Galatəje 1:13 - Dɔnɔn kə̂ Siki: Tar kə̂ aw arə təbbə

¹³ Mba ooje tar nɛ̂n-ddaje ləm kə̂ dɔngɔr, kar tə̂ kə̂ m-nayn maw polo nɛ̂n Lubba tokə lə Jiipije le. Maw mula kəm Egilisi lə Lubba ndoo tə̂ nya ddəm maw tuju Egilisi le ddəm.

Galatəje 1:13 ပူးပေါင်းရင်းမြစ်များ

Kulaje 8:1

Tɔl kə̂ n̂-tɔl Etiyɛnn le Sɔl ndiki tə̂. Ndɔɛ̂ tə̂ənn njaa, dəwje unnje kutu kula kəm Egilisi kə̂ Jerujalɛm ndoo tə̂. Njê-mə-kunnje sanrɛje naan dɔ nangə tə̂ kə̂ Jude kə Samari, a njê-kaw-kulaje â naynje.

Kulaje 8:3

A Sɔl unn kutu tuju Egilisi. Nandə mə kəyje tə̂, nuwa dingawje kə dɛnɛ̂nje kə singa nungude kəy-kula tə̂.

Kulaje 9:21

Dəwje tɔyn kə̂ ooje tar lə Sɔl le dɔde ayn ngaâ paje nan: «Dəw nəənn â aw ula kəm dəwje kə̂ aw bbarje ri Jeju ndoo tə̂ mə bbe tə̂ kə̂ Jerujalɛm le ang wa? N̂-ddee nəənn ta kuwa njê-mə-kunnje tɔde kaw kə de karə mbayje lə njê-poloje Lubba ang wa?»

Kulaje 9:26

Sɔl le tee Jerujalɛm a, sangə ddəw ta kandə horo njê-njaje go Jeju tə̂, a dede tɔyn njaa n̂-bbəəleje to bbəəl mba dooje to n̂-to nje-nja go Jeju tə̂ kə̂ tɔkɔrɔ ang.

1 Kɔrɛntinyɛje 10:32

Maji karə ə-ddaje marə nɛ̂n kə̂ a dda karə Jiipije wase Gɛrɛkəje wase Egilisi lə Lubba osoje ang.

1 Kɔrɛntinyɛje 15:9

Mba m-to tɛn baa horo njê-kaw-kulaje tə̂ tɔyn. Masə karə n̂-bbarəm to nje-kaw-kula ang, mba mula kəm Egilisi lə Lubba ndoo tə̂.

Pilipinyɛje 3:6

Bbo dda kula lə Lubba to məm tə̂ nya arə m-dda singa kə Egilisi nya. Tar to dɔm tə̂ ang, mba maw dda nɛ̂nje kə̂ gatə gatə ddəw ndu tə̂.

1 Timɔte 1:13

A əman kə̂ ləw m-to nje-tuju ria, mula kəm dəwje laa ndoo tə̂, m-tajide le, Lubba oo kəm-to-ndoo ləm, mba moo məm tə̂ saa ang arə m-gərə dɔm nɛ̂n tə̂ kə̂ m-dda le ang.

1 Timɔte 1:14

A Əbbəjeje Lubba dda səm mə-maji kə̂ bo nya. Narə moo məm tə̂ ngaâ narə m-ndiki ngamarəmje ddəw mə-kâra tə̂ kə̂ m-dda kə Jeju-Kristə le.