Ebərəje 10:36 - Dɔnɔn kə̂ Siki: Tar kə̂ aw arə təbbə

³⁶ Maji karə uwaje arə ngəng bba â ddaje nɛ̂n kə̂ mə Lubba ndiki. Ngaâ goe tə̂ a, â kingaje nɛ̂n kə̂ nunn ndue ta karəse.

Ebərəje 10:36 ပူးပေါင်းရင်းမြစ်များ

Matiye 10:22

Dəwje tɔyn a mbətəjese mbam. A dəw kə̂ uwa arə ngəng ndərəng ddutu ndɔ tə̂ a, a kinga kaji.

Matiye 12:50

Bbo dəw dda nɛ̂n kə̂ mə Bɔmje kə̂ darâ ndiki a, dəw le to ngokɔnʼm, to kɔn-nannəm wase kɔnʼmje.»

Matiye 21:31

Jeju dujude nan: «Horo ngannje tə̂ kə̂ joo nəənn, ne kə̂ dda â n̂-dda nɛ̂n kə̂ bɔɛ̂je ndiki wa?» Dilɛ̂je tə̂ nan: «Ne kə̂ dɔngɔr.» Jeju pa arəde nan: «Tɔkɔrɔ njaa, m-pa marəse, njê-taaje narɛ lambo kə dɛnɛ̂n njê-kayaje a kandəje mə Bbe-kɔn tə̂ lə Lubba dɔngɔr karəse.

Matiye 24:13

A dəw kə̂ uwa arə ngəng ndərəng tee kɔnyɛ̂ tə̂ a, a kinga kaji.

Matiye 7:21

«Dəwje tɔyn kə̂ aw bbarəmje nan: ‹Əbbə-dəwje! Əbbə-dəwje!› Dede tɔyn â dâ kandəje Bbe-kɔn tə̂ kə̂ darâ ang. Bbayɛ̂ njaa to dede kə̂ n̂-ddaje nɛ̂n kə̂ mə Bɔmje kə̂ isi darâ ndiki.

Marke 3:35

Mba dəw kə̂ dda nɛ̂n kə̂ mə Lubba ndiki â to ngokɔnʼm, to kɔn-nannəm ngaâ to kɔnʼmje.»

Luku 21:19

Uwaje arəje ngəng mba təbbə ləse.»

Luku 8:15

Kandə-ko kə̂ gayn dɔ nangə tə̂ kə̂ maji le tɔju njê kə̂ ooje tar lə Lubba kə mə kə̂ maji kə mə kə̂ gatə gatə, a n̂-ngəmje tar le, duwaje darə ngəng ngaâ n̂-naynje daw dandəje kandə.»

Tar kə̂ Maji kə̂ Jan dda makəturu tə̂ 7:17

Dəw kə̂ ndiki ta dda nɛ̂n kə̂ mə Lubba ndiki a, a gərə se nɛ̂n-tɔju ləm in rɔ Lubba tə̂ wase tarje kə̂ məm tə̂ njaa maw pa wa.

Kulaje 13:22

«Lubba ɔru mbay dɔ Sawul tə̂ ngaâ narə Dabbiti ddee to tɔkə mbay ləde. Lubba pa tar lə Dabbiti le nan: ‹Minga Dabbiti ngonn lə Jese. N̂-to dəw kə̂ məm ndike. Ne â nâ dda nɛ̂nje tɔyn kə̂ məm ndiki.›

Kulaje 13:36

«Kar tə̂ kə̂ Dabbiti isi nɛ̂n kəm baa le, n̂-dda nɛ̂n tɔyn kə̂ Lubba ndiki ta karə n̂-dda n̂-tunga. Goe tə̂ a, noy, n̂-dubbe mbɔr kɛɛ̂jedede tə̂ ngaâ da-rɔɛ̂ tuju.

Rɔmɛnje 12:12

Maji karə ə-ddaje rɔ-nəəl mba nɛ̂n kə̂ aw undaje məse dɔɛ̂ tə̂. Maji karə ə-tɔje wurse mə nɛ̂n kəm-to-ndooje tə̂ kə̂ aw ingajese, ə-dujuje Lubba kə ndɔ tɔyn.

Rɔmɛnje 12:2

Maji karə ə-ndajije nɛ̂n-ddaje lə dəwje kə̂ duninya tə̂ nəənn ang, a inyaje ddəw arəje Lubba turu kəjə ləse. Baann bba â kasəje ta gərə nɛ̂n kə̂ Lubba ndiki, nɛ̂n kə̂ maji, nɛ̂n kə̂ nəəl kəmɛ̂ tə̂ kə nɛ̂n kə̂ maji tɔyn.

Rɔmɛnje 2:7

Marə dəwje sangəje ddəw ta dda maji kə ndɔ tɔyn mba karə Lubba pitide, karə n̂-walde ngaâ karə narəde təbbə kə̂ a tuju ang. Lubba a karəde təbbə kə̂ to kə ndɔ kə ndɔ.

Rɔmɛnje 8:25

A bbo jooje nɛ̂n kə kəmje ang bbay bba jaw jundaje məje dɔɛ̂ tə̂ a, jilaje məje pɔn jaw nginanje nɛ̂n nɛ̂ɛnn le.

1 Kɔrɛntinyɛje 13:7

Ndiki to tɔ-wur nɛ̂nje tə̂ tɔyn, n̂-ngəm mə-kunn nɛ̂nje tə̂ tɔyn, kunda-mə dɔ nɛ̂n tə̂ tɔyn, kuwa karə ngəng mə nɛ̂nje tə̂ tɔyn.

Galatəje 6:9

Maji karə n-ddaje maji, jarə rɔje nyaje tə̂ ang. Mba bbo juwa jarə ngəng ngaâ karɛ̂ asə a, ja kuja kandɛ̂.

Epɛjinyɛje 6:6

Ə-ddaje kə de baann mba nəəl nɛ̂n kəmde tə̂ ang. A ə-ddaje tokə bbərəje lə Kristə kə̂ unnje rɔde tɔyn ta dda nɛ̂n nɛ̂n kə̂ mə Lubba ndiki.

Kolosinyɛje 1:11

Lubba a dda karə ingaje singa mə nɛ̂nje tə̂ tɔyn ddəw singa-mɔngu tə̂ laa kə̂ to nɛ̂n-piti. Baann bba â tɔje wurse ngaâ â kuwaje karə ngəng mə nɛ̂nje tə̂ tɔyn.

Kolosinyɛje 3:24

Mba ə-gərəje to â kingaje nɛ̂nje kə̂ maji kə̂ Əbbə-dəwje ngəm mba dəwje laa to kuka ləde. Əbbəsese to Kristə, ne â aw ddaje saa.

Kolosinyɛje 4:12

Epaparas kə̂ to dəw kə̂ bbeê ləse ddase lapiya. Ne kə̂ n̂-to bbərə-kula lə Jeju-Kristə le naw dda ddɔ mba tar ləse kə ndɔ tɔyn, ddəw duju Lubba tə̂ bba karə uwaje arəje ngəng, karə ə-ddeeje maji tɔyn, bba karə unnje rɔse tɔyn ta dda nɛ̂n tɔyn kə̂ mə Lubba ndiki.

1 Tesalonisinyɛje 1:3

Kəm Lubba tə̂ kə̂ to Bɔjeje, jaw jole məje dɔ kulaje tə̂ kə̂ aw ddaje ddəw mə-kunn tə̂ ləse kə dɔ ndiki tə̂ ləse kə̂ aw dda kula. Jole məje dɔ məse tə̂ kə̂ aw undaje dɔ Əbbəjeje Jeju-Kristə tə̂ arəje ngəng le tɔ.

Ebərəje 11:39

Dede tɔyn, ddəw mə-kunn tə̂ ləde â Lubba pa nɛ̂n tar ləde maji. A dingaje nɛ̂nje kə̂ Lubba unn ndue ta karəde le ang.

Ebərəje 12:1

Jeje, dəwje nya kə̂ ddaje nɛ̂n ddəw mə-kunn tə̂ le gukujeje. Yeenn a, maji karə n-mbətəje nɛ̂nje tɔyn kə̂ aw ɔɔyjeje, uta tɔyn majang kə̂ aw unguje mə bandə tə̂ laa kə ngɔru baa, ta jaynje ngɔru kə̂ Lubba dujuje karə jaynje le bbo jinyaje ddəwe ang.

Ebərəje 13:21

Maji karə ne Lubba le narə ingaje singa ta dda nɛ̂n nɛ̂nje tɔyn kə̂ maji, bba karə ə-ddaje nɛ̂n nɛ̂n kə̂ məɛ̂ ndiki. Nɛ̂n kə̂ nəəl kəmɛ̂ tə̂ â maji karə n̂-dda məje tə̂ ddəw tə̂ lə Jeju-Kristə. Ne Jeju kə̂ piti to laa kə ndɔ kə ndɔ. Amɛnn!

Ebərəje 6:12

Arəje dabbə ddase ang, a ə-ndajije dəwje kə̂ unnje məde ngaâ tɔje wurde nginanje ngaâ ingaje nɛ̂nje kə̂ Lubba unn ndue ta karəde.

Ebərəje 6:15

Abaraham tɔ wure nginan ngaâ ninga nɛ̂n kə̂ Lubba unn ndue ta karɛ̂ le.

Ebərəje 6:17

Ddəw kâra baa, Lubba ndiki ta tɔju dəwje kə̂ nunn ndue narəde le to, ndue le a turu ndɔ kâra ang. Yeenn bba nunda yo.

Ebərəje 9:15

Mba yeenn bba, Kristə to nje-gɔl-tar marə dɔnɔn kə̂ siki, bba karə dəwje kə̂ Lubba bbarde ingaje nɛ̂n-kingaje kə̂ a to kə ndɔ kə ndɔ, kə̂ nunn ndue ta karə dəwje laa. Dasəje ta kinga nɛ̂nje le, mba Kristə oy ta kɔru dəwje mə majangje tə̂ kə̂ n̂-ddaje kar tə̂ kə̂ n̂-naynje nɛ̂n kɔ dɔnɔn tə̂ kə̂ dɔngɔr le.

1 Piyɛr 1:9

Rɔse nəəlse mba ingaje kaji to kuka ləse mba məse kə̂ unnje le.

1 Jan 2:17

Nangə le aw nday kə bbo nɛ̂nje kə̂ nangə̂ tɔ. A dəw kə̂ dda nɛ̂n kə̂ mə Lubba ndiki a kisi kə ndɔ kə ndɔ.

Apokalisi 13:10

Bbo dəw kə̂ to ta karə duwɛ̂ bbərə tə̂ a, dâ kuwɛ̂ bbərə tə̂. Bbo dəw kə̂ to karə n̂-tɔlɛ̂ kə tɔkə kiya a, dâ tɔlɛ̂ kə tɔkə kiya. Kar nəənn to kar kə̂ ta karə dəwje lə Lubba tɔje wurde ngaâ uwaje mə-kunn ləde arə ngəng.

Apokalisi 14:12

Lo tə̂ nəənn to ta karə dəwje lə Lubba kə̂ aw ngəmje nduje laa ngaâ naynje ddəw məde tə̂ kə̂ dunnje darə Jeju le duwaje darə ngəng.