Ndu lə Mɔyijə to ndil nɛ̂nje kə̂ maji kə̂ a toje ndɔ tə̂ kə̂ bara, bbo tɔju nɛ̂nje le kə dɔgɔlɛ̂ tɔyn ang. Mba yeenn bba, ddəw nɛ̂n-poloje tə̂ kə̂ daw darə kə bbal kâra kâra tɔyn le, Ndu asə ta dda karə dəw kə̂ ndiki ta ddee ngɔsi kə Lubba ddee maji tɔyn ndɔ kâra ang.
Njê-poloje Lubba kâra kâra tɔyn aw arje taar lo kula tə̂ ləde kə ndɔ tɔyn mba dda kula ləde. Nɛ̂n-poloje kə̂ kâra baa â daw darə. A to nɛ̂n-poloje kə̂ a kasə ta kɔru majangje ndɔ kâra ang.
Kristə pa dɔngɔr nan: «Nɛ̂n-poloje wase nɛ̂n-karə-baaje, daje kə̂ n̂-ro dɔ bann tə̂ wase nɛ̂n-poloje mba majangje le ə-ndiki tə̂ ang ddəm nəəli ang ddəm.» A, to nɛ̂nje kə̂ Ndu duju karə dəwje ddaje njaa.
Nɛ̂njeenn aw tɔjuje marə nɛ̂n dɔ ndɔje kə̂ bbokənɛn, ta tɔju to nɛ̂n-karə-baaje kə nɛ̂n-poloje kə̂ dəwje aw arəje Lubba asəje ta dda karə kəjə lə dəw kə̂ aw polo Lubba le ddee maji tɔyn ang.