Ebərəje 9:10 - Dɔnɔn kə̂ Siki: Tar kə̂ aw arə təbbə

¹⁰ Nɛ̂njeenn toje to nɛ̂nje kə̂ dəwje â aw ddaje rɔde tə̂ ddaka baa ɔju dɔ nɛ̂n-kusaje kə toko nɛ̂n-yərəwje. Nɛ̂njeenn le toje to nduje kə̂ naynje kə singade ndərəng kar tə̂ kə̂ Lubba turu nɛ̂n nɛ̂nje tɔyn arə ddeeje tokə siki.

Ebərəje 9:10 ပူးပေါင်းရင်းမြစ်များ

Marke 7:4

Bbo dinje natâ n̂-təlje kə̂y a, n̂-tokoje rɔde mba kɔru nɛ̂n nɛ̂n-yərəw rɔde tə̂ kə ddang bba dusaje nɛ̂n. Daw ngəmje marə nɛ̂n-ji-bbeje lə kadedeje nya tokə lə: Gusu toko əngoje, joje kə kaje.

Galatəje 4:9

A bbasinɛn, ə-gərəje Lubba ngaa, uta tɔyn Lubba gərəse ngaa. A, â təl bbəəlje ndilje kə̂ duninya tə̂ kə̂ singade goto ddəm ture goto ddəm tokə baânn wa?

Epɛjinyɛje 1:10

Nɛ̂n kə̂ n̂-ndiki ta dda le bbo karɛ̂ asə a, ta mbɔn nɛ̂nje tɔyn kə̂ toje mə dara tə̂ kə nɛ̂nje kə̂ toje dɔ nangə tə̂ kungu kɔ gɔl mbay tə̂ kə̂ kâra baa, kə̂ to Kristə.

Epɛjinyɛje 2:15

Nɔru Ndu lə Mɔyijə kə tarje kə̂ məɛ tə̂ kə ddang. N̂-dda baann ta mbɔn Jiipije kə dəwje kə̂ toje to Jiipije ang karə n̂-ddeeje to gəl-dəwje kə̂ siki kə̂ kâra baa ddəw mə-kâra tə̂ kə̂ n̂-ddaje kə Kristə ngaâ karə mə-wul-lɔm to horode tə̂.

Kolosinyɛje 2:16

Yeenn a, arəje dəw kâra gangə sariya dɔse tə̂ mba nɛ̂n kə̂ aw usaje ang ddəm mba nɛ̂n kə̂ aw ayje ang ddəm mba marə kusu ang ddəm mba kusu nɛyn kə̂ siki wase ndɔ-kuwa-rɔ ang ddəm.

Ebərəje 10:22

Yeenn a, maji karə n-ddeeje ngɔsi kə Lubba kə mə-kâra ddəm junnje məje tɔyn njaa jarɛ̂je ddəm. Mba məje le, n̂-toko kəjəje kə̂ maji ang kə̂ toje tə̂ kə ddang. Ngaâ da-rɔje le, maann kə̂ maji â n̂-toko nɛ̂n.

Ebərəje 13:9

Maji karə inyaje arə nɛ̂n-tɔjuje kə̂ dang dang ddaje arə ə-ndəəmje ddəw ang. Maji karə ingaje singa ddəw mə-maji tə̂ lə Lubba bbo ddəw nduje tə̂ kə̂ dɔ nɛ̂n-kusaje tə̂ ang. Mba dəwje kə̂ aw ngəmje ndujeenn le ingaje marə nɛ̂n kâra ddəwe tə̂ ang.

Ebərəje 2:5

Duninya kə̂ bara kə̂ jaw pa tarɛ̂ nəənn le, anjəje â Lubba arəde singa mba kɔn dɔɛ̂ ang.

Ebərəje 6:2

tar batɛmje, tar kila ji dɔ dəwje tə̂, tar ndol lə dəwje kə̂ oyje kə tar sariya kə̂ to kə ndɔ kə ndɔ le.

Ebərəje 6:5

N̂-gərəje maji lə tar lə Lubba ngaâ n̂-gərəje singa-mɔnguje lə Lubba kə̂ a toje ndɔ tə̂ kə̂ nâ ddee kɔn-mbay.

Ebərəje 7:12

Mba bbo gusu kula polo-Lubba turu a, ndu a turu njaa tɔ.

Ebərəje 7:16

N̂-ddee to nje-polo Lubba ddəw ndu tə̂ lə dəwje ang, a ddəw singa-mɔngu tə̂ kə̂ to mə təbbə tə̂ laa kə̂ a tuju ndɔ kâra ang.

Ebərəje 9:1

Dɔnɔn kə̂ dɔngɔr tɔju ddəwje kə̂ dəwje a poloje nɛ̂n Lubba ddəm tɔju marə kəy lə Lubba kə̂ dɔ nangə tə̂ ddəm.