Galatəje 2:4 - Dɔnɔn kə̂ Siki: Tar kə̂ aw arə təbbə

⁴ A marə ngakɔnje kə̂ tɔkɔrɔ ang dujuje karə nuja ganja bba. To dede kə̂ dandəje horoje tə̂ hɔy baa. N̂-ddeeje horoje tə̂ ta tənn kisi ləje go bbərə tə̂ kə̂ n-tee kɔɛ tə̂ kə ddang ddəw tə̂ lə Jeju-Kristə le koo. N̂-ndikije ta təl kə je kɔ bbərə tə̂ le guku.

Galatəje 2:4 ပူးပေါင်းရင်းမြစ်များ

Luku 5:38

To maji ta kungu bɛn kə̂ n̂-dda siki bbay mə ku-əndaar tə̂ kə̂ siki tɔ.

Kulaje 15:1

Marə dəwje inje Jude ddeeje Antiyos nangə tə̂ kə̂ Siri. N̂-tɔjuje nɛ̂n njê-mə-kunnje kə̂ Antiyos le nan: «Bbo ujaje ganja tokə Ndu lə Mɔyijə pa ang a, â kasəje ta kinga kaji ang.»

Kulaje 15:24

Joo nan marə dəwje ləje kə̂ inje horoje tə̂ kə̂ jarəde ndu ang ddəm aw tujuje kəjə ləse arə aw jɔkuse.

Kulaje 20:30

Marə njê-ngəmje a kinje horose tə̂ njaa ta dda karə marə njê-mə-kunnje unnje gode.

Rɔmɛnje 8:15

Mba Ndil kə̂ Lubba arəse le to Ndil kə̂ aw ddase bbərə tə̂ ang ddəm aw ula bbəəl məse tə̂ ang ddəm. To Ndil-mə-nda kə̂ ddase to ngannje lə Lubba ngaâ arəje ddəw karə juru əkii kə rɔ Lubba tə̂ nan: «Aba! Bɔy!»

2 Kɔrɛntinyɛje 11:13

Dede, n̂-toje to njê-kaw-kulaje kə̂ tɔkɔrɔ ang. N̂-toje to njê-ngəmje kə̂ ddaje rɔde to njê-kaw-kulaje lə Kristə.

2 Kɔrɛntinyɛje 11:17

Tar kə̂ m-pa nəənn, Əbbə-dəwje â ndiki karə m-pa ang. M-pa tokə dəw kə̂ wooy ddɛɛ̂, mba m-gərə to mâ kinga marə nɛ̂n ta kunda nɛ̂n gum.

2 Kɔrɛntinyɛje 11:20

Aw ə-tɔje wurse arəje daw ddase to bbərəje, daw taaje nɛ̂nje ləse baa, daw bbokose, daw doose to dəwje ang ngaâ daw tundaje kəmse!

2 Kɔrɛntinyɛje 11:26

Njaje tə̂ ləm kə̂ maw nja, nɛ̂n-singaje ingam: Baje a ta kuwam. Njê-bbokoje, ngakɔm Jiipije kə dəwje kə̂ toje to Jiipije ang a ta tɔləmje. Nɛ̂n-singaje ingamje mə tɔkə bbeje tə̂, mə kɔr tə̂, dɔ ba-katəje tə̂, ngakɔnʼmje kə̂ tɔkɔrɔ ang aw ddaje səm singa.

2 Kɔrɛntinyɛje 3:17

Mba Əbbə-dəwje to Ndil. Lo kə̂ Ndil lə Əbbə-dəwje to tə̂ a, dəw dda bbərə tə̂ ang ngaa.

Galatəje 1:7

To marə Tar kə̂ Maji kə̂ dang bba to ang. Marə dəwje â aw turuje dɔse ngaâ ndikije ta turu Tar kə̂ Maji lə Kristə le.

Galatəje 4:25

Mba Agar to ddingiri kə̂ Sinayi kə̂ to nangə tə̂ kə̂ Arabi. Agar le to tokə Jerujalɛm kə̂ bbokənɛn nəənn kə̂ to bbərə ddəm dəwje kə̂ məɛ tə̂ tɔyn ddəm.

Galatəje 4:3

Jeje kara, ləw nayn tokə ngannje, n-toje to bbərəje lə kəjəje kə̂ duninya tə̂ nəənn.

Galatəje 5:1

Kristə ɔruje kɔ bbərə tə̂ karə jisi to bbərəje ang ngaa. Yeenn a, uwaje arə ngəng bbo arəje n̂-təl kə se kɔ bbərə tə̂ ang.

Galatəje 5:10

A Əbbə-dəwje dda arə munda məm dɔse tə̂ to â kəjəje marə tar dang ang. A dəw kə̂ aw turu dɔse le n̂-to nân njaa kara, sariya lə Lubba a to dɔɛ̂ tə̂.

2 Timɔte 3:6

Marɛ̂je horode tə̂ aw andəje mə kəyje tə̂ ngaâ aw ingaje ddəw lə dɛnɛ̂nje kə̂ kəjə ləde sangə ang ngaâ ddaje arə dosoje bandə tə̂ ləde, to dɛnɛ̂nje kə̂ toje to njê-nɛ̂n-ddaje kə̂ maji ang ngaâ bbo nɛ̂nje kə̂ maji ang dang dang to məde tə̂.

Jakə 1:25

A dəw kə̂ unda məɛ̂ ta kuru gəl ndu kə̂ maji tɔyn kə̂ aw ɔru dəw kɔ bbərə tə̂, bbo n̂-nayn ddəwe tə̂, noo tar le a, narə məɛ̂ oy dɔɛ̂ ang ngaâ n̂-dda nɛ̂n kula a, nâ kisi kə rɔ-nəəl mə kula tə̂ laa kə̂ naw dda.

1 Piyɛr 2:16

Maji karə ə-ddaje nɛ̂n tokə dəwje kə̂ teeje kɔ bbərə tə̂ mban, a maji karə tee kə̂ ə-teeje kɔ bbərə tə̂ le təl to marə nɛ̂n kə̂ ta kɔnn nɛ̂n dɔ majang ang. Maji karə ə-ddaje nɛ̂n tokə bbərəje lə Lubba ngaa.

2 Piyɛr 2:19

ngaâ dunnje ndude darə dəwje le nan, dâ kɔrujede kɔ bbərə tə̂. A dede njaa kara n̂-toje to bbərəje lə bboje kə̂ da-rɔ tə̂ kə̂ aw tuju dəwje. Mba dəw kâra kâra to bbərə lə nɛ̂n kə̂ bboe uta dɔɛ̂.

1 Jan 4:1

Ngakɔnʼmje kə̂ m-dikise, bbo dəw pa nan Ndil-mə-nda to rɔɛ̂ tə̂ a, ooje məse tə̂ kə tar laa le kə ngɔru ang. Maji karə ə-nanje dəw le ooje se ndil kə̂ to məɛ̂ tə̂ to Ndil lə Lubba njaa wa bba. Mba njê-kilaje mbər tar kə̂ tɔkɔrɔ ang banyaje dɔ nangə tə̂ nya.

Judə 1:4

Mba, marə dəwje kə̂ maji ang andəje horose tə̂ kə go ngəyn. Daw turuje mə tar mə-maji lə Lubba ləje mba kɔnn nɛ̂n dɔ nɛ̂n-ddaje kə̂ maji ang ləde. N̂-mbətəje Mbay ləje kə̂ kâra baa kə̂ to Əbbəjeje Jeju-Kristə le. Ləw baa, Makəturu lə Lubba pa tar sariya kə̂ dâ gangə dɔde tə̂.