Galatəje 2:20 - Dɔnɔn kə̂ Siki: Tar kə̂ aw arə təbbə

²⁰ To əman â misi kəm baa ang ngaa, to Kristə â isi kəm baa mə da-rɔm tə̂. Mba, kisi ləm kəm baa mə da-rɔ tə̂ bbokənɛn nəənn, misi kəm baa mba məm kə̂ munn marə Ngonn lə Lubba kə̂ ndikim ngaâ unn rɔɛ̂ arə yo mbam.

Galatəje 2:20 ပူးပေါင်းရင်းမြစ်များ

Matiye 20:28

Ddəw kâra baa, Ngonn lə dəw ddee karə dəwje ddaje kula arɛ̂ ang. N̂-ddee ta dda kula karə dəwje, ta kunn rɔɛ̂ to nɛ̂n-kuka dɔ dəwje tokə banya.»

Matiye 4:3

Əsu ddee ngɔsi saa ngaâ pa nan: «Bbo ə-to Ngonn lə Lubba a, unn ndu arə ərje nəənn təlje nɛ̂n-kusa.»

Tar kə̂ Maji kə̂ Jan dda makəturu tə̂ 1:49

Yeenn ngaâ Natanayɛl le pa arɛ̂ nan: «Nje-nɛ̂n-tɔju, ə-to Ngonn lə Lubba, ə-to tɔkə mbay kə̂ Ijarayɛl.»

Tar kə̂ Maji kə̂ Jan dda makəturu tə̂ 10:11

«Əman, m-to nje-ngəm nɛ̂n-kuulje kə̂ maji. Nje-ngəm nɛ̂n-kuulje kə̂ maji ila rɔɛ̂ kɔrɔ̂ mba batəje laa.

Tar kə̂ Maji kə̂ Jan dda makəturu tə̂ 15:13

Bbo dəw unn təbbə laa arə mba dəwje kə̂ n̂-ndikide a, ndiki kə̂ uta yeenn goto.

Tar kə̂ Maji kə̂ Jan dda makəturu tə̂ 17:21

M-duji karə dede tɔyn n̂-ddeeje to dəwje kə̂ kâra baa. Bɔy, maji karə n̂-ddaje mə-kâra kə je, ddəw kâra baa tokə əi ə-dda mə-kâra səm ngaâ əman m-dda mə-kâra səi le. Maji karə n̂-ddeeje to dəwje kə̂ kâra baa ddəw mə-kâra tə̂ kə̂ n̂-ddaje kə je, bba karə dəwje kə̂ duninya tə̂ gərəje to əi â ulam.

Tar kə̂ Maji kə̂ Jan dda makəturu tə̂ 3:16

«Mba Lubba ndiki duninya nya. Yeenn bba nunn Ngonnɛ̂ kə̂ kâra baa narə, karə dəwje tɔyn kə̂ ooje məde tə̂ saa naynje kə kɔrɔ̂ ang, a dingaje təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 3:35

«Bɔ ndiki Ngonn arə ninya nɛ̂n tɔyn jia tə̂.

Tar kə̂ Maji kə̂ Jan dda makəturu tə̂ 6:57

Bɔ kə̂ ulam le to nje-təbbə. Ne â narə misi kə təbbə. Ddəw kâra baa, dəw kə̂ usa taal-rɔm a, mâ karə isi kə təbbə.

Tar kə̂ Maji kə̂ Jan dda makəturu tə̂ 6:69

Ngaâ, jeje joo məje tə̂. N-gərə to əi, ə-to dəw kə̂ maji tɔyn kə̂ Lubba â ulai.»

Kulaje 8:36

Daw dawje bbay a, n̂-teeje ta marə maann tə̂ ngaâ enuku le pa nan: «Maann â nəənn, a ddi bba ɔku ddəw karə minga batɛm wa?» [

Kulaje 9:20

ngaâ njangə baa a, Sɔl aw ila mbər kəy mbɔn-naanje tə̂ lə Jiipije pa nan Jeju to Ngonn lə Lubba.

Rɔmɛnje 1:17

Tar kə̂ Maji le tɔju ddəw kə̂ Lubba aw dda arə dəwje aw ddeeje nɛ̂n gatə gatə kəmɛ̂ tə̂ kə ddaka: Ddəw mə-kunn tə̂ kâra baa, kunn-kutu nɛ̂n tə̂ ndərəng kɔnyɛ̂ tə̂. Ddəw kâra baa tokə makəturu lə Lubba pa nan: «Dəw kə̂ ddee gatə gatə ddəw mə-kunn tə̂ a kisi kə təbbə.»

Rɔmɛnje 14:7

Dəw kâra horoje tə̂ aw isi kəm baa mba tar laa njaa ang ddəm dəw kâra aw oy mba tar laa njaa ang ddəm.

Rɔmɛnje 3:22

Lubba dda arə dəwje ddeeje gatə gatə kəmɛ̂ tə̂ mba məde kə̂ dunnje darə Jeju-Kristə. N̂-dda baann mba dəwje tɔyn kə̂ unnje məde arə Kristə, mba Lubba ɔru kəm dəw ang.

Rɔmɛnje 4:25

Jeju le, dilɛ̂ ji dəwje tə̂ darə n̂-tɔlɛ̂je mba majang ləje ngaâ Lubba arə n̂-ndol bba karə Lubba oo nɛ̂n je to dəwje kə̂ gatə gatə.

Rɔmɛnje 5:2

Ddəw tə̂ lə Jeju kə̂ junnje məje jarɛ̂ le â Lubba dda nɛ̂n kə je mə-maji ngaâ n-naynje ddəwe tə̂. Yeenn bba, jaw ddaje rɔ-nəəl, mba jundaje məje to jeje kara ja kingaje piti lə Lubba.

Rɔmɛnje 5:6

Tɔkɔrɔ, ləw kə̂ ddəw goto bbay le, kar kə̂ Lubba ɔju asə a, Kristə oy mba njê-nɛ̂n-ddaje kə̂ maji ang.

Rɔmɛnje 5:8

A Lubba tɔjuje ndiki kə̂ n̂-ndikije tokə be: Kar tə̂ kə̂ n-naynje mə nɛ̂n-ddaje tə̂ kə̂ maji ang bbay le, Kristə oy mba tar ləje.

Rɔmɛnje 6:13

Unnje dəbbə rɔse kâra ilaje majang tə̂ ang ngaa, mba a təl to nɛ̂n-dda kula kə̂ gatə gatə ang. A unnje rɔse arəje Lubba tokə dəwje kə̂ oyje bba ndolje. Unnje rɔse tɔyn ilaje kula tə̂ lə Lubba karə rɔse le təl to nɛ̂n kə̂ ta dda nɛ̂n kula kə̂ gatə gatə.

Rɔmɛnje 6:8

A joyje kə Kristə mban arə n-gərəje to ja kisije kəm baa saa tɔ.

Rɔmɛnje 8:10

Bbo Kristə to məse tə̂ a, tɔkɔrɔ da-rɔse a koy mba majang. A Lubba arə ə-ddeeje to dəwje kə̂ gatə gatə kəmɛ̂ tə̂. Mba yeenn bba, Ndil-mə-nda arəse təbbə.

Rɔmɛnje 8:37

A mə nɛ̂nje tə̂ənn tɔyn n-tətə ddɔ ddəw tə̂ lə Jeju kə̂ ndikije le.

1 Kɔrɛntinyɛje 6:17

A dəw kə̂ dda mə-kâra kə Əbbə-dəwje, ne, de saa n̂-ddeeje to ndil kə̂ kâra baa.

2 Kɔrɛntinyɛje 1:24

To kɔn bba jaw jɔn dɔse ddəw mə-kunn tə̂ ləse ang. Uwaje mə-kunn ləse arəje ngəng mban. Yeenn bba n-ndiki ta karə jeje ddəm sese ddəm n-ddaje kula kə naan jarə rɔse nəəlse.

2 Kɔrɛntinyɛje 10:3

N-toje to dəwje ddəw da-rɔ tə̂ njaa, a jaw ddaje ddɔ ddəw da-rɔ tə̂ ang.

2 Kɔrɛntinyɛje 11:10

Ddəw tar tə̂ kə̂ tɔkɔrɔ lə Kristə kə̂ to məm tə̂ le, m-pa nan: Dəw kâra a kɔkəm ddəw karə munda gum kə tar nəənn nangə tə̂ kə̂ Akay ang.

2 Kɔrɛntinyɛje 13:3

mba aw sangəje nɛ̂n kə̂ tɔju to Kristə njaa unda tar tam tə̂ arə maw pa. Bbo Kristə aw dda nɛ̂n mba tar ləse a, singɛ̂ to kə ndɔ tɔyn. Naw tɔju singa-mɔngu laa horose tə̂.

2 Kɔrɛntinyɛje 13:5

Maji karə sese njaa ə-tənnje rɔse ooje se ə-naynje ddəw mə-kunn tə̂ ləse wa? Ə-gərəje kə majɛ̂ to Jeju-Kristə to məse tə̂ ang wa? Baann ang a, yeenn tɔju to rɔse kə̂ ə-tənnje le tɔjuse to ə-naynje ddəw mə-kunn tə̂ ləse ang.

2 Kɔrɛntinyɛje 5:14

Mba n-gərə to Kristə ndikije nya, jeje kə̂ n-gərə to dəw kâra baa kə̂ to Kristə le oy mba dəwje tɔyn, yeenn a, dəwje tɔyn oyje tɔ.

2 Kɔrɛntinyɛje 5:15

Noy mba dəwje tɔyn bba karə dəwje kə̂ isije kəm baa, isije kəm baa mba tar ləde njaa ang, a disije kəm baa mba dəw kə̂ oy ngaâ ndol mbade.

2 Kɔrɛntinyɛje 5:7

Mba mə-kunn â jaw nja ddəwe tə̂ bbo ddəw kəmje tə̂ kə̂ aw oo lo ang.

Galatəje 1:4

Jeju njaa unn rɔɛ̂ arə yo mba majangje ləje, mba tee nɛ̂n kə je mə karje tə̂ kə̂ maji ang nəənn kə ddang, tokə ye kə̂ mə Lubba kə̂ to Bɔjeje ndiki.

Galatəje 2:16

N-gərə to dəw ddee gatə gatə kəm Lubba tə̂ ddəw məɛ̂ tə̂ kə̂ nunn narə Jeju-Kristə, bbo ddəw ngəm Ndu tə̂ ang. Mba yeenn bba, jeje njaa kara junn məje jarə Jeju-Kristə ta ddee to dəwje kə̂ gatə gatə kəm Lubba tə̂, ddəw mə-kunn tə̂ bbo ddəw ngəm Ndu tə̂ ang. Mba, dəw a kasə ddee gatə gatə kəm Lubba tə̂ ddəw ngəm Ndu tə̂ ang.

Galatəje 3:11

Tɔkɔrɔ njaa, dəw a kasə ddee gatə gatə kəm Lubba tə̂ ddəw ngəm Ndu tə̂ ang. Mba Makəturu lə Lubba pa nan: «Dəw kə̂ ddee gatə gatə ddəw mə-kunn tə̂ a kisi kə təbbə.»

Galatəje 5:24

Dəwje kə̂ toje to ənga Jeju-Kristə ddaje arə bboje kə̂ da-rɔde tə̂ oy kakə-dəsə tə̂ mban.

Galatəje 6:14

A əman, bbayɛ̂ njaa koy lə Əbbəjeje Jeju-Kristə kakə-dəsə tə̂ njaa mâ kunda nɛ̂n gum. Ddəw koy tə̂ laa le moo nɛ̂nje kə̂ duninya tə̂ nəənn tokə nɛ̂nje kə̂ oy ngaâ nɛ̂nje kə̂ duninya tə̂ oomje tokə dəw kə̂ oy tɔ.

Epɛjinyɛje 3:17

M-duje karə narə Kristə dda bbe məse tə̂ ddəw mə-kunn tə̂ le, karə ndiki naan ləse dda arə ubbaje singa tokə lə kakə kə̂ ngirɛ̂ ungu nangə̂ arə kətərə ddəm tokə kəy kə̂ gɔlɛ̂ uwa nangə kə majɛ̂ ddəm.

Epɛjinyɛje 5:2

Ə-ndikije njê-marəse tokə Kristə ndikije ngaâ unn təbbə laa arə Lubba to nɛ̂n-karə-baa ddəm to nɛ̂n-polo kə̂ tokə dukann kə̂ ətə maji ddəm.

Epɛjinyɛje 5:25

Dingawje, maji karə ə-ndikije dɛnɛ̂nje ləse tokə Kristə ndiki Egilisi, ndərəng arə təbbə laa mbɛɛ̂.

Pilipinyɛje 1:21

Mba kə̂ kəjə tə̂ ləm, kisi kə təbbə to Kristə, a koy to kinga nɛ̂n.

Pilipinyɛje 4:13

Masə ta dda nɛ̂n tɔyn ddəw tə̂ lə Kristə kə̂ aw arəm singa.

Kolosinyɛje 1:27

N̂-ndiki ta dda bba karə dəwje laa le gərəje nɛ̂n kə̂ n̂-ngəm lo-kiyɛ̂ tə̂ le kə̂ to nɛ̂n-piti ddəm nɛ̂n-kinga ddəm horo dəwje tə̂ tɔyn. Nɛ̂n kə̂ n̂-ngəm lo-kiyɛ̂ tə̂ le â nəənn: Kristə kə̂ to məse tə̂ le, asəje ta kunda məse to â kingaje piti lə Lubba tɔ.

1 Tesalonisinyɛje 1:10

ngaâ aw nginanje Ngonnɛ̂ Jeju kə̂ oy, a n̂-ndole, ne kə̂ nâ kin darâ ta ddee. Ne ngonnɛ̂ kə̂ nɔruje ta wungu tə̂ lə Lubba kə̂ aw ddee le.

1 Tesalonisinyɛje 5:10

Kristə le oy mba tar ləje bba karə, le jisije kəm baa wase joyje njaa kara, jisije kəm baa saa ndɔ tə̂ kə̂ nâ ddee.

Titə 2:14

Nunn rɔɛ̂ njaa narə yo mbaje, mba kɔruje mə majang tə̂ ngaâ ta toko nɛ̂n-yərəw ləje karə n-toje to dəwje laa njaa ddəm karə n-toje to dəwje kə̂ bbo dda kulaje kə̂ maji to məde tə̂ nya ddəm.

Ebərəje 8:3

Tɔkə njê-poloje Lubba tɔyn dundade karə dunnje nɛ̂n-karə-baa ddəm nɛ̂n-polo ddəm darəje Lubba. Mba yeenn bba, to tar lə Jeju ta kinga marə nɛ̂n mba karə Lubba tɔ.

1 Piyɛr 1:8

Ooje Jeju ang njaa, a ə-ndikeje. Bbasinɛn nəənn ooeje ang bbay njaa, a unnje məse arɛ̂je ngaâ aw ddaje rɔ-nəəl arə uta dɔɛ̂, rɔ-nəəl kə̂ asə pa ang.

1 Jan 1:7

A, bbo n-njaje lo-karɛ tə̂, tokə ne njaa kə̂ nee lo-karɛ tə̂ le a, mə-kâra to horoje tə̂ kə ngamarjeje ngaâ məsə Ngonnɛ̂ Jeju toko majang ləje tɔyn.

1 Jan 4:14

Jooe kə kəmje ngaâ n-pa tar-naji laa jarə dəwje nan Lubba kə̂ Bɔ ula Ngonnɛ̂ to Nje-kaji-dəwje kə̂ duninya tə̂.

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.

Apokalisi 1:5

Maji karə Jeju-Kristə kə̂ to nje-tar-naji kə̂ gatə gatə, ne kə̂ n̂-to dɔngɔr dəw kə̂ ndol horo dəwje tə̂ kə̂ oyje ddəm n̂-to Mbay-dɔ-mbayje kə̂ nangə̂ nəənn ddəm n̂-dda kə se mə-maji ngaâ narə məse wul lɔm tɔ. Jeju-Kristə le ndikije ngaâ ɔruje mə majangje tə̂ ləje ddəw məse tə̂.

Apokalisi 3:20

Oo, mar ta-kəy tə̂, maw tunda. Bbo dəw oo ndum ngaâ ɔru ta-kəy le a, mâ kandə kəy laa ngaâ ja kusa nɛ̂n kə naan.