bbe tə̂ kə̂ Jerujalɛm, dɔ nangə Jude tə̂ tɔyn, dɔ nangə Samari tə̂, ndərəng kɔyn nangə tə̂ tɔyn.»

Kulaje 15:12

Dəwje tɔyn kə̂ mbɔnje naan le isije ddekeke ngaâ tukaje mbide ooje nɛ̂n tar kə̂ Barnabas de kə Pɔl daw paje dɔ nɛ̂n-mɔrije tə̂ kə nɛ̂nje kə̂ dumje dɔ koo tə̂ kə̂ Lubba dda ddəw tə̂ ləde horo dəwje tə̂ kə̂ toje to Jiipije ang le.

Kulaje 19:26

A sese njaa ooje kə kəmse ddəm ooje kə mbise ddəm nan Pɔl mbɔn dəwje pa arəde nan kɔrje kə̂ n-dda kə jije to lubbaje ang ngaâ dəwje nya nya ndikije tə̂ saa. Tarje nəənn taa dɔ nangə kə̂ Aji tɔyn bbo Epɛjə kâra baa ang.

Kulaje 21:19

Pɔl ddade lapiya ngaâ ɔru gəl nɛ̂n kə̂ Lubba dda ddəw tə̂ laa horo dəwje tə̂ kə̂ toje to Jiipije ang kâra kâra arəde.

Kulaje 22:21

A Əbbə-dəwje le pa arəm nan: ‹Aw, mba mâ kulai ddəw əw horo dəwje tə̂ kə̂ toje to Jiipije ang.› »

Kulaje 4:4

A marə dəwje tokə banya horo dəwje tə̂ kə̂ tuka mbide ooje nɛ̂n tar lə Lubba le ooje məde tə̂ arə kɔr njê-mə-kunnje asə nɛ̂n kə̂ doro min.

Kulaje 8:17

Yeenn bba, Piyɛr de kə Jan dilaje jide dɔde tə̂ darə dingaje Ndil-mə-nda.

Kulaje 9:15

A Əbbə-dəwje pa nan: «Aw, mba dəw le to dəw kə̂ mundɛ̂ dang karə n̂-dda narə dəwje kə̂ toje to Jiipije ang kə tɔkə mbayje ləde kə ngann Ijarayɛlje gərəje rim.

1 Kɔrɛntinyɛje 15:10

A ddəw mə-maji tə̂ lə Lubba â m-ddee tokə be nəənn. Mə-maji laa kə̂ n̂-dda səm le to baa njaa baann ang. M-dda kula nya muta kəsə njê-kaw-kulaje tɔyn. Əman njaa m-dda kula le dɔ singam tə̂ ang, mə-maji lə Lubba le â dda kula ddəw tə̂ ləm.

1 Kɔrɛntinyɛje 9:2

Bbo marə dəwje oomje to nje-kaw-kula ang kara, kə̂ kəmse tə̂, m-to nje-kaw-kula ləse, mba ə-toje to əndaji kula ləm kə̂ m-dda nɔn gɔl Əbbə-dəwje tə̂.

Galatəje 3:5

Lubba kə̂ arəse Ndil ngaâ aw dda nɛ̂n-mɔrije horose tə̂ le aw dda mba Ndu lə Mɔyijə kə̂ aw ngəmje wase mba mə-kunn wa?

Kolosinyɛje 1:29

Mba yeenn bba maw dda kula ddəm maw dda ddɔ ddəm ddəw singa tə̂ kə̂ Kristə arəm ngaâ aw dda kula rɔm tə̂ ngəng nya.

1 Tesalonisinyɛje 2:13

Jaw jarə wooyo Lubba kə ndɔ tɔyn mba kar kə̂ jila mbər tar lə Lubba jarəse le, ooje ngaâ ə-taaje to tar lə Lubba njaa, bbo to tar lə dəwje ang. Tar le aw dda kula məse tə̂, see njê-mə-kunnje.