Epɛjinyɛje 5:27 - Dɔnɔn kə̂ Siki: Tar kə̂ aw arə təbbə

²⁷ N̂-ndiki karə Egilisi le tee ar nɔɛ̂n tə̂ kura, nɛ̂n-yərəw ɔru ang ddəm kəmɛ̂ ayn mbara ang ddəm marə nɛ̂n tuju tə̂ ang ddəm. N̂-ndiki karə Egilisi laa le to nɛ̂n kə̂ maji tɔyn ngaâ marə tar to dɔɛ tə̂ ang.

Epɛjinyɛje 5:27 ပူးပေါင်းရင်းမြစ်များ

2 Kɔrɛntinyɛje 11:2

Maw mayn jangə dɔse tə̂ tokə Lubba aw ayn jangə dɔse tə̂ le. M-dda mɔrɔ ləse marə dingaw kâra baa kə̂ to Kristə. M-ndiki ta ddee kə se nɔɛ̂n tə̂ tokə ngonn mandə kə̂ gərə ngaw ang bbay kə̂ aw ngəm rɔɛ̂.

2 Kɔrɛntinyɛje 4:14

N-gərə to, Lubba kə̂ ndol Əbbə-dəwje Jeju le, a ndolje saa tɔ. Ngaâ nâ karə jeje kə se jar nɔɛ̂n tə̂ kâra baa.

Epɛjinyɛje 1:4

N̂-mbərəje ddəw tə̂ lə Kristə kete bba n̂-dda duninya, karə n-ddee to dəwje kə̂ maji tɔyn ddəm dəwje kə̂ tar to dɔde tə̂ ang ddəm kəmɛ̂ tə̂. Ddəw ndiki tə̂ laa,

Kolosinyɛje 1:22

A bbasinɛn, Lubba unguse naan tə̂ saa ddəw koy tə̂ lə Ngonnɛ̂ kə̂ unn da-rɔ dəw ngaâ oo ndoo. N̂-dda baann bba karə ə-ddeeje maji kəmɛ̂ tə̂, karə nɛ̂n kâra tuju rɔse tə̂ ang, karə tar kâra to dɔse tə̂ ang.

Kolosinyɛje 1:28

Kristə le â jaw jila mbər laa. Jaw jarə ndəjə dəwje tɔyn ngaâ jaw tɔjude nɛ̂n dəwje tɔyn ddəw kəm-karɛ tə̂ dang dang, karə dəwje tɔyn sangəje ddəw tə̂ lə Kristə.

1 Tesalonisinyɛje 5:23

Maji karə Lubba njaa kə̂ to nje-karə mə-wul-lɔm dda arə ə-ddeeje maji tɔyn. Maji karə n̂-ngəm da-rɔse tɔyn, kəjə ləse, kəwn ləse kə rɔse, narə ndɔ ddee lə Əbbə-dəwje Jeju-Kristə a, tar kâra to dɔse tə̂ ang.

Ebərəje 9:14

Bbo baann a, məsə Kristə ngəng uta məsə dajeenn le. Ddəw tə̂ lə Ndil kə̂ to kə ndɔ kə ndɔ, Kristə unn rɔɛ̂ njaa arə Lubba to nɛ̂n-polo kə̂ maji tɔyn. Yeenn a, məse a toko kəjə nɛ̂n-ddaje kə̂ aw awje kə je karə jingaje yo le, karə n-ddaje kula lə Lubba kə̂ nje-kisi kəm baa le.

1 Piyɛr 1:19

Məsə Kristə kə̂ ngəng nya â uka nɛ̂n dɔse. Kristə le to tokə ngonn batə kə̂ marə nɛ̂n tuju rɔɛ̂ tə̂ ang ddəm nɛ̂n-yərəw ɔrɛ̂ ang ddəm.

2 Piyɛr 3:14

Mba yeenn bba, ngakɔnʼmje kə̂ m-ndikise nya, kar tə̂ kə̂ aw nginanje ndɔ le bbay le, maji karə ə-ddaje singa karə marə nɛ̂n-yərəw ɔruse ang ddəm karə marə tar to dɔse tə̂ ang ddəm ngaâ ta ə-naynje kə mə-wul-lɔm kə Lubba.

Judə 1:21

Ə-naynje ddəw ndiki tə̂ lə Lubba mba nginan nɛ̂n Əbbə-dəwje Jeju-Kristə. Ne kə̂ nâ dda kə je maji karə jingaje təbbə kə̂ to kə ndɔ kə ndɔ.

Judə 1:24

Maji karə piti, tɔkə-mbangə, singa-mɔngu kə kɔn-mbay to lə Lubba kə̂ kâra baa kə ndɔ kə ndɔ. Ne kə̂ narə Əbbəjeje Jeju-Kristə ajije, Ne kə̂ nasə ta ngəmje karə joso mə majang tə̂ ang, nâ dda karə jar nɔɛ̂n tə̂ kə nɛ̂n-yərəw kâra ang, a jar nɔɛ̂n tə̂ kə rɔ-nəəl ndɔ pitii tə̂ laa. Amɛnn!

Apokalisi 14:4

Dede le dulaje rɔde nɛ̂n-yərəw tə̂ ddəw tə̂ lə dɛnɛ̂nje ang, mba n̂-gərəje dɛnɛ̂n ang. Daw dunnje go Ngonn batə le loje tə̂ tɔyn kə̂ naw naw tə̂. Lubba uka dɔde horo dəwje tə̂ karə n̂-ddeeje to dɔngɔr dəwje laa ddəm lə Ngonn batə le ddəm.