Ebərəje 6:4 - Dɔnɔn kə̂ Siki: Tar kə̂ aw arə təbbə

⁴ Marə dəwje, lo-karɛ lə Lubba dda arə kəmde uja, dingaje nɛ̂n-karə-baa kə̂ in darâ ngaâ dingaje Ndil-mə-nda.

Ebərəje 6:4 ပူးပေါင်းရင်းမြစ်များ

Matiye 12:45

Yeenn ngaâ naw noto marə ndilje kə̂ maji ang nya utɛ̂ siri n̂-ddee kə de ngaâ dandəje mə kəy tə̂ le disije tə̂. Goe tə̂ a, kisi lə dəw le təl maji ang nya uta ye kə̂ kete. Nɛ̂n kə̂ a kinga dəwje kə̂ majije ang kə̂ bbasinɛn nəənn a to tokə baann tɔ.»

Matiye 5:13

«Sese â ə-toje to katə kə̂ dɔ nangə̂ tə̂ nəənn. A bbo dɔɔn lə katə le goto a, ddi bba dəw a dda karə katə le təl dɔɔn bbay wa? Marə nɛ̂n dang kə̂ ta dda nɛ̂n goto. To nɛ̂n kungu kɔrɔ̂ karə dəwje mbɔynje kə gɔlde.

Tar kə̂ Maji kə̂ Jan dda makəturu tə̂ 15:6

Bbo dəw nayn rɔm tə̂ ang a, dâ kilɛ̂ ddaka tokə barkəm binyə karə n̂-tutu. Ngaâ, dâ koto kungu purô karə puru ɔn.

Tar kə̂ Maji kə̂ Jan dda makəturu tə̂ 3:27

Jan ilade tə̂ nan: «Nɛ̂n kə̂ dara arə bba dəw a kasə ta kinga.

Tar kə̂ Maji kə̂ Jan dda makəturu tə̂ 4:10

Jeju ilɛ̂ tə̂ nan: «Bbo ə-gərə nɛ̂n kə̂ Lubba aw arə dəw ngaâ bbo ə-gərə dəw kə̂ aw duji maann-kay nəənn a, əi â, â duje maann-kay, ta nâ kari maann kə̂ aw arə təbbə.»

Tar kə̂ Maji kə̂ Jan dda makəturu tə̂ 6:32

Jeju ilade tə̂ nan: «Tɔkɔrɔ, m-pa marəse: To Mɔyijə â arəse mapa kə̂ darâ ang. To Bɔmje â aw arəse mapa kə̂ tɔkɔrɔ kə̂ darâ.

Kulaje 10:45

Njê-mə-kunnje kə̂ toje to Jiipije kə̂ dannje Piyɛr le dɔde ayn, mba dooje a, Lubba arə Ndil-mə-nda dəwje kə̂ toje to Jiipije ang tɔ.

Kulaje 11:17

Lubba arəde Ndil-mə-nda tokə narəje kar tə̂ kə̂ junn nɛ̂n məje jarə Əbbə-dəwje Jeju-Kristə le. Yeenn a, m-to dəw ddi bba mâ kasə kɔku ddəw Lubba karə dda marə nɛ̂n wa?»

Kulaje 15:8

Lubba kə̂ gərə mə dəwje tɔju to n̂-taa dəwje kə̂ toje to Jiipije ang kə rɔɛ̂ tə̂. Yeenn bba narəde Ndil-mə-nda tokə narəje le tɔ.

Kulaje 8:20

A Piyɛr ilɛ̂ tə̂ nan: «Maji karə oy kə narɛ ləi tɔyn, mba əjə to â kasə ndoko nɛ̂n kə̂ Lubba aw arə dəw baa kə narɛ.

Rɔmɛnje 1:11

Mba maal koose ddam nya, ta kaw karə ingaje marə gusuje kə̂ Ndil-mə-nda aw arə bba karə ingaje singa.

2 Kɔrɛntinyɛje 4:4

Dooje məde tə̂ ang, mba Satan kə̂ to lubba kə̂ nangə̂ nəənn ɔku ddəw nɛ̂n-gərə ləde karə dooje ndoko lə Tar kə̂ Maji kə̂ aw tɔju piti lə Kristə. Kristə kə̂ to tokə Lubba le.

2 Kɔrɛntinyɛje 4:6

Mba Lubba kə̂ pa nan: «Maji karə lo ndoko lo tə̂ kə̂ ndul» le, ne njaa n̂-ndoko məje tə̂, ta dda karə joo ndoko laa kə̂ aw ndoko kəm Kristə tə̂.

Galatəje 3:2

M-ndiki karə tar nəənn njaa ilamje tə̂: Ngəm kə̂ ə-ngəmje Ndu lə Mɔyijə â ingaje nɛ̂n Ndil-mə-nda wase mə-kunn â ingaje nɛ̂n Ndil-mə-nda le wa?

Galatəje 3:5

Lubba kə̂ arəse Ndil ngaâ aw dda nɛ̂n-mɔrije horose tə̂ le aw dda mba Ndu lə Mɔyijə kə̂ aw ngəmje wase mba mə-kunn wa?

Epɛjinyɛje 1:18

M-duju karə Lubba ɔru kəmse arə ə-gərəje nɛ̂n kə̂ aw undaje məse dɔɛ tə̂, kə̂ n̂-bbarse mbɛɛ̂ le karə ə-gərəje nɛ̂n-kingaje kə̂ to nɛ̂n piti kə̂ narə dəwje laa ingaje, sese ddəm njê-mə-kunnje ddəm.

Epɛjinyɛje 2:8

Mə-maji lə Lubba â aji nɛ̂n se ddəw koo kə̂ ooje məse tə̂ saa, bbo ə-ddaje marə nɛ̂n kâra mbɛɛ̂ ang. To nɛ̂n kə̂ Lubba arəse baa.

Epɛjinyɛje 3:7

M-ddee to nje-kula Tar kə̂ Maji ddəw mə-maji tə̂ lə Lubba kə̂ dda səm baa kə singa-mɔngu laa.

Epɛjinyɛje 4:7

A jeje tɔyn njaa Lubba dda kə je mə-maji asə kəm gusu kə̂ Kristə arəje kâra kâra.

1 Timɔte 4:14

Ndil-mə-nda ari gusu. Ə-dda ngar kə gusu le ang. Inga gusu le go tarje tə̂ kə̂ njê-kilaje mbər tar lə Lubba paje ngaâ dəwje kə̂ dɔ Egilisi tə̂ mbɔnje naan ilaje jide dɔi tə̂.

2 Timɔte 2:25

Maji karə n̂-tɔju ddəw dəwje kə̂ aw maynje saa tar kə gɔsu kə̂ wul pee. A du ang, Lubba a dda karə n̂-turuje məde mba gərə tar kə̂ tɔkɔrɔ.

2 Timɔte 4:14

Alɛkəjandərə kə̂ to nje-dda-kɔru ddam maji ang nya. Əbbə-dəwje a təl nɛ̂n karɛ̂ asə kula-ddɛɛ̂.

Ebərəje 10:32

A maji karə oleje məse dɔ nɛ̂n tə̂ kə̂ ingase ləw. Go kəmse tə̂ kə̂ Lubba dda arə uja le, ə-maanje gɔlse nangə̂ ə-ddaje nɛ̂n ddɔ arəje ngəng.

Ebərəje 2:4

Lubba njaa kara tɔju to tarje ləde le to tarje kə̂ tɔkɔrɔ, ddəw nɛ̂n-mɔrije tə̂ dang dang ddəm ddəw gusuje tə̂ lə Ndil-mə-nda kə̂ aw kayn dəwje tokə məɛ̂ ndiki ddəm.

1 Jan 5:16

Bbo dəw oo ngokɔɛ̂n lo dda majang tə̂ kə̂ a kaw saa karə noy ang a, maji karə dəw le duju Lubba, a Lubba a karə təbbə ngokɔɛ̂n le, tokə majang laa le to majang kə̂ a kaw saa karə ninga yo ang. Majang kə̂ aw uju yo to. M-duju karə ə-dujuje Lubba mba majang kə̂ baann ang.