Galatəje 2:7 - Dɔnɔn kə̂ Siki: Tar kə̂ aw arə təbbə

⁷ A dooje a, n̂-gərəje to Lubba inya Tar kə̂ Maji le jim tə̂ karə mila mbəre marə dəwje kə̂ ujaje ganja ang, tokə ninya ji Piyɛr tə̂ karə ila mbəre arə dəwje kə̂ ujaje ganja le.

Galatəje 2:7 ပူးပေါင်းရင်းမြစ်များ

Kulaje 15:12

Dəwje tɔyn kə̂ mbɔnje naan le isije ddekeke ngaâ tukaje mbide ooje nɛ̂n tar kə̂ Barnabas de kə Pɔl daw paje dɔ nɛ̂n-mɔrije tə̂ kə nɛ̂nje kə̂ dumje dɔ koo tə̂ kə̂ Lubba dda ddəw tə̂ ləde horo dəwje tə̂ kə̂ toje to Jiipije ang le.

Kulaje 18:6

A Jiipije mbətəje tar laa ngaâ daw tajɛ̂je. Yeenn bba, Pɔl le tunda bum kə̂ kubbu tə̂ laa ngaâ pa arəde nan: «Məsəse təl kə dɔse tə̂, tarɛ̂ a kuwa dɔm ang. Bbasinɛn nəənn mâ kaw kə rɔ dəwje tə̂ kə̂ toje to Jiipije ang ngaa.»

Kulaje 28:28

Pɔl pa arəde bbay nan: «Maji karə ə-gərəje to Lubba ula kə tar kaji nəənn arə dəwje kə̂ toje to Jiipije ang. Dede dâ ndikije tar tə̂ le.» [

Kulaje 9:15

A Əbbə-dəwje pa nan: «Aw, mba dəw le to dəw kə̂ mundɛ̂ dang karə n̂-dda narə dəwje kə̂ toje to Jiipije ang kə tɔkə mbayje ləde kə ngann Ijarayɛlje gərəje rim.

Rɔmɛnje 1:5

Ddəw tə̂ lə Jeju le, Lubba dda səm mə-maji karə m-ddee to nje-kaw-kula, ta dda karə kəsə gəl-dəwje tɔyn ooje məde tə̂ saa ngaâ ta dooje tɛɛ̂ mba ri Kristə.

Rɔmɛnje 11:13

Tar kə̂ mâ ta pa karəse nəənn to mba sese kə̂ ə-toje to Jiipije ang. Mba əman le njaa m-to nje-kaw-kula lə dəwje kə̂ toje to Jiipije ang. Mba yeenn bba mɔsu gaji kula ləm le nya,

1 Kɔrɛntinyɛje 9:17

Bbo əman njaa m-dda kula le kə dɔm baa a, asə karə minga kuka ləm. A to kula kə̂ darəm kə singa arə maw dda to kula kə̂ dinya to kinya jim tə̂.

Galatəje 1:16

Noo maji kəmɛ̂ tə̂ ta karə m-gərə Ngonnɛ̂ ngaâ karə mila mbər tar laa marə dəwje kə̂ toje to Jiipije ang. Karɛ̂ tə̂ənn le m-duju dəw ndəjə ang ddəm

Galatəje 1:18

Bbal mota goe tə̂ a, maw Jerujalɛm ta koo Piyɛr ta gəre ngaâ m-nayn saa ndɔ dɔku gire min.

Galatəje 1:6

Nɛ̂n kə̂ ə-ddaje le məjə pin. Lubba kə̂ bbarse ddəw mə-maji tə̂ lə Kristə le â ə-tuseje njangə baa inyɛ̂je a unnje go marə Tar kə̂ Maji kə̂ dang wa?

Galatəje 2:11

A kar kə̂ Piyɛr ddee Antiyos a, min saa kəm dəwje tə̂ tɔyn, mba n̂-dda nɛ̂n kə dɔgɔlɛ̂ ang.

Galatəje 2:14

Moo a, daw njaje ddəw tar tə̂ kə̂ tɔkɔrɔ kə̂ Tar kə̂ Maji pa le ang. Mba yeenn bba, m-pa marə Piyɛr kəm dəwje tə̂ tɔyn m-pa nan: «Bbo əi kə̂ ə-to Jiipi, kisi ləi to tokə dəwje kə̂ toje to Jiipije ang a, â kuwa dəwje kə̂ toje to Jiipije ang le kə singa karə n̂-ddaje nɛ̂n tokə lə Jiipije tokə baânn wa?»

Galatəje 2:9

Jakə kə Piyɛr kə Jan kə̂ dəwje oojede to singa Egilisi le ooje mə-maji kə̂ Lubba dda səm le a, duwajeje əman kə Barnabas n̂-ddajeje lapiya ta tɔju to n̂-ddaje mə-kâra kə je. Yeenn bba joo ta naan ta karə jeje jaw kə rɔ dəwje tə̂ kə̂ toje to Jiipije ang. A dede, dawje kə rɔ Jiipije tə̂.

1 Tesalonisinyɛje 2:4

A Lubba nanje oo bba inya Tar kə̂ Maji laa le mə jije tə̂. Yeenn bba jaw pa tar lə Lubba mba nəəl nɛ̂n kəm dəwje tə̂ ang. Jaw pa mba nəəl nɛ̂n kəm Lubba tə̂ kə̂ aw nan məje.

1 Timɔte 1:11

Nɛ̂n-tɔju kə̂ tɔkɔrɔ le to mə Tar kə̂ Maji tə̂, Tar kə̂ Maji le arəje ddəw karə n-gərə Lubba kə̂ piti to laa. Lubba kə̂ ndiki ta karə jisi kə majɛ̂ le njaa inya Tar kə̂ Maji le jim tə̂.

1 Timɔte 2:7

Mba yeenn bba, Lubba undam to nje-tɔju tar kə nje-kaw-kula karə m-tɔju dəwje kə̂ toje to Jiipije ang, tar mə-kunn kə tar kə̂ tɔkɔrɔ. Tar kə̂ tɔkɔrɔ â maw pa nəənn bbo maw mərə ngəm ang.

2 Timɔte 1:11

Mba yeenn bba Lubba unnum to Nje-nɛ̂n-tɔju ddəm to nje-kaw-kula ddəm karə mila mbər Tar kə̂ Maji le.

2 Piyɛr 3:15

Maji karə ə-gərəje to tɔ kə̂ Əbbəjeje aw tɔ wure le to mba karə ingaje nɛ̂n kaji. Tar nəənn le â ngokɔnje Pɔl kə̂ n-ndike nya dda makəturu tə̂ arəse ddəw kəm-karɛ tə̂ kə̂ Lubba arɛ̂.