Ebərəje 7:11 - Dɔnɔn kə̂ Siki: Tar kə̂ aw arə təbbə

¹¹ Lubba unn ndu arə ngann Ijarayɛlje pa nan, njê kə̂ gəl Lebi tə̂ â a toje to njê-poloje Lubba. A bbo kula polo-Lubba ləde le asə ta dda karə dəw ddee maji tɔyn a, mba ddi bba a to maji ta kinga marə nje-polo Lubba dang bbay tokə Mɛlkisedɛk bbo marə dəw kə̂ gəl Lebi tə̂ tokə lə Arɔn ang wa?

Ebərəje 7:11 ပူးပေါင်းရင်းမြစ်များ

Galatəje 2:21

M-ndiki ta mbətə mə-maji kə̂ Lubba dda le ang. Mba bbo dəw aw ddee gatə gatə ddəw Ndu tə̂ kəm Lubba tə̂ a, yeenn pa nan Kristə oy baa be.

Galatəje 4:3

Jeje kara, ləw nayn tokə ngannje, n-toje to bbərəje lə kəjəje kə̂ duninya tə̂ nəənn.

Galatəje 4:9

A bbasinɛn, ə-gərəje Lubba ngaa, uta tɔyn Lubba gərəse ngaa. A, â təl bbəəlje ndilje kə̂ duninya tə̂ kə̂ singade goto ddəm ture goto ddəm tokə baânn wa?

Ebərəje 5:10

Tɔkɔrɔ njaa, Lubba undɛ̂ to tɔkə nje-polo tokə Mɛlkisedɛk.

Ebərəje 5:6

Lubba pa bbay nan: «Â to tɔkə nje-polo Lubba kə̂ to kə ndɔ kə ndɔ tokə Mɛlkisedɛk.»

Ebərəje 6:20

Jeju andə lo tə̂ le kete arəje to nje-kɔru nɔnje. N̂-ddee to tɔkə nje-polo Lubba tokə Mɛlkisedɛk. Nâ nayn to tɔkə nje-polo Lubba kə̂ to kə ndɔ kə ndɔ.

Ebərəje 7:10

Mba kar kə̂ Mɛlkisedɛk aw inga Abaraham le, Lebi nayn mə kɛɛ̂je Abaraham tə̂ le bbay.

Ebərəje 7:12

Mba bbo gusu kula polo-Lubba turu a, ndu a turu njaa tɔ.

Ebərəje 7:13

Tarjeenn le toje ɔju dɔ Əbbəjeje kə̂ gəle to dang. Dəw kâra kə̂ gəle tə̂ dda kula polo-Lubba dɔ bann tə̂ ang.

Ebərəje 7:15

Nɛ̂n kə̂ dda arə nɛ̂njeenn tɔyn arɛje yərərə kəmje tə̂ â nəənn: Marə nje-polo Lubba kə̂ dang ddee ngaâ to tokə Mɛlkisedɛk le.

Ebərəje 7:21

A ənga Jeju, Lubba unda yo nan: «Əbbə-dəwje pa tar le to yo-kunda mban, nâ təl turu ndue ang ngaa. N̂-pa nan: ‹Ə-to nje-polo Lubba kə̂ to kə ndɔ kə ndɔ.› »

Ebərəje 8:7

Bbo dɔnɔn kə̂ dɔngɔr asə tɔyn njaa a, dâ təl kɔsu marɛ̂ to joo laa ang ngaa.

Ebərəje 9:6

Dunda nɛ̂nje le tɔyn tokə baann. A kə ndɔ tɔyn, njê-poloje Lubba aw andəje dəbbə lo tə̂ kə̂ dɔngɔr kə̂ mə kəy-tande tə̂ le bba aw poloje Lubba.