Ebərəje 8:1 - Dɔnɔn kə̂ Siki: Tar kə̂ aw arə təbbə

¹ Tar kə̂ ngəng uta kəseje kə̂ ja ta pa â nəənn: Tɔkə nje-polo Lubba ləje to darâ. Nisi dɔ ji-kɔl ngende-mbay tə̂ lə Lubba kə̂ to nje-singa-mɔngu kə̂ uta tɔyn.

Ebərəje 8:1 ပူးပေါင်းရင်းမြစ်များ

Marke 16:19

Go tar tə̂ kə̂ Əbbə-dəwje Jeju pa arəde tokə baann a, Lubba unnɛ̂ aw saa darâ ngaâ nisi dɔ ji-kɔlɛ̂ tə̂.

Epɛjinyɛje 6:20

Kar tə̂ kə̂ mee nɛ̂n kəy-kula tə̂ nəənn kâra, m-to dəw kə̂ aw dda kula kə ri Kristə ta kila mbər Tar kə̂ Maji. Yeenn a, ə-dujuje Lubba karə mila mbər tar le kə bbəəl ang ddəm kə dɔgɔlɛ̂ ddəm.

Kolosinyɛje 3:1

Ə-ndolje kâra baa kə Kristə kə̂ oy ngaâ ndol le mban. Yeenn a, maji karə kəmse to kə dɔ nɛ̂n tə̂ kə̂ darâ, lo tə̂ kə̂ Kristə isi tə̂, dɔ ji-kɔl Lubba tə̂.

Ebərəje 1:13

Ta pa karə marə anjə nan: «Ə-ddee isi dɔ ji-kɔləm tə̂, mâ dda karə njê-baanje ləi ddeeje to lo kungu gɔli.» Lubba pa tar baann ndɔ kâra ang.

Ebərəje 1:3

Ddəw tə̂ lə Ngonn le â dəwje ooje piti lə Lubba kə̂ aw ndoko ngaâ n̂-to tokə Lubba njaa. Tar laa kə̂ ee kə singa nya aw dda arə nɛ̂nje tɔyn naynje kə lo-tode. N̂-toko majang lə dəwje ngaâ goe tə̂ a, naw nisi darâ dɔ ji-kɔl Lubba tə̂ kə̂ to nje-singa-mɔngu.

Ebərəje 10:12

A Kristə arə nɛ̂n-polo kâra baa mba majangje. Goe tə̂ a, nisi dɔ ji-kɔl Lubba tə̂ nyɔm kə ləw.

Ebərəje 12:2

Jarəje kəmje to kə dɔ Jeju tə̂ kə̂ ɔru ta-ddəw mə-kunn arəje ngaâ aw dda arə mə-kunn ləje le aw sangə kə majɛ̂ le. N̂-ndiki tə̂ ta koy dɔ kakə-dəsə tə̂ bbo n̂-dda rɔ-kule ang. N̂-ndiki tə̂ mba noo rɔ-nəəl kə̂ nâ kinga goe tə̂ tokə kete ngaâ bbasinɛn, nisi dɔ ji-kɔl Lubba tə̂.

Ebərəje 2:17

Mba yeenn bba, maji karə n̂-ddee tokə lə ngakɔɛ̂nje mə nɛ̂nje tə̂ tɔyn. Yeenn bba n̂-ddee to tɔkə nje-polo Lubba kə̂ aw dda mə-maji kə dəwje ngaâ aw dda nɛ̂n lə Lubba kə dɔgɔlɛ̂ mba kɔru nɛ̂n tar majang lə dəwje dɔde tə̂ kə ddang.

Ebərəje 3:1

Mba yeenn bba, see ngakɔnʼm kə̂ Lubba bbarse arə ə-ddeeje to dəwje laa, arəje kəmse to kə dɔ Jeju tə̂. N̂-to nje-kaw-kula lə Lubba ddəm tɔkə nje-polo Lubba kə̂ jooje məje tə̂ ddəw tə̂ laa ngaâ jaw pa tarɛ̂ kə taje ddəm.

Ebərəje 4:14

Tɔkə nje-polo Lubba ləje to. Ne kə̂ nuta kəseje tɔyn, kə̂ naw ndərəng n̂-tee nɔn Lubba tə̂ darâ: To Jeju Ngonn lə Lubba. Yeenn bba joo nɛ̂n məje tə̂ mban arə maji karə juwaje jarə ngəng.

Apokalisi 3:21

Dəw kə̂ tətə ddɔ a, mâ karɛ ddəw karə nisi səm dɔ ngende-mbay tə̂ ləm tokə m-tətə ddɔ ngaâ maw misi kə Bɔmje dɔ ngende-mbay tə̂ laa le.