Ebərəje 12:3 - Dɔnɔn kə̂ Siki: Tar kə̂ aw arə təbbə

³ Maji karə əjəje dɔ Jeju tə̂ kə̂ oo ndoo tokə baann ji njê-nɛ̂n-ddaje tə̂ kə̂ maji ang kə̂ mbəteje, a n̂-tɔ wure le. Yeenn bba rɔse a koy njururu ang ddəm â tusuje ddəwe kinyaje ang ddəm.

Ebərəje 12:3 ပူးပေါင်းရင်းမြစ်များ

Matiye 11:19

Ngonn lə dəw ddee ngaâ ɔn muru ddəm ay nɛ̂n ddəm a dəwje paje nan: ‹N̂-to nje-nɛ̂n-kusa kə nje-nɛ̂n-kay. N̂-to nje-buwa-kura lə njê-taaje narɛ lambo ddəm njê-nɛ̂n-ddaje kə̂ maji ang ddəm.› A kulaje kə̂ kəm-karɛ lə Lubba le aw dda, tɔju to kəm-karɛ le to gatə gatə.»

Matiye 12:24

Parijinyɛje ooje tarɛ̂ a, paje nan: «Dingaw nəənn, Bɛljebul kə̂ to mbay lə ndilje kə̂ maji ang â arɛ̂ singa tubba nɛ̂n ndilje kə̂ maji ang.»

Matiye 15:2

«Mba ddi bba njê-njaje goi tə̂ aw mbətəje nɛ̂n-ji-bbeje lə kajejedede wa? Mba dawje ta kusa nɛ̂n a, n̂-tokoje jide ang.»

Matiye 21:23

Jeju andə mə kəy-polo Lubba tə̂ aw tɔju nɛ̂n. A mbayje lə njê-poloje Lubba kə tɔkəje lə Jiipije ddeeje rɔɛ̂ tə̂. N̂-paje darɛ̂ nan: «Kə ri nân njaa aw dda nɛ̂n nɛ̂ɛnn wa? Wase nân njaa bba ari singa karə ə-dda nɛ̂n nɛ̂ɛnn wa?»

Matiye 21:46

N̂-sangəje ddəw ta kuwɛ̂je, a n̂-bbəəlje kəm dəwje kə̂ banya, mba dəwje le gərəje to Jeju to marə nje-kila mbər tar lə Lubba.

Matiye 22:15

Yeenn ngaâ Parijinyɛje aw uwaje dɔ naan ta nan Jeju mba kingɛ̂ ddəw tar tə̂ kə̂ a tee tɛɛ̂ tə̂.

Luku 14:1

Marə ndɔ-kuwa-rɔ tə̂, Jeju andə mə kəy tə̂ lə marə tɔkə mbay lə Parijinyɛje ta kusa nɛ̂n.

Luku 15:2

Parijinyɛje kə njê-gərəje-Ndu aw nyuruje nan: «Dəw nəənn aw uwa njê-nɛ̂n-ddaje kə̂ maji ang kə rɔɛ̂ tə̂ ngaâ usa nɛ̂n kə de.»

Luku 16:14

Parijinyɛje kə̂ ndikije narɛ nya ooje tarjeenn le tɔyn a, aw kokoje Jeju.

Luku 2:34

Simenyɔ bbar tar kə̂ maji dɔde tə̂ ngaâ pa arə Mari kɔn Jejuje le nan: «Oo, ddəw tə̂ lə ngonn nəənn, marə dəwje nya horo ngann Ijarayɛlje tə̂ a kosoje ngaâ marɛ̂je nya a kubbaje nangə kinje ddəm nâ to nɛ̂n kə̂ a ddee kə mayn naan tar ddəm

Luku 5:21

Njê-gərəje-Ndu kə Parijinyɛje aw əjəje tar ngaâ paje nan: «Dəw nəənn to dəw ddi bba aw tuju ri Lubba wa? Lubba kâra baa â asə ta kɔru tar majangje bbo marə dəw dang ang»

Tar kə̂ Maji kə̂ Jan dda makəturu tə̂ 10:20

Marɛ̂je nya horode tə̂ paje nan: «Ndil kə̂ maji ang isi məɛ̂ tə̂. Wooy ddɛɛ̂. Aw ooje tar laa mba ddi wa?»

Tar kə̂ Maji kə̂ Jan dda makəturu tə̂ 18:22

Jeju pa tar baann le a, marə mbamba kâra horo marɛ̂je tə̂ kə̂ eeje tə̂ənn unda ka-mbɔrɛ̂ ngaâ pa nan: «Baann â, â kila nɛ̂n tar tə̂ lə tɔkə nje-polo Lubba wa?»

Tar kə̂ Maji kə̂ Jan dda makəturu tə̂ 5:16

Mba yeenn bba, njê-kɔnje dɔ Jiipije le unnje kutu sangə ddəw ta dda Jeju maji ang, mba nɛ̂n kə̂ n̂-dda ndɔ-kuwa-rɔ tə̂ lə Jiipije le.

Tar kə̂ Maji kə̂ Jan dda makəturu tə̂ 7:12

Horo dəwje tə̂ kə̂ banya le, dəwje aw paje tar laa hɔy hɔy. Marɛ̂je paje nan: «N̂-to dəw kə̂ maji.» A marɛ̂je paje nan: «Ngəm, naw nərə dəwje.»

Tar kə̂ Maji kə̂ Jan dda makəturu tə̂ 8:13

Dɔɛ tə̂ənn, Parijinyɛje paje arɛ̂je nan: «Əi njaa aw pa tar-naji ləi, tar-naji ləi le to tar kə̂ tɔkɔrɔ ang.»

Tar kə̂ Maji kə̂ Jan dda makəturu tə̂ 8:52

Jiipije paje arəje Jeju nan: «Bbasinɛn n-gərə ngaa, ndil kə̂ maji ang to məi tə̂. Abaraham oy, njê-kilaje mbər tar lə Lubba oyje tɔ, a əi ə-pa nan: ‹Bbo dəw ngəm tar ləm a, nâ koy ndɔ kâra ang wa?›

Tar kə̂ Maji kə̂ Jan dda makəturu tə̂ 8:59

Yeenn ngaâ dotoje ərje ta tilɛ̂ nɛ̂n tɔlɛ̂, a Jeju iya rɔɛ̂ ngaâ tee kəy-polo Lubba tə̂ ɔtu.

Tar kə̂ Maji kə̂ Jan dda makəturu tə̂ 9:40

Marə Parijinyɛje kə̂ eeje tə̂ənn le ooje tar lə Jeju le ngaâ dujeje nan: «Jeje kara n-to njê-kəm-tɔje tɔ wa?»

1 Kɔrɛntinyɛje 15:58

Yeenn a, ngakɔnʼmje kə̂ m-ndikise nya, uwaje arə ngəng, arəje nɛ̂n yəkəse ang. Ə-ddaje arə kula lə Əbbə-dəwje aw kə kete kete bbo inyaje ddəwe ang, mba ə-gərəje kə majɛ̂ to kula kə̂ aw ddaje ddəw mə-kâra tə̂ kə Əbbə-dəwje a to baa ang.

2 Kɔrɛntinyɛje 4:1

Lubba â arəje kula le ddəw maji tə̂ laa. Mba yeenn bba, rɔje nyaje ddəwe tə̂ ang.

2 Kɔrɛntinyɛje 4:16

Mba yeenn bba, rɔje oy ang. Ngaâ, le da-rɔje aw tuju jann jann kara, jaw jubba singa məje tə̂ tokə siki kə ndɔ tɔyn.

Galatəje 6:9

Maji karə n-ddaje maji, jarə rɔje nyaje tə̂ ang. Mba bbo juwa jarə ngəng ngaâ karɛ̂ asə a, ja kuja kandɛ̂.

2 Tesalonisinyɛje 3:13

A see ngakɔnje, maji karə ə-ddaje maji kə dəwje bbo arəje rɔse nyase ddəwe tə̂ ang.

Ebərəje 12:2

Jarəje kəmje to kə dɔ Jeju tə̂ kə̂ ɔru ta-ddəw mə-kunn arəje ngaâ aw dda arə mə-kunn ləje le aw sangə kə majɛ̂ le. N̂-ndiki tə̂ ta koy dɔ kakə-dəsə tə̂ bbo n̂-dda rɔ-kule ang. N̂-ndiki tə̂ mba noo rɔ-nəəl kə̂ nâ kinga goe tə̂ tokə kete ngaâ bbasinɛn, nisi dɔ ji-kɔl Lubba tə̂.

Ebərəje 12:5

Məse oy dɔ ndəjə kə̂ Lubba arəse tokə dəw aw arə ngannɛ̂ le wa? Ndəjə le nan: «Ngonnəm, bbo Əbbə-dəwje aw undai mba tɔji nɛ̂n ddəw a, oo to nɛ̂n kə̂ baa ang. A bbo n̂-ndɔru mbii a, arə rɔi oy njururu ang.

Ebərəje 3:1

Mba yeenn bba, see ngakɔnʼm kə̂ Lubba bbarse arə ə-ddeeje to dəwje laa, arəje kəmse to kə dɔ Jeju tə̂. N̂-to nje-kaw-kula lə Lubba ddəm tɔkə nje-polo Lubba kə̂ jooje məje tə̂ ddəw tə̂ laa ngaâ jaw pa tarɛ̂ kə taje ddəm.

1 Piyɛr 2:23

Dəwje tajɛ̂je, a nila tə̂ ang. Dula kəmɛ̂ ndoo tə̂, a n̂-pa tar dingaw ang, ninya rɔɛ̂ tɔyn mə ji Lubba tə̂ kə̂ aw gangə sariya kə̂ gatə gatə.

Apokalisi 2:3

«Ə-tɔ wuri nya ngaâ oo ndoo mba rim, a rɔi nyai ddəwe tə̂ ang.