Ebərəje 9:9 - Dɔnɔn kə̂ Siki: Tar kə̂ aw arə təbbə

⁹ Nɛ̂njeenn aw tɔjuje marə nɛ̂n dɔ ndɔje kə̂ bbokənɛn, ta tɔju to nɛ̂n-karə-baaje kə nɛ̂n-poloje kə̂ dəwje aw arəje Lubba asəje ta dda karə kəjə lə dəw kə̂ aw polo Lubba le ddee maji tɔyn ang.

Ebərəje 9:9 ပူးပေါင်းရင်းမြစ်များ

Rɔmɛnje 5:14

A unn kute dɔ ndɔ tə̂ lə Adam ndərəng dɔ ndɔ tə̂ lə Mɔyijə, yo ubba singa dɔ dəwje tə̂. Adam aal ta Lubba, a njê kə̂ ddaje majang tokə laa ang njaa kara yo ubba singa dɔde tə̂ tɔ. Adam le to tokə Jeju kə̂ a ddee.

Galatəje 3:21

Yeenn pa nan, Ndu lə Mɔyijə mbətə ndu-kunnje lə Lubba le wa? Baann ang. Mba bbo marə Ndu aw dda arə dəw aw isi kəm baa a, Ndu a dda karə dəw ddee gatə gatə kəm Lubba tə̂ tɔ.

Ebərəje 10:11

Njê-poloje Lubba kâra kâra tɔyn aw arje taar lo kula tə̂ ləde kə ndɔ tɔyn mba dda kula ləde. Nɛ̂n-poloje kə̂ kâra baa â daw darə. A to nɛ̂n-poloje kə̂ a kasə ta kɔru majangje ndɔ kâra ang.

Ebərəje 11:19

Abaraham pa məɛ̂ tə̂ nan: «Dəw kə̂ oy kara, Lubba ee kə singa ta ndole.» Mba yeenn bba Lubba təl kə ngonnɛ̂ le arɛ̂ tokə dəw kə̂ oy bba ndol.

Ebərəje 5:1

Tɔkə njê-poloje Lubba kâra kâra tɔyn, n̂-mbərəde horo dəwje tə̂ karə n̂-ddaje kula lə Lubba mba dəwje le. Kula ləde to ənga kunn nɛ̂n-karə-baaje kə nɛ̂n-poloje kə̂ dəwje ddeeje nɛ̂n karə Lubba mba majangje.

Ebərəje 7:11

Lubba unn ndu arə ngann Ijarayɛlje pa nan, njê kə̂ gəl Lebi tə̂ â a toje to njê-poloje Lubba. A bbo kula polo-Lubba ləde le asə ta dda karə dəw ddee maji tɔyn a, mba ddi bba a to maji ta kinga marə nje-polo Lubba dang bbay tokə Mɛlkisedɛk bbo marə dəw kə̂ gəl Lebi tə̂ tokə lə Arɔn ang wa?

Ebərəje 8:4

Bbo Kristə nayn dɔ nangə tə̂ nəənn njaa kara, nâ to nje-polo Lubba ang. Mba marə njê-poloje Lubba toje mban. Daw dunnje nɛ̂n-karə-baaje darəje Lubba tokə ndu lə Mɔyijə pa le.

Ebərəje 9:24

Kəy lə Lubba kə̂ dəwje â ddaje kə jide â Kristə andə tə̂ ang. Yeenn to ndil nɛ̂n kə̂ tɔkɔrɔ le baa. Nandə mə dara tə̂ njaa, bbasinɛn naw nar nɔn Lubba tə̂ mba tar ləje.

1 Piyɛr 3:21

Yeenn to nɛ̂n kə̂ tɔju batɛm kə̂ aw ajise bbasinɛn le. Batɛm to nɛ̂n kə̂ aw toko nɛ̂n-yərəw kə̂ da-rɔ tə̂ ang. To kunn rɔ ta dda kə Lubba kə kəjə kə̂ maji. Batɛm le ajise ddəw ndol tə̂ kə̂ Jeju-Kristə ndol buwa-yo tə̂.