Galatəje 2:2 - Dɔnɔn kə̂ Siki: Tar kə̂ aw arə təbbə

² Maw nunn, mba Lubba â pa arəm karə maw. Lo tə̂ənn, mɔru gəl Tar kə̂ Maji kə̂ maw mila mbəre marə dəwje kə̂ toje to Jiipije ang le. Mɔru gəle marə tɔkəje kə̂ dɔ Egilisi tə̂ marə mbɔn-naan tə̂ kə̂ m-dda kə de dang tɔ. M-dda baann mba m-ndiki karə kulaje ləm kə̂ takənɛn kə yəje kə̂ bbokənɛn kara toje to kulaje kə̂ baa ang.

Galatəje 2:2 ပူးပေါင်းရင်းမြစ်များ

Matiye 10:16

«Ooje, mulase tokə lə batəje horo ənjakəmnjarje tə̂. Yeenn a, maji karə aaje rɔse tokə lə li kə̂ aw aa rɔɛ̂ ngaâ ta arəje tar to dɔse tə̂ ang tokə lə dərje.

Kulaje 15:12

Dəwje tɔyn kə̂ mbɔnje naan le isije ddekeke ngaâ tukaje mbide ooje nɛ̂n tar kə̂ Barnabas de kə Pɔl daw paje dɔ nɛ̂n-mɔrije tə̂ kə nɛ̂nje kə̂ dumje dɔ koo tə̂ kə̂ Lubba dda ddəw tə̂ ləde horo dəwje tə̂ kə̂ toje to Jiipije ang le.

Kulaje 15:2

Pɔl de kə Barnabas n̂-mbətəje nɛ̂n-tɔju ləde le ngaâ n̂-maynje kə de tar. Yeenn bba, njê-mə-kunnje unnje ndu karə Pɔl de kə Barnabas kə marə njê-mə-kunnje dawje Jerujalɛm daw dingaje njê-kaw-kulaje kə dəwje kə̂ dɔ Egilisi tə̂ mba tar nəənn le.

Kulaje 15:4

N̂-teeje Jerujalɛm a, Egilisi kə njê-kaw-kulaje kə dəwje kə̂ dɔ Egilisi tə̂ taajede kə rɔ-nəəl. Dɔruje gəl nɛ̂nje tɔyn kə̂ Lubba dda ddəw tə̂ ləde darə dəwje kə̂ Jerujalɛm.

Kulaje 18:9

Marə ndɔ til tə̂, Əbbə-dəwje pa arə Pɔl mə marə nɛ̂n tə̂ tokə lə nin nan: «Ə-bbəəl ang, əw rɔi pa tar ang, utu tai ang.

Kulaje 23:11

Lo ndul a, Əbbə-dəwje tee inga Pɔl ngaâ pa arɛ̂ nan: «Uwa arə ngəng, ə-pa tar-naji ləm Jerujalɛm mban, a maji karə ə-dda tokə baann Rɔm tɔ.»

Kulaje 5:34

A marə Parijinyɛ kə̂ ria nan Gamaleyɛl kə̂ to nje-gərə-Ndu kə̂ dəwje ndikije tar laa nya isi lo gangə sariya tə̂ənn le. Nin taar nunn ndu karə n̂-tee kə njê-kaw-kulaje le ddaka ngaji.

Rɔmɛnje 9:16

Yeenn a, nɛ̂ɛnn le ddee ddəw tə̂ lə Lubba kə̂ aw oo kəm-to-ndoo lə dəwje bbo ddee ddəw mə-ndiki tə̂ lə dəw ang ddəm ddəw singa tə̂ kə̂ dəw aw dda dɔ rɔɛ̂ tə̂ ang ddəm.

1 Kɔrɛntinyɛje 1:23

A jeje, jaw jila mbər tar lə Kristə kə̂ n̂-tɔlɛ̂ kakə-dəsə tə̂. Jiipije ooje tar le to tar-kɔbbu, a Gɛrɛkəje ooje to tar mbə.

1 Kɔrɛntinyɛje 2:2

Mba kar kə̂ m-nayn nɛ̂n horose tə̂ le, m-ndiki ta gərə marə nɛ̂n dang ang. Bbayɛ̂ njaa to Jeju-Kristə, Jeju-Kristə kə̂ n̂-tɔlɛ̂ kakə-dəsə tə̂.

1 Kɔrɛntinyɛje 9:24

Ə-gərəje kə majɛ̂ to, horo dəwje tə̂ tɔyn kə̂ aw aynje ngɔru natâ mba kuta nɛ̂n naan, dəw kâra baa â a kinga kuka. Yeenn a, aynje ngɔru kə gusu kə̂ â kingaje nɛ̂n kuka.

1 Kɔrɛntinyɛje 9:26

Yeenn bba maw mayn ngɔru baa njaa baann ang. M-to tokə nje-kunda kutu-bɔn kə̂ aa dəw kə majɛ̂ bba undɛ̂ bbo unda ləl baa ang.

2 Kɔrɛntinyɛje 12:1

To tar ləm ta kunda gum wa? Yeenn to marə nɛ̂n kâra ang njaa. A bbasinɛn mâ pa tar nɛ̂nje kə̂ moo tokə lə ninjeenn kə tar nɛ̂nje kə̂ Əbbə-dəwje tɔju kə ddaka arə moo.

Galatəje 1:12

Dəw â ndaji tar le arəm ang ddəm dəw â tɔjum ang ddəm. Jeju-Kristə â tee kə tar le kə ddaka arə m-gərə.

Galatəje 1:16

Noo maji kəmɛ̂ tə̂ ta karə m-gərə Ngonnɛ̂ ngaâ karə mila mbər tar laa marə dəwje kə̂ toje to Jiipije ang. Karɛ̂ tə̂ənn le m-duju dəw ndəjə ang ddəm

Galatəje 1:6

Nɛ̂n kə̂ ə-ddaje le məjə pin. Lubba kə̂ bbarse ddəw mə-maji tə̂ lə Kristə le â ə-tuseje njangə baa inyɛ̂je a unnje go marə Tar kə̂ Maji kə̂ dang wa?

Galatəje 2:6

A ənga tɔkəje kə̂ dɔ Egilisije tə̂ kə̂ dəwje oojede to dəwje kə̂ ngəng nya le, ngəng ləde le osom tə̂ ang. Mba Lubba aw ɔru kəm dəw ang. Dede le marə nɛ̂n dang kə̂ duwamje kə singa karə m-dda goto.

Galatəje 2:9

Jakə kə Piyɛr kə Jan kə̂ dəwje oojede to singa Egilisi le ooje mə-maji kə̂ Lubba dda səm le a, duwajeje əman kə Barnabas n̂-ddajeje lapiya ta tɔju to n̂-ddaje mə-kâra kə je. Yeenn bba joo ta naan ta karə jeje jaw kə rɔ dəwje tə̂ kə̂ toje to Jiipije ang. A dede, dawje kə rɔ Jiipije tə̂.

Galatəje 5:7

Dɔngɔr, aw ddaje nɛ̂n kə majɛ̂. A nân bba gangəse ddəwe tə̂ ngaâ ɔkuse ddəw karə ə-ddaje nɛ̂n ddəw tar tə̂ kə̂ tɔkɔrɔ wa?

Pilipinyɛje 2:16

sese kə̂ aw paje tar kə̂ aw arə təbbə arəjede le. Yeenn bba ndɔ kə̂ Kristə təl a, mâ kunda gum mbase. Nɛ̂ɛnn le a tɔju to m-dda kula m-tuju nɛ̂n singam baa ang ddəm moo nɛ̂n ndoo baa ang ddəm.

Pilipinyɛje 2:29

Maji karə ə-tɛɛ̂je kə rɔse tə̂ kə rɔ-nəəl ddəw mə-kâra tə̂ kə n-dda kə Əbbə-dəwje. Maji karə ə-walje dəwje kə̂ toje tokə laa nəənn,

1 Tesalonisinyɛje 3:5

Mba yeenn bba, m-tɔ wurum pin le ngaâ, mula Timɔte karə aw oo tar dɔ mə-kunn tə̂ ləse. M-bbəəl mba karə Əsu in nanse arə kulaje ləje ddee to nɛ̂n kə̂ baa.

2 Timɔte 4:7

M-dda ddɔ kə̂ maji, mayn ngɔru m-tee mban, m-ngəm mə-kunn ləm.

Ebərəje 12:1

Jeje, dəwje nya kə̂ ddaje nɛ̂n ddəw mə-kunn tə̂ le gukujeje. Yeenn a, maji karə n-mbətəje nɛ̂nje tɔyn kə̂ aw ɔɔyjeje, uta tɔyn majang kə̂ aw unguje mə bandə tə̂ laa kə ngɔru baa, ta jaynje ngɔru kə̂ Lubba dujuje karə jaynje le bbo jinyaje ddəwe ang.