Galatəje 2:19 - Dɔnɔn kə̂ Siki: Tar kə̂ aw arə təbbə

¹⁹ Əman, to dəw kə̂ oy yo Ndu mban bba ta nayn kəm baa mba Lubba. Moy kə Kristə naan tə̂ kâra baa dɔ kakə-dəsə tə̂.

Galatəje 2:19 ပူးပေါင်းရင်းမြစ်များ

Rɔmɛnje 4:15

Mba Ndu dda arə wungu dɔrɔ â aw ɔn Lubba. A lo kə̂ Ndu goto tə̂, nje-mbətə Ndu goto tə̂ tɔ.

Rɔmɛnje 5:20

Ndu ddee mba karə majangje ddeeje tokə banya. A lo kə̂ majang banya tə̂, mə-maji lə Lubba bo tə̂ kə kete kete bbay tɔ.

Rɔmɛnje 6:11

Yeenn a, sese njaa kara maji karə ooje rɔse to oyje mban arə majang ubba singa dɔse tə̂ ang ngaa, isije kəm baa mba Lubba ddəw tə̂ lə Jeju-Kristə.

Rɔmɛnje 6:14

Majang a təl kubba singa dɔse tə̂ ang ngaa. Mba eeje kɔ Ndu tə̂ ang, eeje kɔ mə-maji tə̂ lə Lubba.

Rɔmɛnje 6:2

Baann ang! N-toje tokə dəwje kə̂ oyje mban arə majang ubba singa dɔje tə̂ ang. Yeenn a, ja kasəje ta nayn mə majang tə̂ bbay tokə baânn wa?

Rɔmɛnje 7:14

N-gərə to Ndu to nɛ̂n lə Ndil. A əman m-to dəw baa, n̂-labbəm kə majang to bbərə laa.

Rɔmɛnje 7:4

Ngakɔnʼmje, nɛ̂ɛnn le to ddəw kâra baa mba tar ləse tɔ. Ə-toje tokə dəwje kə̂ oyje arə Ndu ubba singa dɔse tə̂ ang, mba ə-ddeeje kâra baa kə Kristə. Yeenn a, ə-toje to dəwje laa, ne kə̂ noy ngaâ n̂-ndol le. Baann bba ja kasəje ta dda nɛ̂n kə̂ maji kəm Lubba tə̂.

Rɔmɛnje 8:2

Mba Ndu lə Ndil kə̂ aw arə təbbə dəw ddəw mə-kâra tə̂ n̂-dda kə Jeju-Kristə le ɔrɛ̂ ji Ndu tə̂ lə majang ddəm yo tə̂ ddəm mban.

1 Kɔrɛntinyɛje 10:31

Yeenn bba, bbo aw usaje nɛ̂n, aw ayje nɛ̂n wase nɛ̂n ddi bba aw ddaje kara, maji karə ə-ddaje nɛ̂n tɔyn mba kɔsu nɛ̂n gaji Lubba.

1 Kɔrɛntinyɛje 9:20

Bbo misi kə Jiipije a, m-dda nɛ̂n tokə lə Jiipije, mba kinga nɛ̂n de. Bbo misi kə dəwje kə̂ aw bbəəlje ndu lə Mɔyijə a, m-dda nɛ̂n kə turu Ndu, mba kinga nɛ̂n de. To dəw bba uwam kə singa ang.

2 Kɔrɛntinyɛje 5:15

Noy mba dəwje tɔyn bba karə dəwje kə̂ isije kəm baa, isije kəm baa mba tar ləde njaa ang, a disije kəm baa mba dəw kə̂ oy ngaâ ndol mbade.

Galatəje 2:20

To əman â misi kəm baa ang ngaa, to Kristə â isi kəm baa mə da-rɔm tə̂. Mba, kisi ləm kəm baa mə da-rɔ tə̂ bbokənɛn nəənn, misi kəm baa mba məm kə̂ munn marə Ngonn lə Lubba kə̂ ndikim ngaâ unn rɔɛ̂ arə yo mbam.

Galatəje 3:10

A ndu-ndɔɔl to dɔ dəwje tə̂ tɔyn kə̂ aw undaje məde dɔ ngəm Ndu tə̂. Mba Makəturu lə Lubba pa nan: «Tarje tɔyn kə̂ to Makəturu-Ndu tə̂, bbo dəw ngəm ang ddəm dda nɛ̂n kula ang ddəm a, Ndu-ndɔɔl to dɔɛ̂ tə̂.»

Galatəje 3:24

Yeenn a, Ndu to nje-kaa dɔje ndərəng ndɔ ddee tə̂ lə Kristə, bba karə mə-kunn le dda arə n-ddeeje gatə gatə kəm Lubba tə̂.

Galatəje 6:14

A əman, bbayɛ̂ njaa koy lə Əbbəjeje Jeju-Kristə kakə-dəsə tə̂ njaa mâ kunda nɛ̂n gum. Ddəw koy tə̂ laa le moo nɛ̂nje kə̂ duninya tə̂ nəənn tokə nɛ̂nje kə̂ oy ngaâ nɛ̂nje kə̂ duninya tə̂ oomje tokə dəw kə̂ oy tɔ.

Kolosinyɛje 2:20

Oyje ddəw kâra baa kə Kristə mban arə singaje kə̂ duninya tə̂ toje to nɛ̂n kâra ang kəmse tə̂. A mba ddi bba kisi ləse to tokə dəwje kə̂ dɔ nangə tə̂ nəənn ngaâ aw bbəəlje nduje wa?

Kolosinyɛje 3:3

Mba oyje mban ngaâ təbbə ləse kə̂ tɔkɔrɔ to lo-kiyɛ̂ tə̂ kə Kristə rɔ Lubba tə̂.

1 Tesalonisinyɛje 5:10

Kristə le oy mba tar ləje bba karə, le jisije kəm baa wase joyje njaa kara, jisije kəm baa saa ndɔ tə̂ kə̂ nâ ddee.

Titə 2:14

Nunn rɔɛ̂ njaa narə yo mbaje, mba kɔruje mə majang tə̂ ngaâ ta toko nɛ̂n-yərəw ləje karə n-toje to dəwje laa njaa ddəm karə n-toje to dəwje kə̂ bbo dda kulaje kə̂ maji to məde tə̂ nya ddəm.

Ebərəje 9:14

Bbo baann a, məsə Kristə ngəng uta məsə dajeenn le. Ddəw tə̂ lə Ndil kə̂ to kə ndɔ kə ndɔ, Kristə unn rɔɛ̂ njaa arə Lubba to nɛ̂n-polo kə̂ maji tɔyn. Yeenn a, məse a toko kəjə nɛ̂n-ddaje kə̂ aw awje kə je karə jingaje yo le, karə n-ddaje kula lə Lubba kə̂ nje-kisi kəm baa le.

1 Piyɛr 2:24

Noto majangje ləje dɔɛ̂ tə̂ dɔ kakə-dəsə tə̂ mba karə jeje kə̂ jɔruje rɔje majang tə̂, ddəw koy tə̂ kə̂ joyje saa mban le jisije kəm baa mba dda nɛ̂n kə̂ gatə gatə. Ddəw doje tə̂ kə̂ ninga, najije rɔ-toje tə̂ ləje.

1 Piyɛr 4:6

Mba yeenn bba, dəwje kə̂ oyje kara dila mbər Tar kə̂ Maji darəde. Baann bba karə dede kə̂ n̂-gangə sariya dɔde tə̂ mba kula-ddade tokə kəsə dəwje tɔyn le, disije tokə ye kə̂ Lubba ndiki, ddəw tə̂ lə Ndil-mə-nda.