Ebərəje 10:1 - Dɔnɔn kə̂ Siki: Tar kə̂ aw arə təbbə

¹ Ndu lə Mɔyijə to ndil nɛ̂nje kə̂ maji kə̂ a toje ndɔ tə̂ kə̂ bara, bbo tɔju nɛ̂nje le kə dɔgɔlɛ̂ tɔyn ang. Mba yeenn bba, ddəw nɛ̂n-poloje tə̂ kə̂ daw darə kə bbal kâra kâra tɔyn le, Ndu asə ta dda karə dəw kə̂ ndiki ta ddee ngɔsi kə Lubba ddee maji tɔyn ndɔ kâra ang.

Ebərəje 10:1 ပူးပေါင်းရင်းမြစ်များ

Rɔmɛnje 8:3

Lubba dda nɛ̂n kə̂ ndu lə Mɔyijə asə ta dda ang, mba da-rɔ dəw kə̂ ubba singa ang dda arə Ndu le dda kula ang. Nɛ̂n kə̂ Lubba dda le to Ngonnɛ̂ njaa kə̂ nulɛ̂ narə unn da-rɔ kə̂ to tokə da-rɔ dəw kə̂ to nje-nɛ̂n-dda kə̂ maji ang, mba kɔru nɛ̂n dəwje mə majang tə̂. Ddəw tə̂ənn le. Lubba gangə sariya dɔ majang tə̂ kə̂ to mə da-rɔ dəwje tə̂.

Kolosinyɛje 2:17

Nɛ̂njeenn tɔyn toje to ndil nɛ̂n kə̂ a ddee ndɔ tə̂ kə̂ bara. A nɛ̂n kə̂ tɔkɔrɔ to da-rɔ Kristə.

Ebərəje 10:22

Yeenn a, maji karə n-ddeeje ngɔsi kə Lubba kə mə-kâra ddəm junnje məje tɔyn njaa jarɛ̂je ddəm. Mba məje le, n̂-toko kəjəje kə̂ maji ang kə̂ toje tə̂ kə ddang. Ngaâ da-rɔje le, maann kə̂ maji â n̂-toko nɛ̂n.

Ebərəje 7:11

Lubba unn ndu arə ngann Ijarayɛlje pa nan, njê kə̂ gəl Lebi tə̂ â a toje to njê-poloje Lubba. A bbo kula polo-Lubba ləde le asə ta dda karə dəw ddee maji tɔyn a, mba ddi bba a to maji ta kinga marə nje-polo Lubba dang bbay tokə Mɛlkisedɛk bbo marə dəw kə̂ gəl Lebi tə̂ tokə lə Arɔn ang wa?

Ebərəje 8:5

A kula lə njê-poloje Lubba le to ndil nɛ̂nje baa kə̂ undaje rɔ nɛ̂nje kə̂ tɔkɔrɔ kə̂ mə dara tə̂. Ddəw kâra baa tokə Lubba pa arə Mɔyijə kar tə̂ kə̂ nâ ta dda nɛ̂n kəy-tande kinga-naan le, n̂-pa nan: «Oo, maji karə ə-dda nɛ̂nje le tɔyn tokə ye kə̂ m-tɔji dɔ ddingiri tə̂ le.»

Ebərəje 9:11

A Kristə ddee mban. N̂-to tɔkə nje-polo Lubba kə̂ aw arəje nɛ̂nje kə̂ maji kə̂ toje tə̂ənn mban. Nandə mə kəy-tande tə̂ kə̂ ngəng uta ye kə̂ kete ddəm asə tɔyn ddəm. To dəw â dda kəy-tande le ang, yeenn pa nan to nɛ̂n kə̂ nangə̂ nəənn ang.

Ebərəje 9:23

Daw toko nɛ̂nje kə̂ toje to ndil nɛ̂nje baa kə̂ darâ darə ddee maji tokə baann. A nɛ̂nje kə̂ toje to nɛ̂nje kə̂ tɔkɔrɔ kə̂ mə dara tə̂, to ta karə nɛ̂n-poloje kə̂ maji uta â n̂-toko nɛ̂n.

Ebərəje 9:25

Bbal kâra kâra tɔyn, tɔkə nje-polo Lubba aw andə mə kəy tə̂ lə Lubba kə məsə da. A Kristə andə mə dara tə̂ ta kunn rɔɛ̂ karə Lubba gɔl banya nya ang.