Galatəje 1:6 - Dɔnɔn kə̂ Siki: Tar kə̂ aw arə təbbə

⁶ Nɛ̂n kə̂ ə-ddaje le məjə pin. Lubba kə̂ bbarse ddəw mə-maji tə̂ lə Kristə le â ə-tuseje njangə baa inyɛ̂je a unnje go marə Tar kə̂ Maji kə̂ dang wa?

Galatəje 1:6 ပူးပေါင်းရင်းမြစ်များ

Marke 6:6

A mə-kunn ləde kə̂ goto le to nɛ̂n kə̂ dum dɔɛ̂. Goe tə̂ a, Jeju nja mə ngann bbeje tə̂ tɔyn kə̂ mbɔr Najarɛtə tə̂ mba tɔju nɛ̂n.

Tar kə̂ Maji kə̂ Jan dda makəturu tə̂ 9:30

Dəw le ilade tə̂ nan: «Nɛ̂n kə̂ dum dɔm le â nəənn. N̂-dda narə kəmʼm təəyn, a ə-gərəje lo kə̂ nin tə̂ bba n̂-ddee ang wa?

Kulaje 15:11

A, n-gərə tɔ to ddəw mə-maji tə̂ lə Əbbə-dəwje Jeju â junda məje to Lubba aji nɛ̂n je tokə najide le.»

Rɔmɛnje 10:3

Mba n̂-gərəje ddəw kə̂ ta ddee nɛ̂n gatə gatə kəm Lubba tə̂ ang. Dede njaa n̂-gɔlje ddəw ləde mba ddee nɛ̂n gatə gatə kəmɛ̂ tə̂. Yeenn bba n̂-mbətəje ddəw kə̂ Lubba gɔl karə dəwje ddeeje nɛ̂n gatə gatə le.

Rɔmɛnje 5:2

Ddəw tə̂ lə Jeju kə̂ junnje məje jarɛ̂ le â Lubba dda nɛ̂n kə je mə-maji ngaâ n-naynje ddəwe tə̂. Yeenn bba, jaw ddaje rɔ-nəəl, mba jundaje məje to jeje kara ja kingaje piti lə Lubba.

Rɔmɛnje 8:28

N-gərəje to nɛ̂nje tɔyn aw mbɔnje naan ta dda maji kə dəwje kə̂ ndikije Lubba, dede kə̂ Lubba bbarde ddəw nɛ̂n tə̂ kə̂ n̂-gɔl tokə kete.

Rɔmɛnje 8:30

Njê kə̂ Lubba undade dang tokə kete le n̂-bbarde tɔ. Njê kə̂ n̂-bbarde le narə n̂-ddeeje gatə gatə kəmɛ̂ tə̂. Njê kə̂ narə ddeeje gatə gatə kəmɛ̂ tə̂ le narə dingaje piti laa tɔ.

1 Kɔrɛntinyɛje 4:15

Mba le eeje kə dəwje doro dɔku kə̂ aw tɔjuse ddəw lə Kristə njaa kara, bɔsese kâra baa. Əman â mujuse ddəw tə̂ lə Jeju-Kristə kə̂ mila mbər Tar kə̂ Maji laa marəse.

2 Kɔrɛntinyɛje 11:4

Mba bbo marə dəw ddee aw ila mbər tar lə marə Jeju dang kə Jeju kə̂ n-pa tar laa jarəse le wase ə-taaje marə ndil dang kə Ndil kə̂ ingaje dɔngɔr le wase n̂-ddee kə marə tar kə̂ maji dang kə ye kə̂ ə-taaje dɔngɔr le a, aw ndikije tə̂ saa kə majɛ̂.

2 Kɔrɛntinyɛje 2:17

Mba dəwje nya ddaje tar lə Lubba to nɛ̂n-kinga narɛ ləde. A jeje n-toje tokə ləde ang. Jula nɛ̂n naan tə̂ ang. Lubba â ulaje arə jaw pa tar le nɔn Lubba tə̂, ddəw mə-kâra tə̂ kə̂ n-dda kə Kristə.

Galatəje 1:11

Ngakɔnʼmje, m-pa marəse: Tar kə̂ Maji kə̂ mila mbəre marəse le in rɔ dəw tə̂ ang.

Galatəje 1:15

A Lubba bbarəm ddəw mə-maji tə̂ laa, kar tə̂ kə̂ m-nayn mə kɔnʼmje tə̂ bbay undam dang.

Galatəje 1:7

To marə Tar kə̂ Maji kə̂ dang bba to ang. Marə dəwje â aw turuje dɔse ngaâ ndikije ta turu Tar kə̂ Maji lə Kristə le.

Galatəje 2:14

Moo a, daw njaje ddəw tar tə̂ kə̂ tɔkɔrɔ kə̂ Tar kə̂ Maji pa le ang. Mba yeenn bba, m-pa marə Piyɛr kəm dəwje tə̂ tɔyn m-pa nan: «Bbo əi kə̂ ə-to Jiipi, kisi ləi to tokə dəwje kə̂ toje to Jiipije ang a, â kuwa dəwje kə̂ toje to Jiipije ang le kə singa karə n̂-ddaje nɛ̂n tokə lə Jiipije tokə baânn wa?»

Galatəje 2:2

Maw nunn, mba Lubba â pa arəm karə maw. Lo tə̂ənn, mɔru gəl Tar kə̂ Maji kə̂ maw mila mbəre marə dəwje kə̂ toje to Jiipije ang le. Mɔru gəle marə tɔkəje kə̂ dɔ Egilisi tə̂ marə mbɔn-naan tə̂ kə̂ m-dda kə de dang tɔ. M-dda baann mba m-ndiki karə kulaje ləm kə̂ takənɛn kə yəje kə̂ bbokənɛn kara toje to kulaje kə̂ baa ang.

Galatəje 2:5

A n-ndiki tə̂ tɛn kə de ang, bba karə tar kə̂ tɔkɔrɔ kə̂ to mə Tar kə̂ Maji tə̂ le nayn kə lo-toe mba tar ləse.

Galatəje 2:7

A dooje a, n̂-gərəje to Lubba inya Tar kə̂ Maji le jim tə̂ karə mila mbəre marə dəwje kə̂ ujaje ganja ang, tokə ninya ji Piyɛr tə̂ karə ila mbəre arə dəwje kə̂ ujaje ganja le.

Galatəje 5:14

Mba Ndu lə Mɔyijə tɔyn njaa to mə tar tə̂ kə̂ kâra nəənn. Tar kə̂ nan: «Maji karə ə-ndiki nje-mari tokə da-rɔi njaa.»

Galatəje 5:4

Sese kə̂ aw sangəje ta ddee gatə gatə kəm Lubba tə̂ ddəw Ndu tə̂ le ə-tinje naan kə Kristə mban. Mə-maji lə Lubba to mbase ang ngaa.

2 Tesalonisinyɛje 2:14

Mba yeenn bba Lubba bbarse ddəw Tar tə̂ kə̂ Maji kə̂ jila mbəre jarəse karə ingaje piti lə Əbbəjeje Jeju-Kristə.

1 Timɔte 1:14

A Əbbəjeje Lubba dda səm mə-maji kə̂ bo nya. Narə moo məm tə̂ ngaâ narə m-ndiki ngamarəmje ddəw mə-kâra tə̂ kə̂ m-dda kə Jeju-Kristə le.

1 Timɔte 1:3

Maji karə ə-nayn Epɛjə ddəw ndu tə̂ kə̂ munn mari kar tə̂ kə̂ maw nɛ̂n kə Maseduwann le. Mə bbe tə̂ kə̂ Epɛjə le, marə dəwje aw tɔjuje nɛ̂n kə dɔgɔlɛ̂ ang. Maji karə ə-gangəde ddəwe tə̂.

2 Timɔte 1:9

Lubba kə̂ ajije njaa bbarje karə n-ddee to dəwje laa. Mba kula kə̂ maji kə̂ n-dda bba n̂-bbar nɛ̂n je ang. N̂-bbarje mba to nɛ̂n kə̂ n̂-gɔl kete ta dda ddəm mba mə-maji laa ddəm. N̂-dda kə je mə-maji le ddəw tə̂ lə Jeju-Kristə kete bba duninya to.

2 Timɔte 2:1

Əi ngonnəm, maji karə inga singa ddəw mə-maji tə̂ kə̂ Lubba dda kə je ddəw mə-kâra tə̂ kə̂ n-dda kə Jeju-Kristə le.

1 Piyɛr 1:15

Lubba kə̂ bbarse le maji tɔyn. Yeenn a, sese njaa kara, maji karə ə-majije tɔyn mə pa-nja tə̂ ləse tɔyn tɔ.

2 Piyɛr 1:3

Ddəw singa-mɔngu tə̂ lə Lubba, Lubba le arəje nɛ̂n tɔyn karə n-naynje nɛ̂n kəm baa bba karə junn rɔje jarɛ̂. Narə n-gəre ne kə̂ n̂-bbarje karə jinga piti laa ddəm n-dda nɛ̂n-ddaje laa kə̂ maji ddəm.

Apokalisi 22:21

Maji karə mə-maji lə Əbbə-dəwje Jeju nayn kə se tɔyn.