Epɛjinyɛje 3:9 - Dɔnɔn kə̂ Siki: Tar kə̂ aw arə təbbə

⁹ Narəm ddəw tɔ karə m-tɔju gusu kə̂ n̂-dda nɛ̂n nɛ̂nje kə̂ n̂-gɔl kə̂ toje lo-kiyɛ̂ tə̂ le marə uja kəm dəwje tə̂ kə majɛ̂. Ne Lubba kə̂ n̂-dda nɛ̂nje tɔyn le n̂-ngəm nɛ̂nje kə̂ n̂-gɔl le lo-kiyɛ̂ tə̂ ləw baa.

Epɛjinyɛje 3:9 ပူးပေါင်းရင်းမြစ်များ

Matiye 10:27

Tar kə̂ m-pa marəse lo ndul tə̂ a, sese, maji karə ə-ndajije arəje dəwje dann karâ. Tar kə̂ n̂-pa mbise tə̂ hɔy be a, maji karə ilaje nɛ̂n mbər dɔ kəy tə̂ taar.

Matiye 13:35

Yeenn bba tar lə Lubba kə̂ nje-kila mbər tar pa le ddee to tar kə̂ tɔkɔrɔ. N̂-pa nan: «Mâ kunn gusu-tar bba mâ pa nɛ̂n tar, Mâ kila mbər nɛ̂nje kə̂ toje lo-kiyɛ̂ tə̂, unn kute dɔ ndɔ tə̂ kə̂ m-dda nɛ̂n duninya.»

Matiye 25:34

Yeenn ngaâ tɔkə mbay le a pa karə njê kə̂ dɔ ji-kɔlɛ̂ tə̂ nan: ‹Sese kə̂ Bɔmje bbar tar kə̂ maji dɔse tə̂ le, ə-ddeeje. Ə-taaje Bbe-kɔn kə̂ Lubba gɔl mba tar ləse ləw baa kə̂ duninya to le.

Matiye 28:19

Yeenn a, awje rɔ gəl-dəwje tə̂ tɔyn kə̂ dɔ nangə tə̂. Ə-ddajede to njê-njaje gom tə̂ ta ə-ddajede batɛm kə ri Bɔ, ri Ngonn kə ri Ndil-mə-nda.

Luku 24:47

Dâ kila mbər tar kə ri Kristə le karə gəl-dəwje tɔyn turuje nɛ̂n məde, mba karə tar majang ləde ɔru dɔde tə̂. Mbər tar le a kunn-kute Jerujalɛm tə̂.›

Tar kə̂ Maji kə̂ Jan dda makəturu tə̂ 10:30

Əman kə Bɔmje, n-to dəwje kə̂ kâra baa.»

Tar kə̂ Maji kə̂ Jan dda makəturu tə̂ 5:17

A Jeju pa arəde nan: «Bɔmje aw dda kula ndərəng bbasinɛn. Əman kara maw dda kula tɔ.»

Tar kə̂ Maji kə̂ Jan dda makəturu tə̂ 5:19

Jeju təl pa arəde nan: «Tɔkɔrɔ njaa, m-pa marəse: Ngonn asə ta dda nɛ̂n kə dɔɛ̂ baa ang. Nɛ̂n kə̂ noo Bɔɛ̂je dda bba n̂-dda. Nɛ̂n tɔyn kə̂ Bɔ dda a, Ngonn dda tɔ.

Kulaje 15:18

N̂-tɔju dəwje nɛ̂n kə̂ nəjə ta dda le ləw baa.›

Rɔmɛnje 11:25

Ngakɔnʼmje, m-ndiki karə ə-gərəje marə nɛ̂n dɔ nɛ̂n tə̂ kə̂ Lubba əjə ta dda ngaâ nayn lo-kiyɛ̂ tə̂ bbay nəənn nan kin karə ooje rɔse to njê-kəm-karɛje. Marə dəbbə dəwje kə̂ Ijarayɛl məde aw kətərə ndərəng karə kɔr dəwje kə̂ toje to Jiipije ang le tɔyn ingaje kaji bba.

1 Kɔrɛntinyɛje 2:7

Jaw tɔju kəm-karɛ lə Lubba kə̂ to nɛ̂n kə̂ dum dɔ dəw ngaâ iya rɔɛ̂. Kete bba karə duninya to le, Lubba gɔl kəm-karɛ le tokə kete, ta dda karə jinga nɛ̂n piti laa.

Epɛjinyɛje 1:4

N̂-mbərəje ddəw tə̂ lə Kristə kete bba n̂-dda duninya, karə n-ddee to dəwje kə̂ maji tɔyn ddəm dəwje kə̂ tar to dɔde tə̂ ang ddəm kəmɛ̂ tə̂. Ddəw ndiki tə̂ laa,

Epɛjinyɛje 3:2

Məjə to ooje tar kula kə̂ Lubba inya jim tə̂ ddəw mə-maji tə̂ laa mbase le njaa.

Epɛjinyɛje 6:19

Ə-dujuje Lubba nya mbam tɔ, karə bbo mâ ta pa tar a, n̂-tɔjum tar kə̂ mâ pa, ta kila nɛ̂n mbər nɛ̂n kə̂ iya rɔɛ̂ mə Tar kə̂ Maji tə̂ le kə bbəəl ang.

Kolosinyɛje 1:23

A maji karə ə-naynje ddəw mə-kunn tə̂ le ta arje dɔɛ tə̂ arə ngəng tokə kəy kə̂ gɔlɛ̂ uwa nangə kə majɛ̂. Nɛ̂n kə̂ Tar kə̂ Maji dda arə aw undaje məse dɔɛ tə̂ le, inyaje ddəwe ang. Tar kə̂ Maji le dila mbəre darə dəwje tɔyn kə̂ dɔ nangə tə̂. Ngaâ əman Pɔl, m-ddee to nje-kula Tar kə̂ Maji le.

Kolosinyɛje 1:26

Nɛ̂n nəənn le Lubba ngəm lo-kiyɛ̂ tə̂ bbal kə bbal ləw baa arə dəwje tɔyn gərəje ang. A bbasinɛn n̂-tee nɛ̂n kə ddaka narə dəwje laa.

Kolosinyɛje 3:3

Mba oyje mban ngaâ təbbə ləse kə̂ tɔkɔrɔ to lo-kiyɛ̂ tə̂ kə Kristə rɔ Lubba tə̂.

Kolosinyɛje 4:3

Maji karə ə-dujuje Lubba mba tar ləje tɔ, karə nɔru ddəw narə n-pa tar laa. Baann bba karə mila mbər tar lə Kristə kə̂ to lo-kiyɛ̂ tə̂ le. Mba nɛ̂ɛnn le â dilam kəy-kula tə̂ mbɛɛ̂.

2 Tesalonisinyɛje 2:13

See ngakɔnje kə̂ Əbbə-dəwje ndikise nya, to tar ləje ta karə wooyo Lubba mbase kə ndɔ tɔyn, mba Lubba mbərəse kunn-kutu duninya tə̂ nu karə ingaje kaji ddəw Ndil tə̂ kə̂ aw dda arə ə-ddeeje maji tɔyn kə ddəw məse tə̂ kə̂ unnje arəje tar kə̂ tɔkɔrɔ.

1 Timɔte 3:16

Tɔkɔrɔ njaa, tar mə-kunn kə̂ n̂-tee kə gəle kə ddaka le to nɛ̂n kə̂ ngəng nya. Tarɛ̂ le tokə be: Kristə unn da-rɔ dəw, Ndil-mə-nda pa tar-naji laa nan n̂-to gatə gatə, anjəje ooeje, dəwje ilaje mbər tar laa horo gəl-dəwje tə̂, dəwje kə̂ dɔ nangə tə̂ unnje məde arɛ̂, Lubba unnɛ̂ aw saa darâ lo piti tə̂ laa.

2 Timɔte 1:9

Lubba kə̂ ajije njaa bbarje karə n-ddee to dəwje laa. Mba kula kə̂ maji kə̂ n-dda bba n̂-bbar nɛ̂n je ang. N̂-bbarje mba to nɛ̂n kə̂ n̂-gɔl kete ta dda ddəm mba mə-maji laa ddəm. N̂-dda kə je mə-maji le ddəw tə̂ lə Jeju-Kristə kete bba duninya to.

2 Timɔte 4:17

A Əbbə-dəwje njaa umanʼm ngaâ arəm singa, mba karə mila mbər tar laa nya marə dəwje ngaâ ta karə dəwje kə̂ toje to Jiipije ang kara tar laa oso mbide tə̂ tɔ ngaâ nɔrum ta ənam tə̂.

Titə 1:2

Yeenn bba dâ kundaje məde to dingaje təbbə kə̂ to kə ndɔ kə ndɔ. Lubba kə̂ ərə ngəm ndɔ kâra ang unn ndue ləw baa nu ta karəje təbbə kə̂ to kə ndɔ kə ndɔ le.

1 Piyɛr 1:20

Lubba mbəre kete bba dda duninya ngaâ tɔjɛ̂ kə ddaka ddutu ndɔ tə̂ mba maji ləse.

Apokalisi 13:8

Dəwje tɔyn kə̂ dɔ nangə tə̂ a poloje da kə̂ in mə ba-katə tə̂ tee le. To njê kə̂ ləw baa kə̂ Lubba dda duninya, ride goto makəturu təbbə tə̂ lə Ngonn Batə kə̂ n̂-tɔlɛ̂ to nɛ̂n-polo le.

Apokalisi 14:6

Goe ta a, moo marə anjə dang aw ila mə dara tə̂ taar nu. Tar kə̂ Maji kə̂ to kə ndɔ kə ndɔ to ta karə n̂-pa narə dəwje kə̂ dɔ nangə tə̂: Dəwje kə̂ gəlde dang dang tɔyn, dəwje kə̂ gəl-kujude dang dang, dəwje kə̂ ndɔn-tarje ləde dang dang kə dəwje kə̂ bbeje tə̂ dang dang tɔyn.

Apokalisi 17:8

Da kə̂ ooe le to ləw, a n̂-to ang ngaa. Nâ kin tɔkə buwa tə̂ kə̂ sunrɛ̂ goto le tee ta kaw nayn kə kɔrɔ̂ nyɔm. Bbo dəwje kə̂ kunn-kutu duninya tə̂ nu duja ride makəturu təbbə tə̂ ang ooje da le a, məde a kunda dɔ binya. Mba n̂-to ləw, a n̂-to ang ngaa, a nâ təl kunda lo tee bbay.

Apokalisi 4:11

«Əbbə-dəwje Lubba ləje, asə ta karə dəwje pitije, karə dəwje walije, asə ta kinga singa-mɔngu, mba əi njaa ə-dda nɛ̂nje tɔyn, əi njaa ə-ndiki bba nɛ̂nje le toje.»