Apokalisi 9:4 - Dɔnɔn kə̂ Siki: Tar kə̂ aw arə təbbə

⁴ Darəde ndu karə n̂-tujuje muje kə kamje kə kakəje ang. A dəwje kə̂ əndaji lə Lubba goto əngo-nɔnde tə̂ â ta n̂-ddajede maji ang.

Maketuru le Lubba ke tar kabba

⁴ Darede ndu kare n̂-tujuje muje, ke kamje, ke kakeje ang. A dewje ke endaji le Lubba goto engo-nɔde te a ta n̂-ddajede maji ang.

Apokalisi 9:4 ပူးပေါင်းရင်းမြစ်များ

Matiye 24:24

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, ta bbo ddəw to a, njê kə̂ Lubba mbərəde kara dâ kərəjede tɔ.

Epɛjinyɛje 4:30

Maji karə ulaje wungu mə Ndil-mə-nda tə̂ kə̂ Lubba arəse le ang. Ndil-mə-nda to tokə əndaji kə̂ Lubba unda rɔse tə̂ ta tɔju to marə ndɔ a, nâ kɔruse mə majang tə̂ tɔyn njaa kə ddang.

Apokalisi 14:1

Maa lo bbay a, moo Ngonn batə le ar dɔ ddingiri tə̂ kə̂ Sinyɔ. Dəwje doro kɔr kâra kə dɔsɔ gire sɔ (144 000) eeje mbɔrɛ̂ tə̂. Ri Ngonn batə le kə ri bɔɛ̂je toje əngo-nɔnde tə̂.

Apokalisi 6:6

Moo kɔru nɛ̂n tokə ndu dəw horo nɛ̂nje tə̂ kə̂ sɔ kə̂ toje kəm baa le nan: «Narɛ kula lə dəw kə̂ ndɔ kâra asə ndoko kilo ble kâra baa, a asə ndoko kilo ɔrjə mota. A inya ubbu kə bɛn arə to kə lo-toe.»

Apokalisi 7:1

Goe tə̂ a, moo anjəje sɔ. Darje kəkəl nangə tə̂ kə̂ sɔ. Duwaje ləlje kə̂ sɔ kə̂ aw ulaje dɔ nangə tə̂ darə kâra njaa kara ula dɔ nangə tə̂ ang ddəm dɔ ba-katə tə̂ ang ddəm dɔ kakəje tə̂ ang ddəm.

Apokalisi 8:7

Anjə kə̂ dɔngɔr to təbbə laa. A kɔju kə puru poleje naan kə məsə ngaâ gaynje dɔ nangə tə̂. Bbo n̂-kayn nangə kə kakəje kə̂ dɔ nangə tə̂ loe mota a, puru ɔn dəbbə nangə le kâra, ɔn dəbbə kakəje le kâra ngaâ ɔn kamje kə muje kə̂ təbbə tɔyn.