Ebərəje 13:3 - Dɔnɔn kə̂ Siki: Tar kə̂ aw arə təbbə

³ Maji karə əjəje dɔ dəwje tə̂ kə̂ toje kəy-kula tə̂ tokə nɛ̂n kə̂ sese njaa â ə-toje kəy-kula tə̂ le kə de tɔ. Maji karə əjəje dɔ dəwje tə̂ kə̂ daw ddade maji ang tokə nɛ̂n kə̂ sese njaa â daw ddase maji ang tɔ.

Ebərəje 13:3 ပူးပေါင်းရင်းမြစ်များ

Matiye 25:36

Kubbu goto rɔm tə̂ a, arəmje kubbu mula. Rɔm tom a, ə-ddee oomje. M-to kəy-kula tə̂ a, ə-ddeeje oomje.›

Matiye 25:43

M-to nje-mba, a ə-taamje kə kə̂y ang. Kubbu goto rɔm tə̂, a arəmje kubbu ang. Rɔm tom, a ə-ddeeje oomje ang ddəm m-to kəy-kula tə̂, a ə-ddeeje oomje ang ddəm.›

Kulaje 24:23

Nunn ndu narə mbay lə mbambaje karə n̂-ngəm Pɔl kəy-kula tə̂, a ta ninya ddəw narə n̂-dda marə nɛ̂nje kə̂ məɛ̂ ndiki ddəm ninya ddəw narə njê kə̂ laa ddee umɛ̂nje ddəm.

Kulaje 27:3

Ndɔ kâra goe tə̂ a, n-tee Sidɔn. A Juliyus kə̂ aw dda Pɔl maji le inyɛ̂ arə naw rɔ njê-buwa-kuraje tə̂ laa mba karə darɛ̂ marə nɛ̂nje kə̂ due.

Rɔmɛnje 12:15

Maji karə ə-ddaje rɔ-nəəl kə njê kə̂ aw ddaje rɔ-nəəl, ə-nɔnje kə njê kə̂ aw nɔnje.

1 Kɔrɛntinyɛje 12:26

Bbo marə barkəm-rɔ kâra aw oo ndoo a, kəseje tɔyn ooje saa ndoo. Bbo barkəm-rɔ kâra inga piti a, rɔ kəseje tɔyn nəəlde.

Epɛjinyɛje 4:1

Yeenn bba, əman kə̂ dilam kəy-kula tə̂ mba Əbbə-dəwje, m-dujuse nya karə pa-nja ləse to pa-nja lə dəwje kə̂ Lubba bbarde njaa.

Kolosinyɛje 4:18

M-ddase lapiya, əman Pɔl njaa muja lapiya nəənn makəturu tə̂ kə jim. Maji karə oleje məse to m-nayn kəy-kula tə̂ bbay. Mə-maji lə Lubba nayn kə se.

Ebərəje 10:34

Ngaâ ooje kəm-to-ndoo lə njê kə̂ dungude kəy-kula tə̂. A bbo duwa nɛ̂nje ləse n̂-taaje a, aw ndikije tə̂ kə rɔ-nəəl. Mba ə-gərəje to eeje kə nɛ̂n-kingaje kə̂ maji uta yejeenn ddəm nɛ̂n-kingaje kə̂ a toje kə ndɔ kə ndɔ ddəm.

Ebərəje 11:37

Marɛ̂je, n̂-tilade kə ər n̂-tɔlde, n̂-tuja marɛ̂je n̂-gangəde dannâ joo kə nɛ̂n-kuja kakə, marɛ̂je n̂-tukade kə tɔkə kiya n̂-tɔlde. N̂-gərəje lo kə̂ dâ kisije tə̂ ang. Əndaar batə, ang a, əndaar binya â dɔje. Nɛ̂n kâra ɔru jide ang. Dula kəmde ndoo tə̂ ddəm n̂-ddade maji ang ddəm.

1 Piyɛr 3:8

Ta kutu nɛ̂n dɔ tar ləm a, maji karə kəjə ləse to kâra baa ddəm ooje kəm-to-ndoo lə naan ddəm. Maji karə ə-ndikije naan to ngakɔn-naan njaa, ə-ddaje maji kə naan, ə-ddaje rɔse ngaji.