Epɛjinyɛje 5:10 - Dɔnɔn kə̂ Siki: Tar kə̂ aw arə təbbə

¹⁰ Maji karə ə-sangəje ddəw ta gərə nɛ̂n kə̂ nəəl kəm Əbbə-dəwje tə̂.

Epɛjinyɛje 5:10 ပူးပေါင်းရင်းမြစ်များ

Rɔmɛnje 14:18

Dəw kə̂ dda kə Kristə kə ddəw kə̂ tokə baann a, nəəl kəm Lubba tə̂ ddəm dəwje piteje ddəm.

Pilipinyɛje 1:10

Yeenn bba â gərəje nɛ̂n kə̂ maji. Yeenn tɔ bba â toje kə majɛ̂ ddəm tar a to dɔse tə̂ ang ddəm ndɔ tə̂ kə̂ Kristə a təl.

Pilipinyɛje 4:18

Minga nɛ̂n tɔyn jim tə̂ asə loe mban. M-təl minga uta dɔɛ̂ bbay. Nɛ̂n kə̂ arəje Epaporoditə ddee nɛ̂n arəm le minga kə majɛ̂. Nɛ̂n dum ang ngaa. Nɛ̂n kə̂ arəmje le to tokə yambo kə̂ ətə maji nya wase nɛ̂n-polo kə̂ maji kəm Lubba tə̂ ddəm nəəle ddəm.

Kolosinyɛje 1:10

Yeenn bba pa-nja ləse a to tokə ye kə̂ Əbbə-dəwje ndiki ngaâ â ddaje nɛ̂n kə̂ nəəle kə ndɔ tɔyn. Â ddaje kulaje kə̂ maji dang dang ngaâ â gərəje Lubba kə kete kete.

1 Tesalonisinyɛje 5:21

Nɛ̂nje tɔyn njaa, maji karə ə-tənnje kə majɛ̂ ooje bba ta ə-ngəmje yeje kə̂ maji.

1 Timɔte 2:3

Yeenn bba to nɛ̂n kə̂ kura ngaâ maji nya kəm Lubba tə̂ kə̂ Nje-kajije,

1 Timɔte 5:4

A bbo marə dɛnɛ̂n-ndubba kə̂ ngannɛ̂ wase ngakɛɛ̂ toje a, dɔngɔr nɛ̂n kə̂ ta dda â to karə n̂-tɔjuje kula mə-kunn ləde horo nujuje tə̂ ngaâ n̂-təlje kə nɛ̂n kə̂ njê-kujudeje ngəm nɛ̂n de darəde. Lubba ndiki nɛ̂n kə̂ baann nya.

Ebərəje 12:28

Lubba aw arəje Bbe-kɔn kə̂ nɛ̂n a kasə ta yəkə ang. Yeenn bba, maji karə jarɛ̂je wooyo ngaâ n-poleje kə ddəw kə̂ a karɛ̂ rɔ-nəəl, n-ngəmje rɔje mba tar laa ddəm n-bbəəleje ddəm.

1 Piyɛr 2:20

Bbo dəw aw oo ndoo mba majang kə̂ n̂-dda ngaâ naw tɔ wure a, piti kə̂ baânn â nâ kinga goe tə̂ wa? A bbo ə-ddaje maji bba daw dula kəmse ndoo tə̂ a, Lubba oo nɛ̂ɛnn kəmɛ̂ tə̂ to nɛ̂n kə̂ maji.

1 Piyɛr 2:5

Sese njaa kara, ə-toje tokə lə ərje kə̂ naynje kəm baa tɔ, yeenn a, maji karə unnje rɔse kə̂ to ər le ə-ddaje nɛ̂n kəy lə Ndil-mə-nda. Baann bba a ddeeje to njê-poloje Lubba kə̂ dundade dang mba kula laa, ta kunn nɛ̂n-polo ddəw Ndil tə̂ karɛ̂, nɛ̂n-polo kə̂ maji kəmɛ̂ tə̂ ddəw tə̂ lə Jeju-Kristə.