Epɛjinyɛje 4:1 - Dɔnɔn kə̂ Siki: Tar kə̂ aw arə təbbə

¹ Yeenn bba, əman kə̂ dilam kəy-kula tə̂ mba Əbbə-dəwje, m-dujuse nya karə pa-nja ləse to pa-nja lə dəwje kə̂ Lubba bbarde njaa.

Epɛjinyɛje 4:1 ပူးပေါင်းရင်းမြစ်များ

Kulaje 9:31

Dɔ ndɔje tə̂ənn, ddekeke to mə Egilisije tə̂ tɔyn kə̂ toje nangə tə̂ kə̂ Jude, Galile kə Samari. Egilisi aw ubba singa kə kete kete, naw bbəəl Əbbə-dəwje ngaâ kɔr njê-mə-kunnje aw kə kete kete ddəw singa tə̂ lə Ndil-mə-nda.

Rɔmɛnje 11:29

Mba bbo Lubba arə nɛ̂n dəw kə mə-maji laa a, təl taa ang ddəm Lubba bbar dəw a, təl mbəte ang ddəm.

Rɔmɛnje 12:1

Ngakɔnʼmje, Lubba tɔju maji laa kə̂ n̂-dda kə je. Yeenn bba, m-walse nya karə unnje da-rɔse njaa arəje Lubba tokə nɛ̂n-polo kə̂ to kəm baa, nɛ̂n kə̂ dunda dang ngaâ maji kəm Lubba tə̂. Yeenn â to gusu kə̂ tɔkɔrɔ kə̂ ta polo nɛ̂n Lubba.

1 Kɔrɛntinyɛje 4:16

Yeenn bba, m-dujuse nya karə ə-ndajimje.

2 Kɔrɛntinyɛje 10:1

Əman Pɔl, maw dujuse marə nɛ̂n kə ri Kristə kə̂ wul pee ddəm to nje-mə-maji ddəm. Aw paje nan, bbo misi horose tə̂ a m-wul, â bbo misi ddəw əw kə se a, maw nya dɔse tə̂ nya.

2 Kɔrɛntinyɛje 5:20

Jeje, Kristə â ulaje karə n-paje tar kə ria. Yeenn nayn to Lubba njaa aw bbarse ddəw tə̂ ləje. Jaw walse nya kə ri Kristə, maji karə unguje naan tə̂ kə Lubba.

2 Kɔrɛntinyɛje 6:1

Jaw dda kula kə Lubba le. Mba yeenn bba n-walse nya karə mə-maji kə̂ Lubba dda kə se le to baa ang.

Galatəje 4:12

M-walse nya ngakɔnʼmje, maji karə ə-toje tokə əman. Mba m-to tokə sese tɔ. Ə-ddaje marə nɛ̂n kə̂ maji ang səm ndɔ kâra ang.

Epɛjinyɛje 2:10

Mba n-to dəw-kundaje lə Lubba. N̂-ddaje ddəw tə̂ lə Jeju-Kristə karə n-dda kulaje kə̂ maji kə̂ n̂-gɔl kete karə n-ddaje.

Epɛjinyɛje 3:1

Mba yeenn bba, əman Pɔl, dilam kəy-kula tə̂ mba tar lə Jeju-Kristə kə̂ maw mila mbəre marəse, see dəwje kə̂ ə-toje to Jiipije ang.

Epɛjinyɛje 4:17

Mba yeenn bba, nɛ̂n kə̂ m-dujuse nya kə ri Əbbə-dəwje â nəənn: Dəwje kə̂ gərəje Lubba ang le arəje pa-nja ləse to tokə ləde ang. Kəjəje ləde aw aw kə de nɛ̂nje tə̂ kə̂ baa.

Epɛjinyɛje 4:4

Da-rɔ kâra baa ngaâ Ndil-mə-nda kâra baa, tokə Lubba bbarse karə undaje məse dɔ nɛ̂n tə̂ kâra kə̂ n̂-bbarse mbɛɛ̂ le.

Epɛjinyɛje 5:2

Ə-ndikije njê-marəse tokə Kristə ndikije ngaâ unn təbbə laa arə Lubba to nɛ̂n-karə-baa ddəm to nɛ̂n-polo kə̂ tokə dukann kə̂ ətə maji ddəm.

Pilipinyɛje 1:27

A maji karə pa-nja ləse dda mə-kâra kə Tar kə̂ Maji lə Kristə le. Baann bba karə bbo m-ddee ta koose wase mee horose tə̂ ang njaa kara, moo tamse. Maji karə dəwje paje arəm nan aw uwaje arəje ngəng ddəw kəjə tə̂ kə kâra baa. Ngaâ məse to kâra baa bba aw ddaje nɛ̂n ddɔ tokə dəwje kə̂ kâra baa, mba mə-kunn kə̂ ddee ddəw Tar tə̂ kə̂ Maji le.

Pilipinyɛje 3:14

Yeenn bba, maw mayn ngɔru ta tee kɔnyɛ̂ tə̂, mba kinga kuka kə̂ Lubba bbarje karə jinga darâ ddəw tə̂ lə Jeju-Kristə.

Kolosinyɛje 1:10

Yeenn bba pa-nja ləse a to tokə ye kə̂ Əbbə-dəwje ndiki ngaâ â ddaje nɛ̂n kə̂ nəəle kə ndɔ tɔyn. Â ddaje kulaje kə̂ maji dang dang ngaâ â gərəje Lubba kə kete kete.

Kolosinyɛje 2:6

Ə-taaje Jeju-Kristə to Əbbəsese mban. Yeenn a, maji karə ə-naynje ddəw mə-kâra tə̂ kə̂ ə-ddaje saa le.

Kolosinyɛje 4:12

Epaparas kə̂ to dəw kə̂ bbeê ləse ddase lapiya. Ne kə̂ n̂-to bbərə-kula lə Jeju-Kristə le naw dda ddɔ mba tar ləse kə ndɔ tɔyn, ddəw duju Lubba tə̂ bba karə uwaje arəje ngəng, karə ə-ddeeje maji tɔyn, bba karə unnje rɔse tɔyn ta dda nɛ̂n tɔyn kə̂ mə Lubba ndiki.

1 Tesalonisinyɛje 2:12

N-ndəjəse, n-dda jarə ubbaje singa ngaâ n-dujuse nya karə pa-nja ləse to tokə ye kə̂ Lubba ndiki, ne kə̂ n̂-bbarse karə andəje mə Bbe-kɔn tə̂ laa, karə ingaje Piti laa saa.

2 Tesalonisinyɛje 1:11

Mba yeenn bba, jaw duju Lubba kə ndɔ tɔyn mba tar ləse, karə narə pa-nja ləse to lə dəwje kə̂ ne njaa n̂-bbarde. Jaw duju karə ddəw singa-mɔngu tə̂ laa, narəse singa karə ə-ddaje nɛ̂nje tɔyn kə̂ maji kə̂ ə-ndikije ta dda ngaâ karə ə-ddaje kulaje ddəw mə-kunn tə̂ ləse.

2 Timɔte 1:9

Lubba kə̂ ajije njaa bbarje karə n-ddee to dəwje laa. Mba kula kə̂ maji kə̂ n-dda bba n̂-bbar nɛ̂n je ang. N̂-bbarje mba to nɛ̂n kə̂ n̂-gɔl kete ta dda ddəm mba mə-maji laa ddəm. N̂-dda kə je mə-maji le ddəw tə̂ lə Jeju-Kristə kete bba duninya to.

Titə 2:10

ngaâ n̂-bbokoje marə nɛ̂n ləde ang. Maji karə dasəje karə əbbədede undaje məde dɔde tə̂ kə ndɔ tɔyn. Baann bba dâ dda karə dəwje bbəəlje nɛ̂n-tɔju lə Lubba kə̂ to Nje-kajije.

Ebərəje 13:21

Maji karə ne Lubba le narə ingaje singa ta dda nɛ̂n nɛ̂nje tɔyn kə̂ maji, bba karə ə-ddaje nɛ̂n nɛ̂n kə̂ məɛ̂ ndiki. Nɛ̂n kə̂ nəəl kəmɛ̂ tə̂ â maji karə n̂-dda məje tə̂ ddəw tə̂ lə Jeju-Kristə. Ne Jeju kə̂ piti to laa kə ndɔ kə ndɔ. Amɛnn!

Ebərəje 3:1

Mba yeenn bba, see ngakɔnʼm kə̂ Lubba bbarse arə ə-ddeeje to dəwje laa, arəje kəmse to kə dɔ Jeju tə̂. N̂-to nje-kaw-kula lə Lubba ddəm tɔkə nje-polo Lubba kə̂ jooje məje tə̂ ddəw tə̂ laa ngaâ jaw pa tarɛ̂ kə taje ddəm.

1 Piyɛr 2:11

See ngakɔnʼmje kə̂ m-ndikise nya, ə-toje to njê-mbaje ddəm dəwje kə̂ aw ndayje to nday dɔ nangə tə̂ nəənn ddəm. Mba yeenn bba, m-ndəjəse karə ə-ngəmje rɔse ddəw bboje tə̂ kə̂ da-rɔ tə̂ kə̂ aw ddaje ddɔ kə se.

1 Piyɛr 3:9

Dəw ddase maji ang a, ilaje barɛ̂ ang, dəw tajise a, ə-tajɛ̂je ang. Tar kə̂ Maji â ə-bbarje dɔ dəwje tə̂. Yeenn njaa â Lubba bbarse mbɛɛ̂. Baann bba Lubba a bbar tar kə̂ maji dɔse tə̂.

1 Piyɛr 5:10

A kooje ndoo mba gɔju kar bbay. A Lubba kə̂ to nje-dda mə-maji nya kə̂ bbarse ddəw tə̂ lə Jeju-Kristə karə ingaje piti kə̂ to kə ndɔ kə ndɔ le, a dda karə ə-təlje ə-ddeeje maji uta, nâ karə gɔlse uwa nangə, nâ karə ubbaje singa ngaâ nâ karə marə nɛ̂n yəkəse ang.

2 Piyɛr 1:3

Ddəw singa-mɔngu tə̂ lə Lubba, Lubba le arəje nɛ̂n tɔyn karə n-naynje nɛ̂n kəm baa bba karə junn rɔje jarɛ̂. Narə n-gəre ne kə̂ n̂-bbarje karə jinga piti laa ddəm n-dda nɛ̂n-ddaje laa kə̂ maji ddəm.

2 Jan 1:5

Oo, kɔn-baay, nɛ̂n kə̂ m-duji â nəənn: Maji karə n-ndikije naan horo naan tə̂. To ndu kə̂ siki â m-dda makəturu tə̂ mari ang. To ndu kə̂ jingaje kunn-kute tə̂ njaa.